لكل من فقد عزيز .. هل يحدث معكم هدا

oum imane83 · 2014-09-09, 10:37

توفى اخي ربي يرحمه ويوسع قبره ويسكنه فسيح جناته و كل موتى المسلمين
قريب 4 شهور لكن لحد الان صورته في مخيلتي في احيان كثيرة ننسى انه مات وننسى ايام الحداد الي عشناها تروح من بالي و كانها لم تكن اصلا او كانت مجرد كابوس . حتى اني لساني يصعب عليه بنطق كلمة الله يرحمه
انا انسانة مؤمنة بالله و بقضائه لكني مافهمتش حالتي
في الشهر الاول بعد وفاته كنت ديما نبكي و النوم يطير من عيناي نستغفر وندعيلو .. اومبعد عاودت رجعت شوية للحياة وخف الالم ..مي الايامات هادو نتفكر منبكيش كيما الاول مي مازلني غير مصدقة بلي صح مات ..

oum imane83 · 2014-09-09, 15:45

وين راهي ردودكم ..

HANDA14 · 2014-09-09, 16:09

سلام اختي .واه صرات معايا هذه الحالة .انا تاني توفى بابا الله يرحمه في العام الاول مازال مانيش مصدقة نتخيلوا عند الباب في الدار يدور والله حتى هبلت .بصح الحمد لله كي رقيت ريحت كنت المقبرة ومانبغيش نروحلها .وضرك هاذو 8 سنين تحسبي غير البارح.
هذه الحالة تصرا لخاطر حنا مانديروش في بالنا بلي قاع نموتو غير نحكيوها مي مانطبقوهاش ،انت راكي مصدومة ماراكيش دايرة في بالك خوك يموت .ري يرحم الي ماتوا انشاءالله وروحي ارقي واحكيلوا واش يصرا معاك وماتنساوهش من صالح الدعاء والصدقة ورب يصبركم يا اختي .

العوفي العوفي · 2014-09-09, 16:23

أختي في الله عظم الله أجركم ...كل نفس ذائقة الموت ...أعينيه بالدعاء..
فاللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار، اللهم اغفر لحينا وميتنا، وصغيرنا وكبيرنا، وذكرنا وأنثانا، وشاهدنا وغائبنا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده .اَللَهُم َ اغْفِرْ لَهُ وَلِلْوَالِدَينِ وَ لِلْمُسِلمِينَ وَاَلِمُسْلِمَاتِ اَلْأَحْيَاءٌ مِنْهُمْ والأموات...إنا لله وإِنَا إِليْهِ راجِعُونَ................................

*رحيق الجوري* · 2014-09-09, 17:18

اختي راني حاسة بيك مليح كاين معنا وحدة هبلت وولات تهدر وحدها ووو انهيار عصبي نتي راكي عادية خلاص رانا بشر وباينة فيك كيفي حساسة ياسر نقولك متخليش خلاه صلاتك وادعي باه ربي يزيد يصبرك

*رحيق الجوري* · 2014-09-09, 17:19

ربي يرحمو ويوسع عليه

oum imane83 · 2014-09-10, 11:18

اقتباس:

المشاركة الأصلية كتبت بواسطة handa14

سلام اختي .واه صرات معايا هذه الحالة .انا تاني توفى بابا الله يرحمه في العام الاول مازال مانيش مصدقة نتخيلوا عند الباب في الدار يدور والله حتى هبلت .بصح الحمد لله كي رقيت ريحت كنت المقبرة ومانبغيش نروحلها .وضرك هاذو 8 سنين تحسبي غير البارح.
هذه الحالة تصرا لخاطر حنا مانديروش في بالنا بلي قاع نموتو غير نحكيوها مي مانطبقوهاش ،انت راكي مصدومة ماراكيش دايرة في بالك خوك يموت .ري يرحم الي ماتوا انشاءالله وروحي ارقي واحكيلوا واش يصرا معاك وماتنساوهش من صالح الدعاء والصدقة ورب يصبركم يا اختي .

شكرا اختي .. عندك الحق احنا ننساو بلي رايحين نموتو حقا صح نقولها في كلامنا مي كي يجي خبر موت شخص قريب وخاصة ادا مكانش مريض هنا الصدمة تكون كبيرة ... انا خويا ربي يرحمه هو الكبير في الدار مات في حادث مرور .... رقد في الدار عادي وفطن صباح خرج لشغلو مع صاحبو ودخل واحد فيهم ...حسيت هاد الشيء درس لينا باش نفيقو من السبات
ربي يرحمه ويرحم باباك انتي ثاني ويرحم جميع الموتى .. مافيش لمان في الدنيا وياسعد من فعل الخير

oum imane83 · 2014-09-10, 11:21

اقتباس:

المشاركة الأصلية كتبت بواسطة العوفي العوفي

أختي في الله عظم الله أجركم ...كل نفس ذائقة الموت ...أعينيه بالدعاء..
فاللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار، اللهم اغفر لحينا وميتنا، وصغيرنا وكبيرنا، وذكرنا وأنثانا، وشاهدنا وغائبنا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده .اَللَهُم َ اغْفِرْ لَهُ وَلِلْوَالِدَينِ وَ لِلْمُسِلمِينَ وَاَلِمُسْلِمَاتِ اَلْأَحْيَاءٌ مِنْهُمْ والأموات...إنا لله وإِنَا إِليْهِ راجِعُونَ................................

شكرا اختي بارك الله فيك ربي يجازيك كل خير

oum imane83 · 2014-09-10, 11:24

اقتباس:

المشاركة الأصلية كتبت بواسطة *رحيق الجوري*

اختي راني حاسة بيك مليح كاين معنا وحدة هبلت وولات تهدر وحدها ووو انهيار عصبي نتي راكي عادية خلاص رانا بشر وباينة فيك كيفي حساسة ياسر نقولك متخليش خلاه صلاتك وادعي باه ربي يزيد يصبرك

ايعطيك الصحة على الاهتمام .. الحمد الله كي مالحقتش لهبال رنا مؤمنين وشادين في ربي سبحانه هاد الشيء الي خلانا نصبرو حتى يما مسكينة خفت عليها بزاف مي حمد الله ربي دارها الكوراج والصبر حتى هي ما امنتش بلي تقدر تصبر على فراقو وخاصة انه الولد البكر وزيد تحبو بزاف بزاف

oum imane83 · 2014-09-10, 11:37

كان محبوب الجميع طيبته وقلبه الكبير اخلاقه وحبه لمساعدة الغيرخلاه يكسب حب واحترام الكل صغير وكبير نساء ورجال حتى انه كان ياثر على نفسه ...عمره ماادى اي واحد ....كان شاب ولا كل الشبان ماعرف الدخان ولا الشمة ولا المخالطة .. كان راسم لحياته مخطط اخر هو مساعدة الغير وكان عضو فعال في عدة جمعيات خيرية لليتامى و مطعم الرحمة وغيرها .. الي عنده اي مشكل يجي ليه كان لايمل ابدا من الجري وراء مصالح الاخرين
.. العائلة الجيران احبابه واصحاب تاثر بوفاته وبكى فراقه .. جنازته كانت كبيرة تقول ماشي انسان عادي
كي نتفكر نبكي ونفرح في نفس الوقت لانه دار الخير بيديه وبلاك كامل هاد الشيء حسن خاتمة
صدقوني كي تشوف صفاء وجهه والابتسامة الي ارتسمت على شفتيه ماتقول مات و في حادث مرور ..
الف رحمة ونور ينزلو عليه

العوفي العوفي · 2014-09-10, 13:30

اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار، اللهم اغفر لحينا وميتنا، وصغيرنا وكبيرنا، وذكرنا وأنثانا، وشاهدنا وغائبنا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده .اَللَهُم َ اغْفِرْ لَهُ وَلِلْوَالِدَينِ وَ لِلْمُسِلمِينَ وَاَلِمُسْلِمَاتِ اَلْأَحْيَاءٌ مِنْهُمْ والأموات...إنا لله وإِنَا إِليْهِ راجِعُونَ

oum imane83 · 2014-09-10, 13:46

اقتباس:

المشاركة الأصلية كتبت بواسطة العوفي العوفي

اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من اللهم اغفر له وارحمه، وعافه، واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما نقيت الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار، اللهم اغفر لحينا وميتنا، وصغيرنا وكبيرنا، وذكرنا وأنثانا، وشاهدنا وغائبنا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده .اَللَهُم َ اغْفِرْ لَهُ وَلِلْوَالِدَينِ وَ لِلْمُسِلمِينَ وَاَلِمُسْلِمَاتِ اَلْأَحْيَاءٌ مِنْهُمْ والأموات...إنا لله وإِنَا إِليْهِ راجِعُونَ

شكرا بارك الله فيك

اﻻء الرحمن · 2014-09-10, 15:24

ربي يرحمو ويصبرك حنونة ويرزقك بالذرية الصالحة ان شاء الله

=رحمة= · 2014-09-10, 15:45

اللهم ارحم جميع موتانا و موتى المسلمين

بسمة اكرام · 2014-09-10, 15:51

ايه ياختي انا صرالي هكدا كي توفي اخي هدي مدة 14 عام
لانو كان بصحتو لاباس عليه مات في حادث
ولحد الساعة ننسى بلي مات
حتى كي توفاة امي الله يرحمها ماصدقتش راه عندها 3 سنوات ومزلت ماصدقتش لانها جات زارتني وطيبتلي لمثقبة في داري وكي مشات لدارها مرضت وماتت في المستشفي
ولهدا ماصدقتش
وكي نشوف صورتها دائما نشوفها تضحك معيا
ومرات حتى نتلفونيلها في رقمها ونقول يمكن ترد عليا
الله يرحم كل موتى المسلمين