بخصوص رقم تتبع الطرود فالجزائر و كيف يتم السرقة

[test02]

اشتريت فيوم 27 نوفمر من الإنترنيت من موقع أمريكي معروف يرسل من أمريكا بالبريد السريع usps. للعلم الموقع موثوق وموالف نشري منو من بعد بأسبوع تقريبا في يوم 09 ديسمبر اشتريت منو مرة ثانية و تم الإرسال برقم التتبع وكل عادي كما الشحنة الأولى. المهم اليوم 21 ديسمبر استلمت الشحنة الثانية اللي رسلوها فيوم 09 ديسمبر والشحنى الأولى ماكان حتى خبر. جاتني الفكرة نتصل بمركز الفرز والشكاوي بالجزائر اللي الرقم تاعهم : 023-59-34-44 . هدرت مع السيدة أولا سألتها على الطرود اللي يدخلو الجزائر برقم التتبع قالتي كامل يجوزو على السيستام تاعنا و يتسجلو قبل ما يوصلوهم للزبائن. ايا ما عليناش قلتلها تشوفلي رفم التتبع تع الشحنى إذا دخل ولا مزال وانا عطيتلها الرقم تع الشحنة اللي وصلتني للدار باش نجرب قاتلي مزال ما دخلش عاودت قلتلها تشوف الرقم مليح تأكدت مليح قاتلي مزال !! قلتها الشحنة راهي عندي فالدار يعني السيستم تاعكم ماشي مليح وقلتها على الشحنة اللي راني نستنى فيها من قبل مزال ما وصلتش قاتلي دير شكوى و ما نقدر نقلك إلا راك فبريد الجزائر !!

[bimad99]

ههههههههههههههههه
والله غير عند نفس المشكل يا اخي
انا انتظر في شحنة شحنت منذ 30 سبتمبر عبر usps
لا خبر الى حد الساعة
لاكن اخي جرب عايط لخدمة ems واعطيهم الرقم نتاع الشحنة لي وصلت و ردلي الخبر
الرقم نتاعهم 0660732828

[مراد الجلفاوي]

في أحيان كثيرة كانت تصلني سلع، عندما أستفسر عنها- يقولون لي: مازال مادخلتش .......

[toufik liverpool]

للاسف تلك السيدة تقول على جميع الطرود انها لم تدخل ولا تفرق بين الحروف او تقوم بها عمدا

اكثر من ثلاث مرات وهي تقول لي الطرد لم يدخل لكني استلم الطرد في نفس اليوم

[sami007]

ممكن إسم الموقع

[Eminem_Jano]

wallah rir yokhortou bark tachti bark t3ayat maymédouche sah

[fou-dje]

نفس مشكل مع usps لم يصل طرد مند حوالي شهر

[fou-dje]

المشاركة الأصلية كتبت بواسطة bimad99

ههههههههههههههههه
والله غير عند نفس المشكل يا اخي
انا انتظر في شحنة شحنت منذ 30 سبتمبر عبر usps
لا خبر الى حد الساعة
لاكن اخي جرب عايط لخدمة ems واعطيهم الرقم نتاع الشحنة لي وصلت و ردلي الخبر
الرقم نتاعهم 0660732828

هل ممكن رقم تتبع خاص ب usps

[fou-dje]

المشاركة الأصلية كتبت بواسطة test02

اشتريت فيوم 27 نوفمر من الإنترنيت من موقع أمريكي معروف يرسل من أمريكا بالبريد السريع usps. للعلم الموقع موثوق وموالف نشري منو من بعد بأسبوع تقريبا في يوم 09 ديسمبر اشتريت منو مرة ثانية و تم الإرسال برقم التتبع وكل عادي كما الشحنة الأولى. المهم اليوم 21 ديسمبر استلمت الشحنة الثانية اللي رسلوها فيوم 09 ديسمبر والشحنى الأولى ماكان حتى خبر. جاتني الفكرة نتصل بمركز الفرز والشكاوي بالجزائر اللي الرقم تاعهم : 023-59-34-44 . هدرت مع السيدة أولا سألتها على الطرود اللي يدخلو الجزائر برقم التتبع قالتي كامل يجوزو على السيستام تاعنا و يتسجلو قبل ما يوصلوهم للزبائن. ايا ما عليناش قلتلها تشوفلي رفم التتبع تع الشحنى إذا دخل ولا مزال وانا عطيتلها الرقم تع الشحنة اللي وصلتني للدار باش نجرب قاتلي مزال ما دخلش عاودت قلتلها تشوف الرقم مليح تأكدت مليح قاتلي مزال !! قلتها الشحنة راهي عندي فالدار يعني السيستم تاعكم ماشي مليح وقلتها على الشحنة اللي راني نستنى فيها من قبل مزال ما وصلتش قاتلي دير شكوى و ما نقدر نقلك إلا راك فبريد الجزائر !!

هل ممكن رقم تتبع خاص بشحنة الني لم تصل

[brezzage]

انا عندي قريب 5 6 طرود بمختلف الاسماء فات عليهم 60 يوم ومبان عليهم حتى خبر الله يستر من هاد لبلاد

[اسامة لؤي عبد الحليم]

أنا ثاني عندي طرد منذ 56 يوم ولم يظهر شيء

ربي يستر وربي يجيب الخير

[Hagrouna]

انا عندي طردين سمحت فيهم رقم التتبع يقول دخلو للجزائر و البريد تاعنا يقول مكانش

[alae dz]

أنا جاني طرد على البريد السريع من أمريكا . الشركة المرسلة عطاتني مدة متوقعة للوصول بين 7 و 15 ديسمبر بسبب الإجراءات المتبعة ي بلدي (يقصدو أن هذه المدة تعني أن الطرد سيتأخر ) لكن الطرد وصل في 29 نوفمبر عكس توقعاتي لكن المشكل أن جارنا هو اللي جابلي الطرد حتى للدار رغم أنه من المفروض الطرد كان لازم يبقى في مركز البريد و يبعثولي اشعار بالوصول و نروح نجيبو ببطاقة التعريف الوطني .

[nadia.nana]

انا عندي سلع رقم التتبع الخاص بها يقول انها دخلت الجزائر الاولى بتاريخ 01/10/2015 والثانية بتاريخ 10/10/2015 ولحد الساعة لم تصل
لا اعرف اين تذهب هذه السلع والله

[AyOuB0587]

معك حق أخي الكريم
ليست كل الطرود يتم تسجيلها عندهم
وذلك الرقم هو مركز الاستعلامات التابع لشركة EMS حسب ما فهمت من السيدة التي تتكلم وليس مركز فرز الطرود
انا ايضا سلعتي تم شحنها بتاريخ 10 ديسمبر عبر usps ولحد الآن لم تدخل بالتالي ارقام تتبع الامريكية لا يتم تسجيلها في نظامهم، فهم غالبا يسجلون البريد الصيني او السنغافوري أو هونج كونغ فقط والله اعلم

ممكن تخبرنا عن الموقع الذي تعامل معه ويشحن للجزائر مباشرة؟