سفنج رااااائع شكلا وذوقا .....جربوه ومتندموش

[اسمهان79]

السلام عليكم ورحمة الله وبركاته
السفنج نتاع اليوم راه خفيف وبنين ويحمر الوجه









المقادير



400 غ فرينة
80 غ زبدة
2 بيض 1 م ك سكر عادي
شوية ملح رطب
1 م ص خميرة الخبز
قرصة قرفة
الحشو
نحتاج 3 حبات تفاح تفاحة ونصف مبروشة وتفاحة ونصف مقطعة قطع صغار
لم نبرش التفاح ونقطعو نوزنو ونعمل نفس الكمية سكر
جلجلان محمص



التحضير
اول شيئ نخلط التفاح مع السكر نحطو على نار ذليلة ونبقى نحرك
حتى يذبال



ثم نضيفلو شوية قرفة وشوية فاني ونحرك مرة على مرة



حتى يصبح مثل العجينة



من الاحسن توجدوه الصباح باه يبرد مليح
اضيفي ليه الجلجلان وخلطي
انا هنا نسيت ما اضفتش الجنجلان
لكن راه يعطيه بنة رهيبة
تحضير العجينة
نحي شوية من الفرينة نحطلها الخميرة ونبلل بقليل من الماء خلطي للحصول على عجينة نوعا ما جارية غطيها وخليها تخمر



ثم اظيفي البيض والزبدة الذائبة وباردة والسكر والقرفة والملح



وخلطي جيدا بيدك ثم اضيفي الفرينة على دفعات اذا جاتك جارية زيديلها الفرينة ثم اقسميها على زوج



اطرحيهم برش النشاء
ثم علمي بالمول اللي رايحة تقطعي بيه علمي برك ما تقطعيش



حطي وسط كل حبة شوية من معجون التفاح
شوفي راه بالمعجون اللي خدمتيه راه يجي الذ من اي معجون اخر



ادهني الحواف ببياض البيض ثم غطي بالعجينة المطروحة الاخرى
ثم قطعي بنفس المول اللي علمتي بيه ثم اضغطي
على الجوانب بالشوية غطيهم وخليهم يختمرو مليح



هنا بعد ما اختمرو




اقليهم في زيت سخون وارمي عليهم الزيت باه ينتفخو



ثم عسليهم وذرذري الجلجلان





وقدميهم بالصحة والهناء
نتمنى ينالو اعجابكم
راهو يقطعلك كمية مليحة
في امان الله