ندمت عليها

مشكلتي · 2016-01-20, 10:42

انا من تلمسان عندي36سنة متزوج بصح المشكل حسيت مرتي ما تبغينيش تبغي غي باش تكون في دارهم...ولالي للحنين نتاع الاولى لي كانت تقرى معاي وتبغيني بزاف بديك لي بغيت نخطبها بصح وحدة من الفاميليا قالت لماما خفيفة! ...تعرفو والله مين قعدت نتفكرها نبكي عليها من درجة الوحش والشوق الله غالب تزوجت ..وليت موسوس ونخمم فيها بزاف مازلت نبغيها ...راني نتمنى نتزوج بها عند ربي ...عطوني الحل ولا حاجة تخفف علي...

ضآحكة مستبشرة · 2016-01-20, 14:33

حاول تقنع زوجك بضرورة الاهتمام بك
وضحلها انك في حاجة ليها و لازم تقوم بدورها كمرأة متزوجة و مسوؤلة
فهمها وعيها و ابتعد عن التفكير في مرأة اجنبية
وان كانت زوجتك لا تبالي بمسؤولياتها
قول لها يا تحسني من تصرفاتك يا لي كيما نتي كاين بزاف
بغرض التخويف ماشي التطبيق
شوف روحك بلاك راك مقصر في حقها بلاك مراكش موفرلها واش تحتاج
حاول تتقرب منها شوفها واش تحب وفرلها
خرجها قلشها اتساهل معاها
حاول تشوف بلاك راها في مشاكل عاونها

و ان شاء الله يفيدوك المتزوجين اخي
و نحي من بالك فكرة الزواج بمرأة اخرى لانو بلاك راك انت السبب في تهرب زوجتك

وربي يهنيك

ايمان4 · 2016-01-20, 14:51

لو كنت صح بغيت الاولى لو انك تزوجت بيها هي لانو لا هاد المراة من العئلة لي قالت عليها خفيفة و لا غيرها ما يعرفوها كما عرفتها انت بحكم انها درست معاك يعني تعرف عليها كلش ..... تلعبو ببنات الناس و تتزجو بمن اختارت امهاتكم و بالنهاية تلعبوها تندمو المهم ليست هذم مشكلتك
نحي عليك التفكير بالاخرى و اقنع زوجتك و اعطيها بعض الاهتمام فالواضح ان المشكلة مشكلتك لازملك وقت باش تبغيك كما بغيت روحك ف الاخرى و ايضا يوم كنت مع الاخرى لم تكن مطالبا بشىء سوى مكالمات الحب و غيره دركا صارت عليك مسؤوليات مع هادي ... هادي حلالك .. و زيد عليها انو الاخرى كانت عايشة ف دارهم يعني تتوحشك انت مش لي عايشة معاهم دركا هادي عايشة معاك تتوحش اهلها ... و لك و لو انك تعاملها مليح و تخرجها و تحوس بيها لكان راها تفضل تبقى معاك مراهاش صايبة الاهتمام و الحب عليها راها تقضي معظم وقتها في بيت اهلها لكي يعطوها ما لم تستطع اعطائها او لم تحاول ... المهم اللله يوفق

mon mari · 2016-01-20, 15:07

ربي يهديك تظن بلي هادي سبة باش تخمم فالاخرى لوكان جيت تحوس على مرتك و تقلشها او تتهلا فيها ما تهربش لدارهم نتا راك دايرها اليكار و تحوس عالقديم ا مالا كي تحب لقديمة واش داك تتزوج و تعذب فبنت الناس اوزيد مخلي الحلال او تبكي عالحرام و ليت موسوس لوكان وليت لمولاك ماشي خير ليك اهتم بصلاتك او دينك و كثر الدعاء و الصدقات او لي فات مات و اهتم بمرتك و اكسب الاجر راك كبير على هاذ الامور

mohess · 2016-01-20, 15:58

صاحبي استحفظ بمرتك و اتكل على الله

bello angel · 2016-01-20, 15:56

خويا نقلك حاجة متاكدة منها شخصيا و مجربتها راهو القلب فيه بلاصة وحدة مش زوج
انت تحب مرا اخرى حسبت بللي كي تزوج راح تنساها و داك الزهو تاع الزواج و العرس لكن مبعد اكتشفت بللي مزالك تحب الاولى
راك تقول مرتك مهملاتك و هاربة لدارهم لكن المرا راهي تحس اكيد هي حاسة بللي راك بعيد عليها و قلبك مش معاها علابيها كارهة الدار
كون جيت مالي عليها حياتها راهي تحسب الثانية كي تبعد عليك
وانت علاه تبع في راي امك؟راجل 36 سنة ماكش قادر تقرر شكون تزوج؟
المهم كون جيت خاطب برك نقلك حبس لكنك متزوج ربي يهديك حاول تحب مرتك دوك تلقاها حتى هي قربت ليك
و حط في بالك بلي حبيبتك بالاك كون تزوجتها راك اصطدمت بحوايج بزااف فيها و راك تتحسر على مرتك دزكا

زبدة ذايبة · 2016-01-20, 17:11

يا أخي الشيطان راه يلعب بعقلك

لو كان تزوجت بهذي اللي راك تبكي عليها

لوكان جا الشيطان وقالك هذي خفيفة وماتصلحش وماشي محال يخليك تشك في عرضها

يعني نحي من راسك هذ المرأة اللي راك تبكي عليها

وفكر في هذي اللي راهي معاك وتحب تخليك

وتروح لدارهم على جال مالقاتش فيك الحنان والعاطفة اللي تحتاجها

فكر في بيتك واصلحها

هذيك انساها نهائيا ،،،، انتهى حب المراهقة

انت الآن راجل ورب أسرة

فكر الآن كيف يكون عندك أولاد وكيفاش تربيهم

ماتخليش الشيطان يلعب بعقلك

هذا مدخل من مداخل الشيطان

هو حريص باش طلق زوجتك الليل قبل من النهار

ويبدى يصورلك هذيك الحبيبة اللي فرطت فيها وكأنها ملاك أو حورية من الجنة!!!!!!!!!!!!

لالشيء حتى يخلطلك عقلك

ولوكان تكمل هكذا ماشي محال تدخل في الاكتئاب والاضطرابات النفسية

ومن بعد المختص النفسي مايفريهاش

وعلى جال واش ؟؟؟؟؟

على جال وحدة ربي ماشي كاتبهالك

علاش تقتل روحك؟؟؟؟؟

تزوجت خلاص !!!!!!!!!!!!

ماتخليش الوهم يعشش في راسك

ومارانيش شايفة علاه عليك هذ الحالة

وراني نشوف غير في الشيطان يتمسخر بيك باش تبقى عايش محطم

لوكان جا فيها أمل أو أي شيء إيجابي لوكان اعطيتك رأي آخر

لكن المهم الآن هو انت

اللي راني شايفاتك يا أخي رايح لطريق خطيرة على نفسيتك وعقليتك

راك راجل وكبير في السن وتزوجت وعندك مسؤولية تاع إمرأة مابقاش تفكر في الحب تاع بكري

اللي ماهوش حب لأنك ببساطة لوكنت مقتنع بهذيك الطفلة لوكان تزوجتها مايهمكش حتى واحد

ماتعيشش في الأوهام باش ماتبقاش تايه في هذ الدنيا وتخرج ماراك بزوجتك ماراك بهذيك ماراك بعقلك اللي بديت تبحر فيه

بسبب هذه الأوهام الزائفة واللي ماعندها حتى معنى من حيث العقل والمنطق

استهدى بالله وارجع لبيتك ولزوجتك اللي ماعندها حتى ذنب سوى أنها قبلت تتزوج بيك

الرضى بالقضاء من أصول الإيمان

ممكن رب العالمين بعد عليك الشر وقربلك الخير

ماتهدمش حياتك وزواجك على جال أشياء ماعندها حتى معنى

وفي الغالب الرجل اعطالو رب العالمين القدرة على حب الكثير من النساء

يعني عمري ماسمعت بواحد مات على جال إمرأة

ممكن في كتب التاريخ والأدب فقط

انتبه لنفسك يا أخي ماكالاه تدخل لزنقة لهبال على جال والو

اسمحلي على كلامي

لكنني مارانيش حابة تخلاص عليك مدمر

ربي يوفقك ويهديك يا أخي

Ghost happiness · 2016-01-20, 18:33

فيق يااخي
تبقى تفكر في الاولى بعد يحكمك الاكتئاب تعود تحب الوحدة وتنفر من الناس بعد تدخل في دوامة تاع حزن، تسمع الاغاني الحزينة ونهار كامل وانت تتحسر وتلوم وتقول الدنيا عكساتك، تولي دائما منفعل وسريع الغضب تكره الناس فيك، تضيع العبادات و علاقتك بالله سبحانه وتعالى، بعد ممكن تفسد و تروح للخمر والمخدرات وتقول ننسى

و المرأة الاولى عايشة حياتها وبالاك تكون عند زوجها عايشة في العسل وانت تغبن في روحك في حاجة ماشي مكتوبة ليك

وزوجتك حلالك وشريكة عمرك اللي فالحق تسعدها وتعيش لها راك مقصر معاها على هذا الشيء راهي تروح لعند اهلها

ياأخي ننصحك شوف الحاجة اللي عندك وحطها في عينيك واخطيك من اللي خاطيك

malikdz01 · 2016-01-20, 19:39

تبانلك برك كامل كيف كيف

AMINA.Z · 2016-01-21, 01:22

هناك مشكلتين في حياتك و تتكرران في هذا المجتمع كثييييييرا .ا
لاولى
مفهومكم للحب خاااااطئ ...لو احببت الاولى حتى و لو اجتمع كل سكان الارض و قالو فيها الاقاويل و انت تعرفها لما استمعت اليهم و تزوجت من احببت .. لذلك يرحم باباك ما تزيدش تقول حبيت.
الثانية
الرجل الجزائري عندو ثقافة انو المراة هي اللي لازم تحبو و تضحي علا جالتو و لازم تشوفو كلش في حياتها و هو لازم يكون سلطان يامر و ينهى و فقط
المراة كتلة من المشاعر ان كنت باردا اتجاهها و لم تكن تحبك في البداية فكيف ستحبك و انت لم تفعل شيئا لتكسب حبها !!!
و الامر الذي يثير استغرابي اكثر في الرجل الجزائري انه لا يحاول اصلاح زواحه .....يا اخي هذه زوجتك ...انت تراها مقصرة في حقك ....احضرها امامك و اجلسا معا و اخبرها ما يدور في راسك و عن رغباتك و اسمع منها فلعلها هي الاخرى تشتكي من اهمالك و برودك اتجاهها.
ايها الاخ انس امر الماضي...و حاول اصلاح زواجك و افتح قلبك لزوجتك و حاول الدخول لقلبها ....فيد واحدة لا تصفق.