المحنشة باللوز

هانية2 · 2016-01-25, 08:46

المقادير :

رابعة اللوز
125 سنيدة
3 م ك زبدة دايبة
2 معالق ماء الزهر
ربع معلقة ص قرفة
قبصة مسكة حرة مدقوقة
20 ورقة بسطيلة
شوية الزبدة دايبة

للتزيين :

اصفر بيضة
3 م ك لوز افيلي
2 م ك عسل

التحضير :

نسلق اللوز فالما سخون واحد 5 دقايق نقيه ونشفو ونطحنو مع سنيدة ونعاود نطحنو عدة مرات
فانلء نضيف. للوز الزبدة دايبة والقرفة وماء الزهر والمسكة الحرة نخلط مزيان باليد حتى تندامج العناصر ونشكل منها قضبان
ناخد ورقة البسطيلة ونحاول نقطعها على شكل مستطيل من بعد ندهنها بالزبدة ونحط فالطرف ديالها القضيب ديال اللوز ونلوي الورقة ووسطها القضيب ديال اللوز وفالاخير ندهن باصفر بيضة ونرش باللوز افيلي من الفوق ونستف القضبان فطاوة مدهونة بالزيت وندخلها لفران حرارته متوسطة مدة ربع ساعة تقريبا حتى يتحمر
مللي يطيبو ونخرجوهم ندهنهم بالعسل دافي ونقطعهم بموس ماضي لقطع صغيرة ونقدمهم باردين

فاطمة شلف · 2016-01-25, 09:00

السلام عليكم ورحمة الله وبركاته
الله يعطيك الصحة هانية ربي يجزيك
تحياتي لك

جنة الفردوسْ · 2016-01-25, 12:23

تحفة ماشاءالله

fatisousou · 2016-01-28, 15:20

ماشاء الله عليك والله تحفة ربي جازيك