مشكلة عمل 2

[مشكلتي]

السلام عليكم
جزيل الشكر لكل الردود و جزاكم الله كل الخير عما تبدلونه من مجهود امساعدة الغير اما بعد اريد ان اوضح بعض الامور التي هي نوع من الاساءة و النصح ياتي بالكلام الطيب لا العكس بالنسبة فالانسان ايا كان معرض لمواقف ايا كانت شخصيتهبالنسبة للاخت الي قالت
يعني انت منزعجة مما بالضبط ؟؟؟
من كونه رد عليك بضحكة استهزاء و لم تكن وردية ؟
ام
من كونه تجاوز حدود الله في الحديث معك بكلام مشبوه و شبهك بممثلة اجنبية ؟؟

انت المخطئة
مفروض انك حينما قال لك ذلك ما كنت ضحكت معه أساسا ، حتى وان كانت ضحكتك صفراء غير فاقع لونها و لا تسر الناظرين !

بيدك مفاتيح علاقاتك بالناس ، انت من تحددين مسارها و ليسو هم ، ضحكك معه هو بداية استرساله في إزعاجك ، مفروض انك تصرفت معه بحزم و جدية حتى لا يتمادى اكثر
انا لا انتظر من اي احد لاضحكة وردية لا اي ضحكة اخرى راني نعرف حدودي مليح وعندي مبادء و اخلاق وسبق وان دكرت ان علاقتي معاهم في حدود فوق ماتتصوري ضف الى دلك لو كنت كدلك لما طرحت المشكلة هنا ببساطة كنت استرسلت معاه في الكلام كما اني لم اقل انه ضحك باستهزاء قلت لا ادري مادا كان يقصد بكلامه اهو استهزاء ام مادا لاني بكل بساطة ماموالفاش نفتح مواضيع كيما هادو معاهم
اما الاخت لقالت

هذي فاتت ومنا وجاي ما تهدري ما تضحكي لاشتا يقولك تشبهي لكاساندرا (مع اني اصلا نشوف فيها ماهيش حاجة لي تضحك كي قالك تشبهي لكذا وكذا ) كون خرجتي وخليتيه

و كانك تتهميني بلي عجبني الحال لا بالعكس ولا تظني ان ضحكت بقهقهة او صوت عالي قلت ابتسامة صفراءتدل عاى عدم الرضى كما اني قلت اكملت مع الشخص الاخر كلام العمل وخرجت

اما بالنسبة للحياء فهو شعبة من شعب الايمان خاصة للانثى

[لحن الحياة.]

شوفي يا اختي انتي طلبتي النصح وانا قدمتلك مثال وقلت لك كاساندرا لانه هو قالك اسم فنانة اخرى مانيش نتمسخر راني من عقلي ما اتهمتك ماوالو وديجا لي يتهمك راه يقولك انت عملت هاك ودرتي هاك و++++ انا قلت لك منااااااااااااااااااا وجاي ما تهدريش معاه وكي يقوللك تشبهي لكذا اخرجي وخليه
واش بيني وبينك حتى نتهمك ؟؟؟انا اقترحت عليك حل وخلاص وقدمت مثال هذا ماكان

[blanche rose]

ابتسامة صفراء..تعني..كلامك سخيف لا تعد الكرة..
فهمتها جيدا ..
ردة فعل في محلها

لا تهتمي لأحد في العمل سوى العمل..
بخصوص الاخوة اللي نبهوك من الحياء الزائد

قصدهم ليس ما فهمته عزيزتي
قصدهم الحشمة مليحة في حدود

أممممم

كيف أشرح؟؟

يعني ما تخليش خدودك يحماروا ..هذا الحياااء يجلب لك أصحاب النفوس الضعيفة..

هذا الحياء يكون أمام الخطيب والزوج لأنه يعكس مشاعر الحب والأنوثة..

أما الباقي تعاملي معهم باسلوب محترم ومحتشم.
ربي يسعدك حبيبتي

[أنور]

خلاصة الموضوع ، الهاي بخدمتك وخلاص ،ولا تعيري بالا للمحادثات الخارجة عن حدود العمل مع الرجال

[selma1979]

شوفي اختي انا كيفك ما نحبش الكلام الخارج عن نطاق العمل وقصرتها من الاول مانقولش صباح الخير ولا نلقي السلام على الرجال سواء شاب او شايب علاه . على خاطرالرجال ماشي كامل يعرفو قدرهم تقولي السلام عليكم يقولك صباح الخير ومن هاذي تفتح ابواب الدخاسة ( تشبهي لفلانة. شفتك البارح. كرهنا الخدمة.امي مريضة او بنتي ............الخ) . اختي اقطعيها اذا حابة ترتاحي . بالطبع راح ينقدوك وبزاف مي والله العظيم راح ترتـــــــــــــــــــــــــــــــــــــــــــــــ ـــــــــــــــاحي وتدعيلي. انا من الاول مانلقيش السلام كانو مايعرفونيش كي نفوت عليهم مانشوفش فيهم ومرات نحس راهم يشوفو فيا باه يقولو صباح الخير مي نكمل ونفوتهم بكل برودة انا مايهمنيش هاذا مليح ولا هاذا قبيح لالا كلهم سواسية .قالو عليا مانيش متـأدبة ونسمعهم يضحكو مع العاملات النساء ويقولو هاديك ماهيش متربية و علاه ماتقولش السلام ويقعدو ديما يهدرو فيا و المشكل النساء يضحكو عليا و ماعلابالهمش بلي هوما .....................,...؟؟؟ المهم انا يكفيني كي ندخل عليهم يسكتو وكل واحد فيهم كي يشوفني جايا من بعيد يخليلي الطريق ويهبط راسو .ماتهمنيش وش قالو ولا وش يشوفو فيا انا نعرف قيمتي وحياتي خارج العمل. الحمد لله ضرك عرفو العقلية ماولاوش عايشينلي و بيني وبينهم عمل فقط لا سلام لا صباح الخير. وفيما يخص العمل نتعامل مع اي واحد عندي خدمة معاه ولا واحد يتعدى حدودو. بالنسبة ليك اختي صمتي واللي يحاول يهدر معاك هكا ولا.....؟؟؟ قوليها في وجهو اللي تحبي و بالطريقة اللي تخرج عليك انت فقط لانك وحدك عشتي الموقف اييييه .ولازم تكوني واثقة من روحك ماكيش غالطة سينو راح تولي تاع جماعات. اختي الكريمة ممكن تقولي اللي قالو عليا مي صدقيني هاذا انسب حل تضحكي عليا حتى النساء نقصت معاهم وكيما قلتلك حياتي العيب في العيب.ربي يوفقك