مديرية ولاية باتنة

[faisel101]

تم نشر رسميا إعلان مسابقات المشرفين والمقتصدين وغيرهم على لوحة إعلانات مديرية باتنة ^__^
الاعلان فيه تاريخ 28 أكتوبر @_@ , يعني حساب 15 يوم يبدا من تاريخ 28 أكتوبر مش من 4 نوفمبر -__-
ومركز ايداع الملفات مقسم حسب المناطق وحسب الاختصاصات وما قدرتش ننزل صور مسابقة المقتصدين بسبب كبر حجم الصورة -_-
بالتوفيق للجميع ^__^

[nasma007]

شكرااا جزيلا، يعني الاربعاء 11 نوفمبر آخر أجل
بالتوفيق للجميع

[منتهى النجاح]

مشكور اخي غدوا نديروا
طلة باش ندفعوا الدوسي ونتهناوا
بالتوفيق للجميع

[faisel101]

لا شكر على واجب , هو نورمالمو يكون 15 يوم من أول يوم تعلق فيه الاعلان في المديرية مش من وقت ما كان ختم الوزارة , على كل حال الواحد يحاول يدفع الملف في أٌقرب وقت وما يخليش لأخر لحظة
بالنسبة للمقتصد ونائب المقتصد الدفع يكون في متوسطة بوزروان ق 7 بصح أي وحدة بالضبط الله أعلم )))
بالنسبة للملف لمسابقة المقتصد ونائب المقتصد لازم :
طلب خطي للمشاركة ويكون فيه رقم التلفون
نسخة من بطاقة التعريف
صورة شمسية وحدة
صورة عن الشهادة مرفوقة بالنقاط المسار الدراسي
بطاقة معلومات تملأ من طرف المترشح تسلم من طرف مؤسسات ايداع الملفات
دفع 300 دج للمشارك في مسابقة المقتصد و 200 دج لنائب المقتصد والدفع ممكن في مكتب التسجيل
وبالنسبة للمسابقات الثانية ففيها اضافات ثانية

[منتهى النجاح]

بارك الله فيك اخي
نقصت عليا بزاف
اذا الوجه تكون متوسطة بوزوران ق7 هي وحدة
وهي نفسها اللي دفعت فيها الباك
جزاك الله خيرا
وفقك الله

[faisel101]

آمييين وإياكم وإن شاء الله نلقاها بسهولة غدوة @_@

[تسنيم*]

شكرااااااا اخي نقصت علي بزاااااااااااااف بار الله فيك

[faisel101]

المشاركة الأصلية كتبت بواسطة تسنيم*

شكرااااااا اخي نقصت علي بزاااااااااااااف بار الله فيك

وفيك بارك الرحمن ^__^
دفعت اليوم وقالولي نهار الأحد نجي نهز الاستدعاء @_@

[azzedine1982]

بالنسبة لمسابقة متصرف لمديرية التربية في الإعلان العام لمديرية التربية كانت المناصب فيما يخص المتصرف 04 لولاية باتنة اما ما صرح به في إعلان مديرية التربية لولاية باتنة كان منصب واحد لماذا يا ترى ؟؟؟؟

[faisel101]

المشاركة الأصلية كتبت بواسطة azzedine1982

بالنسبة لمسابقة متصرف لمديرية التربية في الإعلان العام لمديرية التربية كانت المناصب فيما يخص المتصرف 04 لولاية باتنة اما ما صرح به في إعلان مديرية التربية لولاية باتنة كان منصب واحد لماذا يا ترى ؟؟؟؟

الله أعلم ممكن صراو تحويلات وبقى منصب واحد برك , لأنو من ناحية المعريفة ما شكيتش لأنو لي عندو معريفة ممكن يستخدمها في المسابقة خاصة وهي على أساس الشهادة يعني تكون أسهل والله أعلم

[amaniam]

بالتوفيق انشاء الله

[faisel101]

هزيت اليوم الإستدعاء , الإمتحان يوم 3 ديسمبر
من ساعة 8 حتى 11 اختبار في القانون الاداري أو المحاسبة العمومية و المالية العامة
ومن ساعة 14 حتى 16 اختبار في الثقافة العامة
مركز الامتحان ثانوية العربي تبسي , ممكن البقية يكونو في مكان ثاني
بالتوفيق للجميع ^__^