رولي الكرنب بكبدة الدجاج

[حياة نور الدين]

السلام عليكم
بسم الله الرحمن الرحيم

اليوم جبتلكم وصفة اممممم الكرم رولي بكبدة الدجاج والصوص حمراء




المقادير

اوراق كرم مفورة
كبدة دجاج مقطعة صغيرة ومقلية شوية في الزيت بالملح
ارز مفور من الاحسن طايب بالماء والملح
بيض مغلي رابي
جبن رابي اوقطع انا اسيتعملتهم لزوج

صوص الطماطم
نحط في مقلاة الزيت والثوم والملح والفلفل الاسود والفلفل الاحمر والحار الي يحب ونقلي شوية نضيف طماطم رابي وملعقة طماطم مصبرة وشوية ماء وحمصة طايبة ونخليها تطيب شوية ونطفي النار

طريقة التحضير

نفرش اوراق الكرمب مثلا فورنا ثمانية نحط اربعة فوق اربعة ونحطهم على ورق بلاستيك باش يساعدنا منبعد نروليو ونزيد من فوق الكبدة ثم الارز ثم البيض رابي والجبن رابي وقطع ونرش بالنلح والفلفل الاسود والكمون والقصبر مرحي ونرولي الكرمب باسيتعمال ورق البلاستيك

بعد ما نلفوا نحطوا في مول ونتسقيه بالصوص تكون شوية قاوية باش يكمل الكرمب يطيب فيها ونحط قطع زبدة فوق الرولي وندخلها للفرن حتى تنشف شوية الصوص نخليها تبرد شوية ونقطعوها