اتعذب بصمت

[مشكلتي]

السلام عليكم
منذ عامين كتبت ممشكلتي هنا ولقيت نصائح وكلمات اثلجت صدري و جائتكم اليوم لعلي القى كلمات تلملم جراحي و تطيب قلبي قصتي اني تعرفت على شخص مدة ربع سنوات حبيتو من قلبي و بكل جوارحي و صبرت واستنيتو و ريحت العديد من الفرص على جالو وفي اكتوبر 2013 جاء يخطبني و تم القبول و التفاهم على الشرط و كل شئ و يوم الخطبة انا باحلى زينة يعيطلي يقولي بطلت امي و خوتاتي مابغاونيش تحطمت نفسيا و تتعقدت و صراحة خميت حتى في الانتحار لكن الحمد لله ايماني بالله قوي لملمت جرحي ووقفت و وكلت امري لله و نسيت لكن من يومين جائني خبر وواجو تعم تزوج بعظ ماحطمني وكرهني في كامل الرجال و فقدت ثقتي فيهم و ماقدرتش نعاود نبني حياتي مع اي رجل ، من كي سمعت الخبر وانا نبمي بصمت حتى تورمت عينايي اتعذب والله نار في قلبي حقدت عليه نعم كحال قلبي عليه خلاني كرهت الزواج ولا اريد ان اتزوج مقهورا والله يا اخوتي مقهورة نهار وليل ابكي و ادعي ربي يحيبلي حقي منو وعيني تشوف مرضت بالسكري في سبابو و من كي سمعت الخبر و نسبة السكر تطلع خايفة نضر نفسي وماعرفتش كي نهديها ساعدوني ولو بكلمة الرحمة على والديكم والله راني اتعذب مقهورا مقهورا مقهورا.

[قَـمَـرْ بيْن البشَرْ]

الله يصبرك و ربي يجيبلك رجل خير منه .و عسى ان تكرهوا شيئا و هو خير لكم .خمي بهاد الطريقة بالاك ربي بعده عليك في صلاحك

[first first]

واش نقولك............ربي يفرج عليك ويمسح دموعك ويرزقك خير ينسيك في كل مامرتي به

ثقي في الله............وليس في الرجال.................وبثقتك بالله يمكنك ان تسترجعي الثقة في الاشياء الاخرى..............وتسترجعي الامل والتفاءل والسعادة.


ربي معاك والله مالقيت ما نقولك.

[*سيرين نور عيني *]

هذا مايستاهلش باش تمرضي روحك على جالو
احمدي ربي هناك منو قبل ماتحصلي فيه وماتلقاي وماتديري
اتمعني مليح في هاد المثل يخرج عليك

celui qui mérite tes larmes ne te fais jamais pleurer
و ربي يعوضك خير منو و يهنيك امين

[kameljijeli]

لا حول ولا قوة إلا بالله, ماذا يحدث لكن يا نساء, كيف تتركن أنفسكن فريسة لرجال فاسدين يأخدون منكن مايريدون ثم يرحلوا. بالله عليك من سيقبل بك الآن و قد كنت عشيقة و خليلة لرجل لمدة 4 سنوات, و المصيبة أن الكثيرات واقعات في نفس المشكل ونفس القصة تتكرر مرارًا في قسم مشكلتي,
لم أستطيع أن أتصور كيف يمكن لرجل أن يخلف و عده بهذه الطريقة المهينة
نصيحتي لكِ هي الصبر وطلب المغفرة من الله و الدعاء في أو قات الإجابة
نسأل الله العفو و العافية

[samy algerien]

لو كانت العلاقات قبل الزواج تؤدي للزواج لما حرمها الله. لهذا حذاري من هذه الأشياء لأن دائما مانرى مول النية (التي ليست في محلها) هو الخاسر الاكبر سواءا رجل أو امراة.
توبي لله يا اخت وحاولي تعزيز ثقتك في نفسك لأن هذي الدنيا دوارة.

[الأزرق الملكيّ]

السلام عليكم
أفضل طريقة لتجنب مثل هذا المشكل هي المسامحة و النسيان و الاهتمام بالنفس وتطويرها الى الافضل
إهتمي بدراستك بعملك بهويتك تعلمي لغة جديدة إملئي فراغك بالعبادات
لان الماضي لن يعود والواقع لايتغيير .
ستجدين نفسك خسرانة لانك سجينة للافكار السلبية وتهدرين سعادتك ووقتك
تذهب اشياء قديمة لتاتي اشياء جديدة تنسي الماضي ربما ياتي فارسك الذي حلمتي به
لايوجد انسان لم يخسر جميعا فقدنا وأكتسبنا الافضل.
لو فكرتي بإيجابية بعد خمس سنوات من الان ستضحكينا على نفسك لانك كنت تفكيرنا هكذا .
و تستمر الحياة .

[ريتاج 09]

عسى ان تكرهوا شيئا وهو خير لك اختي لازم يكون ايمانك بربي كبير بالاك ربي مكتبلك راجل خير منو واحد كيما هدا مايستاهلش تبكي عليه كملي حياتك وماتشوفيش للوراء ودايما احسني الظن في ربي

[فاطمة الزهراء31]

السلام عليكم
حبيبتي مش عيب كي نغلطوا العيب كيمانعرفوش الغلطة تاعنا انتي غلطتي تعرفتي على واحد وقعدتي معاه ربع سنين كانت باينة من لول وكان كانت نيتو صادقة يجي من لباب من نهارو لول مش قعد ربع سنين ممبعد قالي نجي نخطبك من بعد دار عليك نفهمك واش صرا ختي الراجل يحب المراة الراكزة والثقيلة وكان ضغطتي عليه من لول وقلتيلوا عندنا باب مش ليزار اذا عينك دخل من لباب ماعينكش هنا تحبس وكان جا لدار ودارلك الف اعتبار مشي دقيقة تالية ولات يماه وخواتو معجبتيهمش؟هو فقد الثقة فيك ولا موسوس وتراجع وخلاك تبهدلتي قدام داركم المهم لي فات مات حبيبتي ديه درس في حياتك وولي عينو فيك يجي لدار لازم تسامحي روحك و تتصالحي مع نفسك ممبعد لازم تسامحيه باش تقدري تنسي وتنحيه من مخك فهمتيني وديها تجربة ودرس ونسيه مايستهلش دمعة من عينيك قاع نساء شابات وكل واحدة عندها ميزة بصح ديما خمي كيفاش تستعملي زينك تقربي من من الله ودعي ربي يبعثلك راجل يحافظ عليك وديما كي تخرجي ماتقيمي حتى واحد لي تعجبيه يجيك من لباب واي حاجة جابهالك هو رميها وماتسمعيش الاغاني الرومانسية واي حاجة تفكرك فيها رميها موراك وهكا راح يندم مع الوقت و اذا شفتيه ديريه كلي مكانش باش يحتقر روحو صغريه ديما وبدلي نيميرو تاعك واهم حاجة اقضي على الفراغ قراي ولا ديري تكوين مهني تعلمي كاش حاجة مفيدة ومنها تزيدي تندمجي في المجتمع باش تتغلبي على الصدمة ووكلي ربي وربي يبعثلك راجل يحافظ عليك ويعرف قيمتك ومع لوقت تنسيه و اي راجل خير منو ههه صدقيني لاخطر حقير ومايستهلكش

[خالد عنابي2]

هذا الانسان تلاعب بكي وسبب لكي صدمة

ولكن المشكلة فيك انك ضخمتي الموضوع واعطيتيه فوق قيمته ومرضتي بسببه

الان هو متزوج ويعيش حياته بشكل عادي وانتي كل يوم عاطية لروحك طريحة

انسي امره وامضي قدما في حياتك وتاكدي مثلما جاك خبر زواجه رح يجيك خبر طلاقه او خلعه او فضيحته وكما تدين تدان

[houda_jijel]

4 سنوات و انتي في علاقة ؟؟؟؟؟ كيف ذلك
المهم ربي يصبرك

[الرميصاءْ]

السلام عليكم
اختي فوتيه وانسايه وعليك بالتوبة الى الله
ماتخليش الفيد بقتلك ويخليك تفكري فيه لهي روحك بامور مفيدة الصلاة في وقتها الصيام وقراءة القران وحفظه
قال الله سبحانه وتعالى: (الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللَّهِ أَلاَ بِذِكْرِ اللَّهِ تَطْمَئِنُّ الْقُلُوبُ)
واستماع الى المواعظ الدينية وكي تتفكريه ويجي في بالك قولي اعوذبالله من الشيطان الرجيم من نفخه ونفثه وهمزه
بزاف بنات صرالهم اكثر منك وراهم عايشين حياتهم
ربي يعوضك ويرزقك زوجا صالحا عاجلا غير اجل

[اخلاص المخلصة]

رب ايصبرك ويعوضك خير الجئي ألى الله فهو الذي يغير الأحوال واسأليه أن يرزقك الزوج الصالح وانسي الماضي ولا تبق حبيسة هذه التجربة من وجد الله فماذا فقد

[lمنال]

شوفي اختي الان اللي كاين راهو كان حاولي تبداي صفحة جديدة بالاك راهو صعيب عليك بعد الصدمة ولكن وعلاش دايرة في روحك كل هاد اشي وتعذبي في روحك اضعفي الشيطان واستغفري الله ما قعدش غير هو في هاد الدنيا شوفي من حولك كاين ناس يحبوك وراهم مقلقين عليك وعلاش حتى تمرضي روحك ويطلعلك السكر واش سرا انا نعرف يطلعلك السكر علاجال والديك برك والله ما يستاهلك شوفيه هو راح بدا حياتو من جديد وانتي ما زالك تبكي راني انقولك هكا باش تلقاي الكوراج تولهي بصحتك راه حتى واحد باش ينفعك الا الله سبحانو التجئ الى الله و صلي وادعي ان ينسيكي اياه ويبعثلك زوج صالح ما هومش كل الرجال كيف كيف واخطيك من التعرف على الرجال خارج البيت حاولي انك تلهي روحك ما تخليش فراغ في وقتك ما تقعديش وحدك اقعدي ديما مع عايلتك في الدار وتبادلي معاهم اطراف الحديث باش ما تخليش فرصة باش اتخمي عليه وانقلك خليك من انك تدعي عليه الله يسهل اعليه خمي على روحك ومستقبلك الدنيا ما انتهتشي وكان عندك صديقات وبدا يجبدولك ما تخليلهمش فرصة باش ما تزيديش تجيك مشاكل باللك اختي ربي حب كي ما هكا وربي راهو امخملك الخير ديري ثيقة في الله والله ما يخيبك ابدا وفي الاخير انقلك تمسكي بخالقك سبحانو وكوني قوية وما تكبريهاش في راسك
ارجو اختي انك فهمتي قصدي
الله يسعدك ويهنيك ما تقلقيش روحك راهي ازمة وتزول باذن الله

[نورالهدى بيولوجيست]

ربما ليس الوقت المناسب للتعقيب على تصرفك لكني اؤكد انك ضعيفة جداااا فابحثي عن نقاط قوتك و ستجدين اكيد باذن الله

كل شيئ الا صحتك اختي مايستاهلش تهدري صحتك على جال اي شخص فالدنيا

هذه الحالات صدقيني اختي حلها هو الرجوع لله عز و جل

و الله والله والله لو احسنت الظن بربك و توكلتي عليه فهو الجبار و سيجبر كسرك

و دع الخلق للخالق

المهم هو ان تستفيقي و تحافظي على نفسك و صحتك و كل شيئ سيداويه الزمن فسبحان الذي يغير و لا يتغير