حابين يديروها بيناتنا

[مشكلتي]

السلام عليكم ورحمة الله
انا فتاة مخطوبة عندي 21 سنة بصراحة راني خايفة من وحد الهدرة قالتهالي قريبتي
المهم هاد قريبتي كانت لاباس بيها خطبوها وتوجد لعرسها فرحانة نهار عرسها فات عادي النهار الثاني خرجت برا وقالتلهم مانسحقوش وبعدوه عليا ومارانيش حابة نشوفو المهم مسكينة راهي في حالة غير تشوفو تولي تضبح وقالتلو غير دارك لي ماندخلهاش وزوجها مسكين مافرح ماعاش حياتو بقا يساعف فيها وجابلها الرقاة ودارلها كلشي وبدووون جدوى لوين ماوصل قالها نطلقو وراهم رايحين يطلقو هاد ليامات
مشكلتي انو تلاقيت بهادي قريبتي وحد النهار وقعدنا نحكو وخفت نجبدلها على زوجها غير تسمع اسمو تولي تضبح المهم كنا قاعدين حتان جات ليا قاتلي انتي سبااابي وبدات تضرب فيا وتقلي انتي سبابي انا خلعت وليت نرجف درت لكوراج وحكمتها وقلتلها فهميني وشنو انا سبابك
قاتلي كنت لاباس بيا وحد النهار خرجت برا كنت نجهز جاو نسى حكموني قاتلي مانعرفهمش قالولها انتي فلانة لي خطبك فلان (كانو قصدهم عليا انا) قاتلي انا كي ماعرفتهمش قلتلهم ايه انا هي واش دخلكم قاتلي ورحت وخليتهم من موراها بدات تمرض بالشوي
انا خلعت حكمتني الصدمة قاتلي كانو حابين يسحروك انتي مشي انا وانتي سبابي لكان راني لاباس بيا
راني خايفة بزاف ملي قاتلي هاد الهدرة مارانيش نرقد وهي راح تطلق مع راجلها وانا نحب خطيبي ونموت فيه وراني خايفة حابين يديروها بيناتنا وهاد اليامات راح نفتح وراني خاااايفة كيفاش نقدر نحمي روحي وخطيبي لكان نخسرو نموت عندي هو وحياتي كيف كيف فرحتي غير معاه ونحبو فوق ماتتصورو وحتى هو يبادلني بنفس الشي وحكيتلو هاد لحكاية قالي ربي راح يسترنا ماتخافيش
بصح انا بقيت خايفة ،،، كيفاش نقدر نحمي روحي من هاد الناس لا حول ولا قوة الا بالله

[oprah]

متاامنيهاش

[أم عبد الكريم]

كلشي يبد ربي سبحانه

[نسيم الشوق]

على حسب ما اعرف ان السحر يظر الشخص الذي عمل له السحر وليس اي شخص .

وارجو من الله ان يشفي هذه المراة ويكفيك شرها.

[لامْية]

متصدقيهاش كذابة هذي باينة غارت منك وحسداتك وحابة تفرغ فيك غيضها .....متكونيش جايحة ؟أيعقل ان احدا يسألها عليك وتقولو ايه انا هي..اسمعي ختي نعرف مليح خدايم لبنات من هذ النوع يدوك للواد ويرجعوك عطشانة عجيب امرها فشلت في زواجها حابة تزيدرتخرب حياة ناس اخرين ننصحك تنزعي كلامها من راسك ومتخميش فيك البتة ..اذا كان كلامها صحيح علاه مهدراتوش من زمان حتا تهدرو ضرك كي تخطبتي خلينا من لعب النسا يرحم والديكم رانا ارتوينا منو

[اياد حياتي]

انا بانتلي بلي هذه الطفلة عندها مخيلة واسعة دارت فيلم متعرفيش كامل سبة الي بيناتهم وانتي مدام قلتي لخطيبك متخافيش وحصني نفسك باذكار الصباح والمساء

[غربة أهل السنّة]

وعليكم السّلام ورحمة الله وبركاته
أختي الفاضلة، عليكِ أن تكوني حذرة من هذه الأمور، فيجبُ عليكِ أن لا تصدّقي كل ما يُقالُ لكِ
من يدري أن هذه الأخت صادقة أم كاذبة، ومن يعلم نيّتها في حكايتها -التي تبدو لي مؤلفة من خيالها-؟
الله وحده من يعلم...
ثمّ لماذا تخافين من السّحر وأن يفرّقوا بينك و بين خاطبك؟ أليس الله هو من يحميكِ؟
تمسّكي بأذكارك وكوني قريبة من الله تعالى و أرمي عنكِ حكايات الجهل و الخرافات
وأهمّ نصيحة: عليك أن تتوكّلي على الله في أن يحفظكِ ولا تحكي حياتك الشّخصية لأيّ كان من النّاس
لا تحكي عن خطيبكِ للآخرين
وفّقكِ الله

[ضآحكة مستبشرة]

قل لن يصيبنا إلا ما كتب الله لنا

اختي مستحيل يصرالك شيء ماشي كاتبولك رب العالمين
متخافيش

[lمنال]

اختي داومي على قراءة سورة البقرة كل يوم واذكار الصباح و المساء وصلي الصلاة في اوقاتها واظن ان هذه قريبتك راهي تكذب المهم كيما قالولك اللي قبلي اياك ان تحكي على خطيبك قبل او بعد الزواج ودائما استغفري وما تبقيش اتخمي في هاد الصوالح لانه سيفسد فرحة عرسك اتكلي على الله ولن يصيبك شيئ باذن الله وانصحك ان تبتعدي عن هذه الفتاة لانك ما كيشي عارفة نيتها المهم مبروك مسبقا وربي يسعدك ويهنيك

[ابراهيم داود]

الامشارقة يقولون اللي يخاف من العفريت يطلعلوا.... وقصة السحر هذه اغلبها كلام فارغ يسقط عليه الناس مشاكلهم وخطاياهم .... لذلك من يؤمن بهذه الامور يقع تحت تاثير الايحاء والوهم (وانا لا اخالف حكم الشرع بان السحر موجود لكني ادعو الى الابتعاد عن هذه الامور) هذه الفتاة غيروة منك وتريد تدمير حياتك فالافضل ان تبتعدي عنها

[محمد جديدي التبسي]

يبدو من كلامك انك صغيرة في العقلية ومازلت لا تدركين معنى الزواج تحكيلنا في قصة حبك ومدى هيامك بخاطبك هو حياتي ونموت فيه وهو نفس الشيء ماذا يهمنا نحن في القصة تريدين ان تضري العزاب هنا ام ماذا؟!! تعلمي تكوني أنضج ونحي الخوف هذه الحياة ليست بالسهولة التي تتصورينها لابد فيها من علم وعمل وتوكل على الله في كل شيء وحينها لن يضرنا شيء ونكون على استعداد لتقبل كل ما يصيبنا اما ان نمشي في طريق بعيدين عن الشرع في أخلاقنا وتعاملاتنا فلنتوقع كل شيء ..ربي يصلح حالك ويتم على خير..

[AMINA.Z]

عليكما بالاذكار ..فهي تحصن النفس و تبعد البلاء
ربي يهنيكم

[غزلانْ]

بالنسبة لقريبتك ليس الأمر
بالعادي لربما تعرضت لسحر فعلا
اد من غير المعقول تقوم بكل التجهيزات
و في اللحظة الأخيرة تقولي خرجت برا وقالتلهم مانسحقوش وبعدوه عليا ومارانيش حابة..........

حاولي مساعدتها بما أنك قريبتها
بالرقية المتسلسلة
و أنت يكفيك أن تحصني نفسك فقط

[nasser26]

حكاتلك فيلم من عالم الخيال ولا أروع

خليك من هدرتها ومتوسوسيش روحك

[أمل94]

ياختي هذي باينة قصة مخترعة امالا متشغليش نفسك بها ومتخافيش ملبشر بزاف لان الله قادر عليهم جميعا يعني ديري ثقتك في ربي هذا مكان انشاله رب يهدي العباد