لــو لـــم أكــــن جـــزائـــريـــا لـــتــمــنــيــت أن أكون ؟؟؟؟؟؟

القذافي999 · 2010-09-10, 14:33

السلام عليكم ورحمت الله وبركاته

مجرد رئي ولي حرية التعبير

لو لم تكن جزائريا لتمنيت أن تكون من أي دولة

دول العالم كلها يمكنك ان تختار منها

وتكون مسلم في تلك البلاد

البنات سيقولو لو لم أن جزائرية لتمنيت أن أكون جزائرية
تعرفون لان يوجد بنات لا يشعرون بالمعانات الي يحس بيها شاب 30 سنة ماعندو لا دار وين يتزوج ولا عمل ممكن أنو من ذوي الاحتياجات الخاصة (( أقول معوق باه ما يقولوش يروح يخدم على روحو ))

تفكرو مشاكل الجزائر قاعدة تحتضر بسببها البطالة انعدام الامل في الحياة الطيبة الكريمة الحراقة ووووووووووووووو

كل شاب وفتاة تقولنا البلد الي تتمنا لو لم تكن جزئرية لكانت منها

أنا ابدأ لو لم أكن جزائريا لتمنيت أن أكون كويتيا أو المانيا الحياة الطيبة ومكة قريبة ليهم قادر كل أسبوع يصيلي الجمعة ثم يروح لاي دولة في العالم بسهولة تامة الخدم و الرفاهية والكويت هيا بلاد المشايخ يعني كل يوم نحضر محاضرات

أتمنا عدم اتلفض بالفاض جارحة لان أنا أخوكم وهذي مجرد فكرة

khaoula rouh · 2010-09-10, 14:55

لتمنيت ان اكون من الامارات واعيش في دبي بصح الله غالب انا جزائرية وافتخر وراها عاجبتني حياتي هكذة واذا على المعاناة خويا احنا عدنا في زمن واحد لا يحس بمعاناة واحد صح عيدك اخي الكريم وتقبل مروري

القذافي999 · 2010-09-10, 15:09

اقتباس:

المشاركة الأصلية كتبت بواسطة khaoula rouh

لتمنيت ان اكون من الامارات واعيش في دبي بصح الله غالب انا جزائرية وافتخر وراها عاجبتني حياتي هكذة واذا على المعاناة خويا احنا عدنا في زمن واحد لا يحس بمعاناة واحد صح عيدك اخي الكريم وتقبل مروري

شكرا على المرور

شحال راني فرحان كي رديتي

حقا شحال لميتي دراهم ؟؟

تحتا جيهم ؟؟؟

عيدك مبروك ؟؟؟

كل واحد ورأيه دبي فيها مشكل تلوث الهواء و السيركيلاسيو و سالك (( سالك قصة طويلة اذا كنتي فضولية حوسي عليها في الانتارنات واذا حوستي وما لقيتيها أسأليني نفهمك

أن شاء الله تعيشي في دبي ماشي صعيبة على ربي قادرة تتزوجي بواحد من ثم وتعيشي مسامي محمد بن راشد

وش رايك بالطفلة الي تتكلم في ال***** أو الفيس بوك معا شباب وقاعدة تتعرف و تجمع ؟؟

عندك فيس بوك فيه ؟؟

عيدك مبروووك؟؟

الزبرجد · 2010-09-10, 15:10

على حساب لا فوطو تخرج عليك الكويت

أنا هنا يموت قاسي ...عشت خارج الجزائر و كنت كل يوم أتمنى العودة و الحمد لله أني في الجزائر

القذافي999 · 2010-09-10, 15:24

اقتباس:

المشاركة الأصلية كتبت بواسطة الزبرجد

على حساب لا فوطو تخرج عليك الكويت

أنا هنا يموت قاسي ...عشت خارج الجزائر و كنت كل يوم أتمنى العودة و الحمد لله أني في الجزائر

ربي يهنك في لالجيري

الجزائر حسب تعريفي

أنا نقلك الجزاير كانهم حاطينك في قفص مع سبع ياتاكلو يا ياكلك

وهذاك القفص فيه فتحة ضيقة لاكن عندك احتمال انك تهرب منها

وأنتا تختار تتصارع معا السبع .............ممكن تاكلو

أم أنك تحاول تهرب وأذا ماقدرتش تستسلم باه ياكلك بالشوي

هذيك الفتحة هيا الحرقة والسبع هوا البطالة ومشكل السكن والزواج والحياة الكريمة ووووووو

انا خرجت منو قبل وعاودت دخلت للسبع توحشتو ودرك ان شاء الله رايح نخرج من القفص و باذن الله مانرجعش

هذه مجرد فكرة

كل عام وانت الى الله اقرب

ربي يوفقك في بلاد الخضرا يا مون امور

khaoula rouh · 2010-09-10, 15:47

اقتباس:

المشاركة الأصلية كتبت بواسطة دريسي عبد الله

شكرا على المرور

شحال راني فرحان كي رديتي

حقا شحال لميتي دراهم ؟؟

تحتا جيهم ؟؟؟

عيدك مبروك ؟؟؟

كل واحد ورأيه دبي فيها مشكل تلوث الهواء و السيركيلاسيو و سالك (( سالك قصة طويلة اذا كنتي فضولية حوسي عليها في الانتارنات واذا حوستي وما لقيتيها أسأليني نفهمك

أن شاء الله تعيشي في دبي ماشي صعيبة على ربي قادرة تتزوجي بواحد من ثم وتعيشي مسامي محمد بن راشد

وش رايك بالطفلة الي تتكلم في ال***** أو الفيس بوك معا شباب وقاعدة تتعرف و تجمع ؟؟

عندك فيس بوك فيه ؟؟

عيدك مبروووك؟؟

عدراهم والله شرفت واحد ماهو باغي يعطيني وبابا لي كان يعطيني قالي بزايد عليك كبرتي
بالنسبة ل***** والفايس بوك انا عندي فيهم حساب لزوج بصح الفايس بوك الحق تاع ربي جامي حكيت بيه اصلا ماعنديش اصدقاء فيه غير نعرف منو الاخبار الاخيرة وعلى ال***** نحكي غير مع صحباتي والاهل نتاعي لبنات لي يحكو فيه انا نشوف بلي راهم مالقاوش مع من يحكو على هذاك يحكو مع ذكور وعندهم الوقت بزاف عليها ايفرقو فيه مانيش راح نقول ماشي متربية لاني مانعرفش كل وحدة فيهم شخصيا وانا مانيش من الاشخاص لي نحكم على لعباد هكذاك برك حتى نعرفو مليح ونحكم لاني تخدعت في عباد بزاف كنت نعتبرهم ملاك ظهروا شياطين والعياذ بالله وعلى قصة التلوث انا اول مرة نسمع بيها ان شاء الله نحوس عليها تقبل مروري

القذافي999 · 2010-09-10, 15:55

اقتباس:

المشاركة الأصلية كتبت بواسطة khaoula rouh

عدراهم والله شرفت واحد ماهو باغي يعطيني وبابا لي كان يعطيني قالي بزايد عليك كبرتي
بالنسبة ل***** والفايس بوك انا عندي فيهم حساب لزوج بصح الفايس بوك الحق تاع ربي جامي حكيت بيه اصلا ماعنديش اصدقاء فيه غير نعرف منو الاخبار الاخيرة وعلى ال***** نحكي غير مع صحباتي والاهل نتاعي لبنات لي يحكو فيه انا نشوف بلي راهم مالقاوش مع من يحكو على هذاك يحكو مع ذكور وعندهم الوقت بزاف عليها ايفرقو فيه مانيش راح نقول ماشي متربية لاني مانعرفش كل وحدة فيهم شخصيا وانا مانيش من الاشخاص لي نحكم على لعباد هكذاك برك حتى نعرفو مليح ونحكم لاني تخدعت في عباد بزاف كنت نعتبرهم ملاك ظهروا شياطين والعياذ بالله وعلى قصة التلوث انا اول مرة نسمع بيها ان شاء الله نحوس عليها تقبل مروري

حاجة باينة نتقبل مرورك

وش را يك في سالك بحثتي على معناه

أستمري هكذا راكي مليحة أهدري غي معا البنات

قصة لتلوث و السيركي لاسيون الحرااااااااااااااااااااااااااااااااااااااااارة كاين منهم عشت في دبي ونعرف كامل البلايس

محبة الحبيب · 2010-09-10, 16:14

و لنا في سيرة المصطفى صلى الله عليه و سلم إسوة حسنة و قد رأيناه فداه أبي و أمي رغم مالاقى من الأذى من طرف الكفار لم يخرج من مكة موطنه الأصلي حتى أمره الله عزوجل بالهجرة و خرج مكرها حزينا و قال صلى الله عليه و سلم حين خروجه «ما أطيبكِ من بلد، وأحبَّكِ إليَّ، ولولا أن قومي أخرجوني منكِ ما سكنتُ غيركِ». رواه الترمذي

أخي :حب الوطن من الإيمان

و بلادي و إن جارت علي عزيزة
و أهلي و إن ظنوا علي كرام

و لن أختار غير الجزائر بديلا
و لن تعرف قيمة هذا الوطن حتى تكون في بلاد أجنبية و لو كانت عربية و كلامي عن تجربة

القذافي999 · 2010-09-10, 16:24

اقتباس:

المشاركة الأصلية كتبت بواسطة محبة الحبيب

و لنا في سيرة المصطفى صلى الله عليه و سلم إسوة حسنة و قد رأيناه فداه أبي و أمي رغم مالاقى من الأذى من طرف الكفار لم يخرج من مكة موطنه الأصلي حتى أمره الله عزوجل بالهجرة و خرج مكرها حزينا و قال صلى الله عليه و سلم حين خروجه «ما أطيبكِ من بلد، وأحبَّكِ إليَّ، ولولا أن قومي أخرجوني منكِ ما سكنتُ غيركِ». رواه الترمذي

أخي :حب الوطن من الإيمان

و بلادي و إن جارت علي عزيزة
و أهلي و إن ظنوا علي كرام

و لن أختار غير الجزائر بديلا
و لن تعرف قيمة هذا الوطن حتى تكون في بلاد أجنبية و لو كانت عربية و كلامي عن تجربة

ماشاء الله عليكي أسم على مسمى دايما نلاحض حبك لسيدنا محمد

دايما رأيك مخالف لرأيي بارك الله فيك

أنا كي كنت في الغربة ماكنتش متوحش الجزاير رجعت مكره

محبة الحبيب · 2010-09-10, 16:40

اقتباس:

المشاركة الأصلية كتبت بواسطة دريسي عبد الله

ماشاء الله عليكي أسم على مسمى دايما نلاحض حبك لسيدنا محمد

دايما رأيك مخالف لرأيي بارك الله فيك

أنا كي كنت في الغربة ماكنتش متوحش الجزاير رجعت مكره

حبنا للحبيب صلى الله عليه وسلم نشترك فيه جميعا أما عن الإختلاف فهذا لا يفسد للود قضية
أما أنك رجعت للجزائر مكرها فماذا أقول لك فاقد الشيء لا يعطيه

نفيسة1982 · 2010-09-10, 16:47

لو لم اكن جزائرية لتمنيت ان اكون فلسطينية

faridsahraoui · 2010-09-10, 16:51

لو لم اكن جزائريا لتمنيت ان اكون سوريا على فكرة راني حاب نروح لسوريا ادعولي بالتوفيق ومعليش راح نسلملك على كل نجوم باب الحارة وانجيبلكم النمس معايا

الفقيرة الى الله · 2010-09-10, 16:51

لو لم أ كن جزائرية لتمنت ان اكون جزائرية
لانني جربت البعد عن الجزائر وكنت كل يوم اشتاق اليها واشعر بغربة
بلرغم من الصعوبات التي نتلاقاه فيه الا انه وطننا الحبيب
الدي نسأل الله ان يصلح حاله وسائر بلاد المسلمين
تقبل الله منا ومنكم وغفر لنا ولكم عيدكم مبارك

نينا الجزائرية · 2010-09-10, 16:57

لو لم اكن جزائرية لوددت ان اكون جزائرية
لكن ساختار ان اكون مصرية
لا تتعجبو
اصبحت مصر اغلي بلدان عندي بعد الجزائر
سلام

شقراء · 2010-09-10, 16:58

وعليكم السلام ورحمة الله تعالى وبركاته
يا أخي نفس الجزائري و روحه وعزته لا ولن تجدها عند غيره
والله العظيم لو لم اكن جزائرية لتمنيت ان اكون رغم كل النقائص فتكفيني ارضي وشعبها