التعليمة الاخيرة فيها عبارة مهينة لكم

[didin41]

السلام عليكم
جاء في التعليمة الاخيرة التي صدرت بتاريخ 04/01/2016

عملية تطهييييييييييييييييييييييييييييييير للمستفيدين من برنامج التشغيل و الادماج المهني و حاملي الشهادات
كنت اعتقد ان الاوساخ هي ما يطلق عليها هاته العبارة

كل يوم تزداد عبارات و تصرفات مهينة تجاه الجامعيين و الرخاص راقدين

[الزعيمة]

ما لازمش نسكتو... خلاص وصل الموس للعظم
لازم نتواصلو مع بعضانا و نراسلو الصحافة و نطالبو بحقوقنا
وين صرات هادي مايخدمونا ما يخلونا نقرا على رواحنا
خلاص سكتنا بزاف ياجماعة
الصحافة هي املنا.. هي نشرت الخبر و هي تنشر انتفاضتنا
اللي موافق يراسلني
لازم هاد الخطرة نسمعو صوتنا و نديرو حاجة

[أحمد زابانة]

مكان والو ما نديرو والو ننتهجو سياسة السكوت على الأحمق جوابه . و لي هدر الهدرة هذي يروح يطهر روحو و منبعد يجي نحكو معاه

[didin41]

لازم انتفاضة

[didin41]

التطهير يكون للقذارة وليس لحاملي شهادات مستقبل الوطن

[mosa3bhd]

ويقولو البلاد مليحة

[ملاك الورد23]

لازم صوتنا يوصل لبوتفليقة ، ربي يشفيه، بصح شكون خلاه يبقى لعهدة رابعة / الشعب/ مالا لازم عليه يوقف معانا ضد المافيا الي تحكم في بالاصتوا
كون ماشي الشعب راو يتلاطم في السبيطارات وخلس مانحكوش حوايج واحد اخرى
الله لاتربحهم ولا يخلف عليهم خلاونا كي الطلابات نجروا وراهم على الخدمة
قرينا وندمنا ، ناس ماعندهاش نيفوا بخدمتهم وكلشي واحنا الي تعبنا وقرينا مازالنا نجروا ورا المسابقات

[لجين امنيتي]

هدا مهين من جهة ولكن تقولين التطهير للقادورات ها امر مهين فعلا ربى يغفرلك

[didin41]

بالتوفييييييييييييييييييييييييييييق

[ScRiPt]

انا تركت الجامعة مرنيش منكم
حبستها و منزيدش نولي ليها

[zikointer]

لماذا تواجدت الجامعات ... لتخريج كفاءات لتسيير كافة القطاعات .... لكن الكفاءات تتخرج بالالاف سنويا ... لكن اين تذهب .... علاه قرينا ....................

[الزعيمة]

الانتفاضة لازم
بصح علاش ساكتين
علاش خايفين حتى تقولو كلمة حق
ما قلناش نخرجو و نتظاهرو ونضرب عن العمل باش تخافو
ضمو صوتكم لصوتي ونعاونو بعضانا
خلينا نكونو نقابة و لو غير عبر النت
مكان حتىواحد عاوني وحب يساندني
شفتو الفيديو تاع " تاكلي الجاج " وين وصل... فيديو تاع شحك و تمسخير عشا شايع في كل مكان و فالقنوات التلفزية و الكل يحكي عليه
علاش مانسمعوش صوتنا ونخلوها قضية راي عام
عاونين ماتخلونيش وحدي
لو موضوع عالمنحة كنتو كامل دخلتو وسقسيتو و استفسرتو عالخبر وينتا تدخل وادا فيها زيادة و لا لالا
بصح ياجماعة الموضوع اخطر ممكن يمس فئة كبيرة يبطلوهم و يحبسوهم
امالا قبل ما يبداو نبداو حنا

[الزعيمة]

هدا اللي خلانا نقعدو اللور مانتقدموش و لا خطوة
كل واحد يقول انا خاطيني
في فرنسا لما جاو يطبقو هاد السياسة تاع التشغيل اللي هي عندنا عقود ما قبل التشغيل
خرج كي الخدام كي البطال يتظاهرو
خرج كي الصغير كي الكبير
كي الشاب كي اللي حايخرج تقاعد كي اللي مزال يقرا
مكاش اللي قال الامر مايهمنيش
الطالب خرج لانو يجي يوم وتخرج.. و المتقاعد عندو بنتو ووليدو تمسهم هاد السياسة... و هكذا الخدام و البطال.. الا مايهمهم الامر بطريقة مباشرة او غير مباشرة
انت كي تنتخب على بوتفليقة و لا غيرو حيديرلك حاجة مليحة لشخصك و حدك و لا على اساس الخير للبلاد الكل...قاد تنتخب و منها اجيك الفيزا و تعشي فالخارج عايش.. بصح تنتخب للصالح العام
كامل عندنا افكار و لازم نظموها و نسمعوها مانخلوهاش مجرد كلمات وراء الحواسيب

[didin41]

موطني موطني
الدولار والدينار والريال والعقار
همّهُم همّهُم
فقرنا وجوعنا وذبحنا وحرقنا
شعارهم ورمزهم
حالنا وضعنا
بائسٌ لا يوصف مقززٌ ومقرف
بائسٌ لا يوصف مقززٌ ومقرف
للهلاك للهلاك
قادة النفاق
مالهمّ ميثاق
موطني موطني~

[Algam]

حسبنا الله ونعم الوكيل ما فتحونا الباب باش نقروا صحاب النظام الكلاسيكي كلاهم واد ماكاين ماجستير وزيد ماستر يدو 10 ويزيدو يجوك من كاع الولايات يزاحموك لحقتونا حتى للخدمة ما تخلوناش ترونكيل؟؟؟