زراعة بذور الليمون والحمضيات

*عائشة* · 2015-03-15, 20:15

زراعة بذور الليمون والحمضيات
هات ليمونه صفرة كبيرة مقلبظة
اقطعهاوخد البذر نشفو ساعة او اتنين فى الشمس
امسك البذرة وقشر القشرة الخارجية بحذر
هات طبق يكون بيغلق او كيس يغلق
ومنديل او حتى قماشة.........
رش على القماشة شويه ماء قليل جدا يادوب بكون مندية
حط البذور فيهه ولفها برفق وحطهه فى كيس او فى علبة محكمة الغلق
اتركهه بعيد عن عينك 7ايام
بعد اسبوع افتح عليهه هتلاقيهه نبتت وعملت جذور وغصن صغير
هات علبة او ازازة مقطوعة وحط فيها رمل او تراب وخلى البذرة على وش الرماد وغطيها مرة اخرى بطبقة رماد خفيفة جدا
اسقيهاواتركهافى المطبخ اسبوع حتى تخضر
وبعدها انقلهه فى صفيحة كبيرة شويه او قصريه
اعتنى بها منظرها رائع وريحة اورقها منعشة جدا
وربنا يكرم تطرح وتاخد لمون من صنع ايدك
حاجات سهله وجميله ولها اثر كبير عليك وعلى الاطفال لما هما كمان يهتموا بيهه خلى كل شجرة فى بلكونتك باسم طفل من اولادك وهو المسؤول عنها
.... منقول للافادة