حنموت

[مشكلتي]

عاونوني حنموت

أنا عمري 23 و خطيبي 25 قلبي محطم خطيبي كرهني بعد ما تفاهنا إني منخدمش صراو مشاكل كبيرة مع دارنا خفت يسمع منهم كلام يخليه يبطل عانيت حتان آخر خطرة جابولي معلمة وقالي بابا نديك ونجيبك صليت صلاة الإستخارة و قتلي أخته أنه ماما وبابا قالولك أخدمي بلا ميفيق بصح هو فاق و قليي خداعة منديكش و كذابة و كل ما يجي في بالكم وغدارة و في الليل حكات معاه أمه ربي يخليهالي قتلو أنا لي قتلها أخدمي قالها أداها أنت مالا و قدرت تكالميه بعد ماكان في حالة صعيبة عيطلي قلي بطلي نرجعلك بطلت بصح كل يوم يقولي أني نكرهك و منديكش مرة قتلو مالا ربي يهنيك و أنا نحبك و درت كلش باه منخسركش قلي أصبري علي أني نديك غير إنت أي صدمة كبيييييرة و أني نحبك ولكن بعدها رجع يقولي منديكش
قلبي يتقطع كي نسمع هذه الهدرة ونولي نترعد حنهبل صح كرهني و ماراهوش حيديني واش ندير باه نرجعوو منجمش منقدرش حتى نيماجيني حياتي بلا بيه هذه حكايتي بإختصار جاوبوني هل كرهني ن

[مراد سابقا]

راح تومي على جال راجل

الناس تموت من اجل الله وان تموتين من اجل ..............................

[مجرّد إنسان]

إذا راكي تبغيه صح حبسي الخدمة على جالو وتنتهي المشكلة

[زبدة ذايبة]

علاه تموتي؟؟؟؟؟

ماشي هذا هو الأول والأخير

وماشي هذا الراجل الوحيد في الدنيا

علاش تربطي روحك بيه

وقت مانفحتلو يعفس عليك ولا يطلقك

وين راهي كرامتك؟؟؟؟

وش بيك هكذا !!!!!!!!!!!!!!!!!

كلما ذليتي روحك ليه كلما كان ساهل يتخلى عنك

هذي النفس البشرية ماعندهاش قوانين تمشي عليها

ماتضنيش أنك إذا قلتيلو نحبك ونموت عليك ومانقدرش نخليك

راح يقولك حتى أنا مانقدرش نعيش بلابيك؟؟؟؟؟؟؟

عند بعض الرجال -أقول البعض- إذا قلتيلو نحبك يولي يكرهك

يعني ماكالاه تقتلي روحك على جالو.

ثانيا:

كي قالتلك يماه اخدمي بتخبية عليه مافكرتيش بلي يكتشف هذا الموضوع

انت بالنسبة ليه فقد منك الثقة نهائيا ماعندك ماتصلحي في الوضع

حتى لو يتزوج بيك ماراحش يكون واثق فيك

راح يقول إذا خدعتني المرة الأولى ممكن تخدعني مرة ثانية

نعطيك رأيي ونصيحتي حتى لو كنت قاسية عليك

مازلت صغيرة وتقدري تبداي حياتك من جديد

ماتموتيش على جال حتى واحد في هذ الدنيا

طاعة رب العالمين ورضاية الوالدين

الزواج صعيب ماشي مسلسل تخلاص حلقاتو بزواج البطل من البطلة

الزواج واقع صعب جدا فيه حسابات كبيرة لايعلمها إلا الله.

ماتذليش روحك ليه الخطأ صدر ووقع وهو بما أنه قالك نكرهك خير اجبدي روحك

وابداي صفحة جديدة في حياتك.

رب يوفقك

[نصيرة الإسلام]

السلام عليكم و رحمة الله تعالى و بركاته
:
اولا اختي اسمحيلي انوقلك انك غلطتي كي رحتي تخدمي مور ظهرو حتى و لو الأم تاعو قاتلك هو الكلمة الأخيرة ليه و راح يولي زوجك يعني لازم تطيعيه
:
خطيبك حسب تصرفه راه فقد الثقة فيك و من جهة اخرى ما راهش حاب يخليك ..عليها كل مرة يقول حاجة
انا نظن اعترفلوا عادي انك اخطات و انك نادمة على هذا الشيء و بلي ما تزيديش تعاوديها ...و لكن من دون ما ذلي روحك...و حاولي تفهمي منو واش موقف من اتجاهك و هاكة تحلوا المشكل
:
لكن إذا زاد قالك بعدها بلي يكرهك ...هنا ولا الخطا فيه و مش فيك ..خليه و وحده راه يعرف بلي غلط
:
إذا ماولاش ..نقولك ربيّ يجيبلك ما خير منوا .لأنّو الحقيقة رجل مثل هذا كلّ يوم تهديد ..هذا راح يشوفلك المرار
:
و ربي يفرج عليك أختي ...و ربي يرجع المودة والثقة بينكم
السلام عليكم

[AMINA.Z]

هاذا خلاص
كي فاقلك تحبيه راهو يذل فيك
اغلب الرجال هاك .....عمرهم و لا يحطو المراة فوق ريوسهم اذا عرفو بلي تحبهم .يولو يستغلوها و. يذلوها
حيرتيني كيفاه مازلتي معاه و هو يسمعلك هاذ الكلام.
ديما نقول المراة هي سبب تعاستها
ربي يفرج عليك

[blanche rose]

نتمنى اللي خلاو خدمتهم على جال الزواج ومنذ البداية
يحكيولك
هل عاجبهم الحال او لا
هل هن راضيات ام لا
ومادام اهلك حابينك تخدمي علاش قلتيلو ما نخدنش؟؟
علاش تسرعتي بالموافقة؟؟
ربي يسعدك

[mino 13]

اختي غلطة فيك نتيا لعبتي بهدرتو
قالك متخدميش قولي نعم ام لا
ماشي تقولي لا تعاود تخدمي مور ظهرو .. واش دخل امه او اخته فى الموضوع العمل نتيا قلتي لا يعنى لا
هكا يفقد الثقة بيك
انا شخصيا راني معاه بصح كلمة يكرهك يقولها لكن لا يقصدها ادا يحبك فعلا اكيد يعاود يولي يقولك بالزعاف قلتها

[طُمآح الذُؤابة]

السلامُ عليكم و الرحمَة ..
هلآ أختِ ..


في البداية أرجوا أن تقرئي قليلًا عن ( التعلُق المَرضي ) ..
أما ثانية و هو الأهم ..

تُريدِين الحل ؟
أتدري ؟ و اللهِ الحلْ أبسط مما تتوقعي ..

( عُقدة الشعُور بالذنبْ )
عليكِ فقط أن تتخلصي منها ..

أخطأتِ اتجاهه .. أطلُبي الصفح ..
كم ؟
مرة واحدة .. واحدة و أخيرة .

( الخطأ ) اقترفتِه ، انتهى ..
لا تفكري فيه .. لا تتحدثي عنه .. و لا تسمعي لأي أحد يأتي ليُناقشكِ فيه .. و لو كان خطيبك .. خطيبك ؟!! نعم و لو كانَ هُوْ .
حدثٌ في الماضي .. ليحترِقْ ..

المهم أن لا تعيدي الخطأ مرةً أخرى .

ما نفعُ هذا ؟

على المستوى الطاقي ..
الشعُور بالذنب اقترفتُه اتجاه شخص ما ..
النتيجة حتمية و هي أنهُ يجلُب لي العقاب ( منه أو من غيره )

طلبُ الصفح منه ( يُنهي ذلك العقاب ) إلا في حالة واحدة ..
و هي بقاء الشعُور بالذنب عند المخطِئ ..

كلما شعرتِ بالذنب حول هذا الخطأ اتجاهه .. سيخرِج سوطَ العقاب و يجلدْ ..
مثلما يفعل صديقُنا الآن

و هو المسكين لا يدري ( يستعمل عقله اللاواعي ) هنا ..
هو ليس المخطئ .. أنتِ المخطئة ..

- تريدي أن تعود الأمور إلى نصابها ؟ انهضي من كُرسي الإتهام .. كل بنُ آدم خطآء ..
( مشاعر الذنب ) احرقِيها و تخلصي من رمادها ..

أراهنُكِ بعضويتي الجميلة هاته :d إن فعلتِ ذلك و لم يُفلِح الأمر ..

هيَا الحل بسِيط .. هو ( بداخلك )
تخلصي من الشعُور بالذنب .

مُوفقة .

[lمنال]

اسمعي اختي روحي اخدمي على روحك والله امركم غريب كون جيت انا ما نقعد معاه ولا لحظة هادا ما زالكم مخطوبين راهو يسمع فيك في الكلام مام رحتي تخدمي من وراء ظهرو راكي ما زلتي في دار اهلك هم المسؤولين عليك هو ما عندو حتى كلمة عليك حتى تكوني في دارو و الله اختي اللي ما قدركش كي راكي في دار اهلك بعد الزواج واش انقلك فيقو على رواحكم يالبنات ويهني كرامتكم وكانا على الراجل كيما هكا اسمحيلي ريح السد يدي ما يرد وكان على الرجال كان خير منو الف مرة
ربي يوفقك و يسعدك

[asmar@]

مايحس بالجمرة غير لي عفس عليها . إلا تبغيه شدي فيه و ديري في بالك حتى واحد مايحس بيك غير قلبك ، وما تنسايش يا ختي بلي الراجل راجل و لا يغرك حب القلب...

[hajour]

أسمحيلي ختي على الرد مازلت كي نت كي خطيبك صغار على الزواج.

[Onodz]

\

يا اختي مشكل العمل شيء و التقليل من كرامتك شيء
حسبنا الله في حقارين النساء

[om_hadil]

تموتي ؟؟؟؟؟ اذا لم يكن بينكم عقد شرعي فمن الأحسن ان كل واحد يروح في طريقه... لان البداية لا تبشر بخير ....

[oum Haroun]

انا راي الشخصي تبطليه ولا تزيريه على جال هذه الغلطة ماقدرش اسامحك ناس كامل تغلط املا اوكان تغلطي غلطة كبيرة و انت مرتو اطلقك ولا يقتلك هذا قادر يحرمك من اهلك على بالي الحب صعيب و النسيان اصعب ولكن تعاني شوي و تنسايه افضل من انك تعشي حياتك كلها حزن وعذاب ولا على الاقل حوسي على طريقة تبدليه مازلت صغيرة تستاهلي لي يفرحك و ايسعدك و زواج راه العمر كله يعني تعيشي معه حياتك كلها