مساعدة شوربة العدس للرضع

[aminabensa]

السلام عليكم ابنتي عندها 11 شهر الله يبارك ويحفظها حبيت نسقسي الأخوات اذا نقدر نديرلها شوربة العدس واعطوني الطريقة ارجوكم وحالة نسقسيكم واش هو الشوفان عندنا كفاه نسموه في الجزائر يقولو مفيد للربع افيدوني ارجووووووكم وكشما وصفات الله يجازيكم وشكرا

[ام ايمان16]

ربي يحفضلك بنتك

حسب علمي مايعطوش البقوليا ت للاطفال اقل من عام
بنتي قبل عام كنت نعطيلها بطاطا وزرودية وجريوات نطيبهم نهرسهم كيما لابيري ونديرها فيهم فرماجة ونوكلها
او شربة فرمسال بالحليب
ونعطيلها ايضا خبز مع لحليب او قاطو مع لحليب زائد باطة جارفي بين الوجبات او حبة فاكهة خوخة او موزة او تفاح طايب

وبعد العام وليت نعطيلها كيما نطيب نوكلها معايا (طعام روز مقرون عدس ........الخ

[djouda20]

chokrennnnnnnnnnnnnnnnnnnnn

[djouda20]

[djouda20]

hafidaha allah

[raboha]

ربي يحفظلك بنتك
ختي أنا نقولك على بناتي و نتي شوفي
و الله بناتي في عمر بنتك كانو يدشو كلشي و العدس ياكلوه عادي منرحيهش حتى اللوبيا ياكلوها
أنا بديت نوكلهالهم كان عمرهم 5 شهور و ياكلوهم عادي

[ام تقوى 34]

السلام عليكم
من الاحسن ما تعطيلهاش البقوليات ظركة حتى تغلق عام
انا هكدا عملت مع اولادي

[aminabensa]

شكرا اخواتي على الإفادة وربي يجازيكم

[حنين فتـاة]

تقدري تطيبي العدس نورمال بصح متكثريش الفلفل ووراس الحانوت ومن بعد جيبي لي طحنو بيها الخضرة وجيبي المصفات الرقيقة وطحنيه واعطيهلها بصح متكثريلهاش

[مون1]

ابني نفس عمر بنتك

نطيبلو لعدس الأحمر فيه فوائد كثر من العدس البني

نقلي بصلة صغيرة وسنة توم مع قطرة زيت زيتون وحبة جزر وشوية كابوية أو حبة كورجيت ( قطعة صغيرة لحم او دجاج ويمكن الإستغناء عنهم ) ونمرقهم ونحط حفنة عدس أحمر نخليهم حتي يطيبو مليح ونرحيهم ( انا مانحطش الملح حتى يكمل عام ان شاء الله)

اذا حبتي تعطيهالها هكذا ولا اذا حبيتي تجيك عاقدة شوية حطيها شوية شوفان وخليها تعقد ولما تجي توكليلها رشي عليها شوية زيت زيتون.

طعمتها بنينة بزاف ومغدية للاطفال.
نتمنى نكون افدتك

[aminabensa]

المشاركة الأصلية كتبت بواسطة مون1

ابني نفس عمر بنتك

نطيبلو لعدس الأحمر فيه فوائد كثر من العدس البني

نقلي بصلة صغيرة وسنة توم مع قطرة زيت زيتون وحبة جزر وشوية كابوية أو حبة كورجيت ( قطعة صغيرة لحم او دجاج ويمكن الإستغناء عنهم ) ونمرقهم ونحط حفنة عدس أحمر نخليهم حتي يطيبو مليح ونرحيهم ( انا مانحطش الملح حتى يكمل عام ان شاء الله)

اذا حبتي تعطيهالها هكذا ولا اذا حبيتي تجيك عاقدة شوية حطيها شوية شوفان وخليها تعقد ولما تجي توكليلها رشي عليها شوية زيت زيتون.

طعمتها بنينة بزاف ومغدية للاطفال.
نتمنى نكون افدتك

شكرا اختي ربي يجازيك هذه الأيام راهي ما حبتش تاكل والو قلت نجربلها العدس بالاك يعجبها اختي يعيشك الشوفان منين تشريه واسمو هكذا ولا عندو اسم آخر يقولو مفيد جدا وربي يحفظك

[ghorba]

قلي شوية بصل في مغرف زيت و حبة زرودية وحبة بطاطا و قطعة طماطم بدون قشر و زريعة بدون اضافة ملح ثم اظيفي مغرف عدس احمر راه متوفر في السببيرات عدس بدون قشر و فتيتة ورق الرند لانو الرند به فائدة عظيمة
مرقي بالماء
كيطيب انزعي الرند و ارحيها تقدم دافئة روعة مفيد من سن ال٧ اشهر