قاطو البجاوية لام رامي بتعديلات مني

[مرام 92]

البسملة1
هاد القاطو للاخت ام رامي جزاها الله كل خير و حبيت نحط تطبيقي بالبالمراحل المصور و هاد القاطو رائعا و يقطع بزاف بصح حبيت نقولم انه العجينة اللي خدمت بيها تاع اخت هنا من المنتدى صراحة عجينة رائعة لا يمكن ان استغنى عنها و استخدمها في البقلاوة و القرويشة

 نضيفلها خمارة تاع الدر ملعقة واحدة

و نستعملها ايضا في المشكلة و غيرها من الحلويات المعسلة لانها سهلة الاستعمال
العجبنة
250 غ زبدة ذائبة كي تدوبيها راح تقطعلك كاس
1كلغ فرينة تبسيها بالزبدة ومن بعد تلمييها بالخليط الاتي و الذي هو عبارة عن 2 حبات بيض كاملين + فنجان خل ناقص شوية + كاس ماء زهر او نصف ماء و الاخر ماء زهر و لازم الكاس اللي عبرتي بيه الزبدة تعبري بيه الماء و تلمي حتى تتحصلي على عجينة طرية خليها ترتاح ثم قسميها و مريرها في الة التوريق في الارقام 1 ثم 2 ثم 3 ثم مرريها في الجهة اللي تخرجها على شكل سباقيتي اقليها في الزيت على نار هادئة و خليها تبرد
بعما تبرد فتيها بيدك مليح من ثم اضيفي رطل كوكاو مقلي و مطحون متوسط + حلوة الترك و لمي الكل بالخليط الاتي و اللي هو عبارة عن
100 حبة كابريس ذوبيها في حمام مائي ثم اضيفي لها علبة تاع 50 خلوة الترك و 3 مغارف كبار لحضة و لما تدوب مليح اضيفي لها العسل من الافضل يكون مخدوم في الدار باه ميجيكش حلو بزاف و كمية العسل حسب الكمية اللي راكي دارتها يعني على حساب ما تتلملك شوية و من بعد شكليها كيما حبيتي
ممكن ترفدي بالملعقة و تحطي في لكيسات و تزينيها بالشكلاط و ممكن تخبزيها و تحطيها في الثلاجة و تقطعيها منبعد و تزينيعا
انا درتها في مول مربع على حساب ما دات الشكل قلبتها و دخلتها للثلاجة و من بعد زينها بالشكلاط و البريو
اترككم مع الصور






























جربوها ذوقها رائع خاصة اللى يحبو حاجة تتقرمش في الفم و زاد تقطع بزاف انا هاد الكمية قطعتلي تقريب 100 حبة
و في الاخير اشكر صاحبة الوصفة ام رامي كثيرا و نقولها بارك الله فيك و جعله الله في ميزان حسناتك