عش الطير .... حلوى بالقطايف مناسبة لعيد الفطر المبارك :)

[عبير الحـب]

السلام عليكم ورحمة الله تعالى وبركاته ..
صحة فطوركم وسحوركم ورمضانكم وعيدكم من درك ههههه
والله نتمنى مشاركتكم بالوصفات والأراء لكن ما باليد حيلة وقتي مع العمل ما يسمحليش واليوم راني سرقتلكم من وقتي وجبتلكم حلوى بنينة وساهلة للعيد إن شاء الله





مقاديرها هي
3 كيلات فرينة
كيلة سمن + مرغرين
رشة ملح
ماء الزهر
تحضير العجينة
اخلطي الفرينة مع السمن ورشة الملح حتى تتحصلي على خليط مرمل ثم اجمعي بماء الزهر حتى تتحصلي على عجينة لينة لاهي طرية ولا هي يابسة اعجنيها في الخلاط الكهربائي 10 د والا ماعندكش شمري على دراعاتك :d واعجني على قد ما تقدري القاطو يجيك هششششششششششششششش
وتتحصلي ان شاء الله في الاخير على عجينة جميلة
كل ما خليتيها ترتاح كل ما كان احسن
لو باتت في الثلاجة تبقى هايلة


بالنسبة للحشو يا حراير منتدى الجلفة
راح نحتاج
3 مقدار مكسرات جوز او لوز او سوداني اللي عندك
مقدار سكر
ملعقة صغيرة قرفة
ماء الزهر
نخلط المقادير الجافة ...ونرش شوية بماء الزهر ونخلط نتحصل على خليط رملي مثل حشو البقلاوة


العجينة والخليط جاهزين
الأن نقوم بفرك القطايف بشوية سمن


طريقة التحضير
نخرج العجينة من الثلاجة ونفردها على الطاولة ويمكن نفردها على الماكنة على الرقم 3 ثم 4 ثم 5 المهم الرقم الاخير يكون ما قبل الرقم الأخير وهنا كل واحدة وماكنتها .... نقطع دوائر ونفرش العجينة على القوالب الحديدية
أو نحط العجينة على القوالب ونضغط بالوراق أي القنوط
حتى يسهل تقطيع العجينة بسهولة على حافة كل الكاسات
نحط الان ملعقة من الحشو في كل واحدة بعد مانكون ضبطناها بيدينا
ونحط شوية قطايف عليهم ونحاول نضغطها شوية
نحاول نسقي كل وحدة بشوية سمنة
وعلى الفرن يا الشاطرااااااات

بعد النضج نحاول نحمرهم شوية من فوق
ولما يخرجو نسقيوهم بشاربات ثقيلة شوية مخلوطة مع ملعقتين ثلاثة ماء الزهر أو عسليهم بالعسل فقط وزينيهم بشوية فستق مرحي خشن
و شوية سمسم حلواني إن أمكن ولماع غذائي ذهبي وبالصحة والراحة ... ولا تنسوني من دعائكم .. وسلام