طلب الى الاخت ملاك ملاكي

[ndj]

السلام عليكم

من فضلك اختي اود وصفة مقروط امك الذي وضعت صورة منه في احدى مواضيعك

شكرا لك

[ملاك ملاكي]

سلام الله عليك اختي مرحبا بك
اختي على الرحب باذن الله راح نحطلك الوصفة اعتذر منك لاني حاليا في الخدمة بربي كي نروح راح نقولها تعطيني الكيلة بالضبط ونحطهالك باذن الله لاني بالرغم نعرفها ولكن مانغامرش هاهاها نتاكد برك من كيلة الدقيق
في امان الله اختي

[ملاك ملاكي]

يسعد صباحكتذر منك اختي البارح مارديتش عليك
اليك الوصفة اختي:
2كيلات دقيق حرشة من الاحسن النوعية المليييييييحة
1كيلة سمن ذايب وبارد
قليل من الملح
وطمي الكل بماء الزهر بالتدريج
اما الغرس تبليه القرفة والطيب مرحييين واذا تحبي جلجلان انا مانستعملوش داخل كل واحد وذوقه
الطريقة معروفة
اختي اما بخصوص الكيلة شفتي الصحن لي يستعملوه معظم لي شاف في المطابخ مثل مطبخ سميرة صخن غامق وترونسبرو هذاك نفسه لي دير بيه ماما الكيلة وبالكيلة هذا يديىلك بلاطو كبييييير نتاع المقروظ
اختي نتننى اني نكون افدتم ووفقت في الشرح
بالتوفيق واذا جربتيه ونجحتي وريلي تطبيفك
ادعي لماما بالصحة وربي يحفظها لنا ويخليها تاج على روسنا يااااارب.

[ndj]

السلام عليكم
الف شكر لك يا اختي و ربي يحفظ امك و امهاتنا جميعا و يطيل اعمارهن امين يا رب
ان شاء الله غير نجرب نصور و نبعثلك

اختي سؤالين فقط
- العجينة نطمها الكل بماء الزهر او بالتدريج نشمخ قيس حربوش
- الغرس باه تبليه بالماء او بالزيت او بماء الزهر

و شكرا

[ملاك ملاكي]

وعليكم السلام ورحمة الله
اللهم اميييييين اجمعيييييين
اختي بخصوص الغرس انا شخصيا نديره بماء ابزهر وكي نحب نروليه اي نشكله نستعمل قليييييل من السمعة الذايبه باه يكون طري وزيد يمشي اي يساعدك وهو داخل العجينة
اما الطمان بماء الزهر يكون بالتدريج يشد روحه ومن بعد تخدمي بالطرف
على فكرة ماما عادت تخلي العجينة تبات وغرا تشكل المقروظ.
بالتوفيق اختي

[ndj]

شكرا لك اختي

[ملاك ملاكي]

المشاركة الأصلية كتبت بواسطة ndj

شكرا لك اختي

لا شكر على وااااجب اختي
موفقة