عاونوني يا الجزائريااات ما عرفت كيف ندير التعمير اللي يديروه في البركوكس يا الله دخلو

أم يحي صهيب · 2011-12-24, 13:48

السلام عليكم
يا الحادكات بنات بلادي
كي راكم بخير

ايوا انا قل دخولي شوية عرفتو ما عنديش النت على ديك

انا جيت اليوم باااش تعاونوني في شئ حاجة اللي تعرفها ما تبخلش اعليااا ياك

ايوا نبدا ولا عاد
انا بغيت ندير البركوكس
ولكن حنا في الغرب كا يديروه غير بالعصبااان اللي نصنعوه بيدينا ولكت دوكت عادو يفنو فيه عاد بليبول نتاع اللحم مرحي والصويلحات يميميم ريحتو جات في نيفي

دوكا شفت كا يديرو التعمير ولكت كيفاه يصنعوه وفي بنة فور يا ريت اللي تعرفو تقولي بالتفصيل والله الا بغيتو

ممكن تعاونوني فيه
وراح يتباااع شفتو في البلااد منين كنت لتم نشريه ونديره مع الطعام ولا بركوكس ولا اي شئ

يا الله نستنا ردوودكم

النجمة القطبية · 2011-12-24, 19:12

والله يا اختى احنا نحظروه بطريقة مختلفة
يعنى اولا نصنعو المرق عادى اما بلحم مقطع اجزاء صغيرة او حتى دجاج او لحم مرحى كور مثلا واحيانا بنوع خاص من اللحم هو لحم مجفف بالملح اعتقد تعرفيه واحيانا ممكن نديروه دون لحم ايضا
المهم الطريقة تحطى اللحم مقطع قطع صغيرة وبصل وزيت وملح وفلفل اسود وقليل من العكرى فوق النار ممكن تضيفى القليل من الفول والحمص طرى وجزر مقطع صغير وبطاطا مقطعة صغير
المهم ما توفر لديكى
كاين الى يحبوه حار شوى وكاين اللى يديرو شوى فلفل احمر حلو مهروس يعنى كل واحد وطريقتو
المهم ممبعد تمرقى وتغسلى كوب من البركوكس او اكثر وتضيفيه وتحركى حتى النضج
كاين اللى يخلوه شوى مثل الشربة وهذا الغالب عندنا انه يكون بمرق
وكاين اللى يكثرو البركوكس يولى شوى خاثر
المهم هادى طريقتنا والنتيجة روعة واحنا نديروه خاصة فى الايام الباردة
اريد معرفة طريقتك بعد اذنك وساتابع معك ما يقترحه البنات
متاااااااااااابعة

النجمة القطبية · 2011-12-24, 19:15

واشنو هو التعمير اللى يعرف يقولى

bilel9044 · 2011-12-26, 09:21

انا ثان منيش عارفة ماهو التعمير فهموني من فضلكم

أم يحي صهيب · 2012-01-01, 18:45

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ريحانتي · 2012-01-02, 14:49

التعمير ......كفتة .........كبدة تاع دجاج ........معدنوس ........ملح حرور .........قرفة .......فصوص ثوم .........سميد متوسط مgلي ........بيض
نجمعو الكل معا بعض نعماوه كويرات و نفوروه فالكسكاس تاع الطعام ..........مين يطيب البركوكس نفتوه مالفوق .........ديكور معنتها .........يجي هايل ..........
نتمنى تجربوه

مقدسية · 2012-01-03, 07:21

الحقيقة اول مرة نسمع بهدا التعمير،احنا نطيبو البركوكش بكثرة خاصة في البرود، لكن بقطع اللحم او الدجاج او القديد اي لخليع مع كمية من الخضار بما فيها حتى الكوب.

وبالخليع اخواتي يجي واحد البنة ماعندي مانقولكم...

سَلْسَبِيّلْ · 2012-01-04, 19:51

والله همري ماسمعت بالتعمير
احنا نديرو العيش بالخليع يجي يهبل خاصة مع برودة الطقس بسطيف

فتاة الايمان · 2012-01-22, 17:57

التعميرة نديروهابزاف فالعام اي الناير وهي ناخذ les zabas توع الدجاجو نطيبوهم معالبهراتوالمعدنوس و التوم والحار للي يحب وشويةطماطم مصبرة ونمرقوبشوية ماء وكي يبرد الخليط نزيدولو السميد يكون محمص اومفور اي كيما طمينة وليموه بالبيض وشكلي كورات و عمري تانيك فالدجاج و خيطي الجاجةوظعيه تطيب في القدر مع البركوكس و هدوك الكورات ديريهم يفور فالكسكاس وكي يوجدفتيهمفالبركوكس يجي هبال معروف هذا الطبق في ولايةالشلف و عين الدفلى اما فالغرب يزيدولو العسل هو مالحيجي معجب جربوه متندموش بالصحة و الهنا .

aziza34 · 2012-01-22, 21:19

السلام عليكم ورحمة الله تعالى وبركاته
تعميرة نقصد بها أكلة مغربية يكون دجاج محشي بالكفتة ويعملوه في بركوكس ولا كسكس
أنا كيلتو وذوقو جميل جدا إليكم المقادير التالية
دجاجة كاملة حوالي 2.5او 3كغ
رطل لحم مرحي
رطل كبدة دجاج
2 ملاعق سميد خشن
2 بصل
6 فصوص ثوم
ربطة معدنوس
ربطة قصبر
حبة بيض
ملح
فلفل اسود
كركم
كمون
زريعة بسباس
حبة حلاوة
زنجبير
جوزة طيب
كيفية التحضير:
بعد غسل دجاج بالملح والخل تترك تنشف مع محافظة جلدها
خذي صحن ضعي فيه لحم مرحي+كبدة مطحونة+1 بصلة مفرومة+فصوص ثوم+ 2 ملاعق سميد+معدنوس+قصبر+ملح+ توابل مذكورة+حكة جوزة طيب يخلط جميعا
ضعي دجاجة على لوحة باليد تبدئي من صدر دجاج حاولي بين جلدة دجاجة تدخلي اصابعكي تفتحيها وصولا رقبة وتقومي بحشوها بالخطة مذكورة حتى تنتهي كاملا من جهة الأمامية ثم من جهة الفخضيين بنفس طريقة تفتحي جلدة بالأصابع يدك وتدخلي الحشوة فقط حاولي ان لاتمزقي جلدة وبعد ذلك المتبقي املئي به داخل دجاجة ثم قمي بغلقها بالخيط
هذا بالنسبة تعميرة دجاج وانت حرة تحبي دريها مع مرقة بركوكس 1بصلة +2 راس ثوم+حبة زرودية+حبة لفت مقطعين صغار+كرافص+2 حبات طماطم+ كمشة حمش+كمشة فول يابس+ملح+ فلفل اسود+ عود قرفة+ راس الحانوت +2 ملاعق معجون طماطم اتركيهك في نار هادئة +الماء حسب القدر +دجاجة مذكورة مسبقا بعد طهي دجاج والخضر انزعي دجاجة وضعي بركوكس كاين لي فورو وبعد يرميه في المرق لكي لاينشف او ترميه مباشرة في المرق حتى يطهى مع تحريك+لي يحب ثوم يزيد في الاخير حوالي 4 فصوص راكم تعرفو بركوكس يحب ثوم وتاني تحبي زيدي كورات من لحم مرحي مع البركوكس بعد ما تقليهم في مقلة
ونفس تعميرة دجاج تطهى مع مرق الكسكس وتقدميها معاه وان شاء الله جربوها وتردولي الخبر

أسية24 · 2012-03-17, 18:51

شكرا أخواتي كنت نحوس عليها وشفت طريقة أخرى عملتها حورية المطبخ مع الكسكس وطيبتها كيما الكاشير وقطعتها طوليا وزينت بيها الكسكس من الفوق تقريبا هي نفس المقادير إلي قالو عليها الأخوات لكن الطريقة تختلف قليلا
اولا تديري البصل يتقلى مع كبد الدجاج حوالي 200غ أو لحم مفروم وتضيفيلهم الثوم والملح والحرور
وثانيا تحمصي السميد في الزبدة كيما نعملو في الطمينة حتى يحمار مليح وعلى نار هادئة
ثم نخلطو الخليط الأول مع الثاني بعيدا عن النار ونضيفولهم قصبر ومعدنوس مقطع رقيق وبهارات وثوم وبيض حتى نتحصلو على عجينة جارية نخلوها ترتاح وتتماسك نديروها في كيس سباقيتي أو بلاستيك الطبخ ونغلقو الجوانب وندخلوها في المرقة حتى تطيب وإذا عملناها معا البركوكس نفتوها فيه