تحلية لذيذة و منعشة تعالو و شوفي

[نهر التسنيم]

السلام عليكم و رحمة الله وبركاته كيف احولالكم ان شاء الله تكونو بالف غير
اليوم جبتلكم تحلية لذيذة بالليمون و الصابلي نبدا كيفية التحضير على بركة الله
اول نخدم صابلي عادي 250غ مارغرين 2 صفار بيض كاس سكر ناعم كاس مايزينة مغرفة صغيرة مايزينة و نلمها بالفرينة و نطبعها و نطيها فالفور كيما العادة كي يطيبو خليهم يبردو
من جهة اخرى حضري كريمة الليمون اولا نعصر 4 حبات قارص و نضيفلهم 100 غ سكر عادي ،6 صفار بيض ، 3 مغارف كبار مايزينة نصف كاس حليب دافي نصف كاس ماء و نخلطهم بالفوي و نحطهم يطيبو على حمام مائي حتى تخثر الكريمة من بعد نحيها و نضيفلها 50 غ مارغرين ونحركها حتى تذوب
نضرب كاس كبير بودرة الشونتي مع كاس حليب بارد حتى تطلع الشونتي و نديرها فالبوش ادوي و نحطها بجيه
دوكا نجبو كؤوس انا درت تاع بلاستيك نحطو من التحت الصابلي المقطع قطع متوسطة ندير طبقة كريمة الليمون طيقة كريمة الشونتي نزيد طبقة صابلي طبقة اخرى من كريمة الليمون و اخيرا نشكل وردات بالكريمة الشونتي و نزينها بلوز ايفيلي محمص و بالصحة و الراحة ان شاء الله تعجبكم و الصورة تبينلكم دمتم في رعاية الله و حفظه