كما وعدتكم رولاد الدجاج بصلصة الخرد ل

[om kamilia]

بسم الله الرحمن الرحيم

كما سبق وحدثتكم على الطبق الشهييليي كليتو , اليوم حاولت نديرو لكن مكانش متوفر عندي كل القادير , درتو حسب الموجود

نحتاج لشرائح صدر دجاج انا ماقدرتش نديرههم , رحيت نص صدر جاج وتبلتو بالملح فلفل اسود ورابيت بصلة صغيرة وثوم

و للحشو يلزمنا لحم مرحي متبل بفلفل اسود ملح وثوم ومعدنوس
بصح انا رابييت زرودية وزدت عليه فرماج

نبسط الجاج المرحي ونحشييه باللحم المرحي ونروليه ونديرو في ورق اللمنيوم
في قدر نحطو الماء ومنسمات وفلفل اكحل ورند

نغلق مليح الرولاد بورق المنيوم ونحطو داخل القدرة ييطيب منن 45 دقيقة الى ساعة حسب السمك لي ديريهم و الماء لي غليتي فيه بيه لي نديرو صلصلة الموتارد
صلصة الموتارد مممم تجي بين الحموضة ولاذعة تتناسب مع اللحوم و المشاوي













نحطو المرق لي طابو فيه الرولاد ونضيف لو ملعقة اكل موتارد وملعقة اكل عصير الليمون ورشة ملح ورشة فلفل اكحل ونذوق ونخليهها على نار متوسطة حتى تخثار وانا درت لها بزاف عصير الليمون باه ننق من درجة الحموضة زدت 2 ملعقة قهوة سكر لتعديل الذوق



كي توجد الصلصة نفرش بيها الصحن تاع التقديم , ونقطعو الرولاد لي خلينهم يبردو باه نقدرو نقطعوهم ما يتفتوش ونحطوهم في الصحن ونريد زينهم بالصلصة ونرش بالمعدنوس ممم
و الله صدقوني الوصفة هايلة فقط الصور مش واضحين كفاية كما الوصفة الاصلية
يرفق بفريت او ارز او بيري ولا وحدو مع سلطة مشكلة