عاجل كيفية عمل الروطي

[ايمان اسماء]

اللي عندها طرق عمل الروطي تقولي
وشكرا لكم

[ايمان اسماء]

ساعدوني ارجووووووووووكم

[omkhalil]

أنا متعودة أستعمل الروتي بالطريقة التالية : بعد ما نقي الدجاجة جيدا بالماء و الملح و الخل نخليها تقطر جيدا ثم نحضر لها الدرسة الملح و الثوم والدبشة و القصبر مع باقي التوابل والفلفل حسب الاختيار ندهن الدجاجة جيدا ثم نطيبها نصف طياب في القدر الضاغط مع كأس من الماء ، ثم ننزعها من القدر وأضعها في الفرن بعد ما نزيد لها الدرسة و التوابل ثم ندهنها بالزيت من فوق حتى تتحمر بسهولة في الفرن .
أما المرق الذى طهيت فيه الدجاجة في القدر الضاغط نطيب فيه البطاطا كطبق ثاني مع الجاجة و شهية طيبة

[dark.emily]

شكرااا جوعتوني

[kami2]

شكرا على الوصفة

[جيجلية]

سالت هذا السؤال من قبل ولم يجبني أحد

[mimicha1977]

المشاركة الأصلية كتبت بواسطة ايمان اسماء

اللي عندها طرق عمل الروطي تقولي
وشكرا لكم

يسمى روطي الفرن
دجاجة متوسطة الوزن (1.5 كغ).

- 4 حبات بطاطا متوسطة إلى كبيرة الحجم

- حبة بصل كبيرة

- 4 سنات ثوم

- 3 قرن فلفل أخضر حار

- 2 حبات طماطم كبيرة

- حزمة معدنوس

- ملح و فلفل أسود و زيت و ماء

التحضير:

طريقة التحضير فيها 3 مراحل:

المرحلة الأولى: هي المرقة

- نأخذ الدجاجة نغسلها و نقيها و نقطعها على أربعة ثم نغلي الماء و نحطها مدة 30 ثا و نحيها.

- نحط القطع الأربعة تاع الدجاجة و نحطهم في قدر أو طنجرة و نحط عليها مايلي: نص حبة بصل مقطعة مكعبات كبيرة و 2 سنات ثوم صحيحة و حبة طماطم و قرن فلفل حار و نص ربطة معدونس نعملها مثل الباقة ملح و فلفل أسود ( في هذه المرحلة لا نضيف الزيت ) و نمرق بالماء حوالي 1 لتر و ربع و نخليها على نار هادئة حت ينضج الدجاج.

المرحلة الثانية: هاذي للبطاطا

نقطع البطاطا على شكل دوائر بسمك حوالي 0.5 سم نحطلها شوية ملح و نقليها حتى يصير لونها اصفر غامق، بعد ما نكمل قلي البطاطا نفرغ الزيت من المقلاة و هي سخونة نقوم بتشويح المكونات التالية كل واحدة على حدة : نقطع نص حبة البصل الباقية جوانح رقيقة جدا حتى تذبل و تصير شفافة نشيلها و نحط الثوم 2 سنات مقطعين شرائح رقيقة نشوحهم شوية و نحيهم ثم الفلفل الحار 2 قرن، واحد نقطعوا دوائر و الثاني نقطعوا بالطول و نحيلوا الزريعة و نشوح و في الأخير نقطع الطماطم حبة دوائر و نشوحها كل جهة 1 د.

المرحلة الثالثة و الأخيرة: نجمع الطبق الروطي.

في مول أو صينية مدهونة بشوية زيت نحط كمية البطاطا المقلية دوائر ثم البصل و الثوم و الفلفل الحار المشوحين ثم الطماطم و نص ربطة معدنوس الباقية مقطعة ناعم ، بعد ذلك نأخذ قطع الدجاج و نحطهم من الفوق كامل هاذي المكونات و نقوم بتصفية المرق ( اللي طاب فيه الدجاج) و صبوا على الدجاج و ندخلوا للفرن مدة 30د-45د حتى تنشف المرق و تصبح قليلة و خاثرة أو عاقدة بألف صحة و عافية

[mimicha1977]

طريقتي الثانية

روطي المقلى
دجاج نقي الدجاجة جيدا بالماء و الملح و الخل نخليها تقطر جيدا لمدة 15د ثم شليه بالماء قوميبعمل ثقوب بالسكين و عمرها بالثوم مقطع قطع تبلى الدجاجة بالتوابال( كمون -زعفران- فلفل اكحل - ثوم -ملح على كامل الدجاج اقليه فى الزيت حوالي كاس + شوي زبدةعلى نار قويه مع تحريك يتحمر انزعي المقلاوة كبي عليه الماء حتى تتغطى ارجها لنار متوسطة هنا لكي خيار تحبي تضفي البطاطا او لا اتركيه حتى يجف الماء و قدمه اممممممم على طعم
دجاجة ادا كانت عندك مقلاة الروطي ممكن تخليها كما هي او قطعها

[راي عام]

يعطيكم الصحة وصفات جيدة والاحسن انو يتعمل بصدور الدجاج والخضر من باطاطا وطماطم وفلفل
والاخوات ما قصرن في ابداعهن
مشكورين

[ام خديجة1]

بارك الله فيك اختي ميميشة1977 اطباق رائعة

[أم يونس19]