مشكلتي زوجي

[مشكلتي]

السلام عليكم و رحمة الله و بركاته

خاوتي حبيت نسولكم على حاجة محيرتني و ماعرفتلهاش جواب

انا 30 سنة عاقد عليا شخص منذ فترة قليلة نسبيا و من خلال ماتعرفت عليه انو مهمل في صلاتو و هذي المشكلة ربي يقدرني و نعالجها عادي

لكن اللي مش عادي انو ثقافتو الدينية ناقصة بحيث انو نحسو ماعندو صلاح في امور عدة من بينها انو حاب يتحول من مكان عمل فطلبو منو دراهم ماحسيتوش عارض الامر بالعكس انا لي عارضتو و نبهتو ولى يجحد عليا ما يحكيليش و بزاف امور ما علابالوش فمثلا في فترة الخطبة انا اللي فرضت عليه حصار اننا مانهدروش بزاف و اذا هدرنا ففي مواضيع محددة و مانتلاقاوش ابدا لوكان طاوعتو ياحسراه لوكان راه صار بيننا العجب

الصراحة الامر هذا مفسد عليا فرحتي اللي انتظرتها طول عمري و ماعرفتش كيفاش ندير لاني انا حريصة انو البداية بيننا تكون سليمة لكن كل الخوف يكون سكنو فيه شبهة و او عملو او اي شيئ خاص بيه

بااااااااارك الله فيكم اخوتي

[- بصمة خير -]

العلم عند ربي على نياتو و دينو
عندك غير ربي
ادعي و ادعي و ادعي
ربي ينور بصيرتك
و ربي يهديك للقرار الصحيح
و داومي على الاستخارة
و ادعي لزوجك بالهداية و الثبات
و ينور بصيرته
اللهم اره الحق حقا وارزقه اتباعه واره الباطل باطلا وارزقه اجتنابه
ربي ييسر امورك و يجعلك الخير في كل خطوة
ييييييييييييييييييييارب

[القائدة]

ساهلة
استخيري ربك فيه
و انتهى

[عبد الله 22]

السلام عليكم الرشوة يعرفها المسلم وغير المسلم وقليل الدين يصعب العيش معه ( مرتشي ومهمل لصلاته ..............؟؟؟؟ ) حاولي جمع معلومات أكبر قبل السقوط في الفخ بالتوفيق

[~عبد السلام~]

اذا عاقد عليها يسمى زوجها

زيدي فكري لانك اذا قررتي الانفصال يعني الطلاق وزيد راكي 30 سنة و تعرفي المجتمع تاعنا

علاش متكونيش نتي السبب في تغييره و هدايته ؟

[nawelg1]

[size="7"]اقال عليه الصلاة والسلام :"اذا جاءكم من ترضونا دينه فزوجه"[معناها يا اختي اول واهم شرط الدين و هذا الاخ ما
يصليش راها كارثة وفوق هذا مرتشي واش تسني منوا نهار اخر مايتقيش الله فيك وفي ولادك و ما يعملكمش بما يرضي الله والزواج ماشي لعبة راه عقد ابدي ماش لازم يتبنا على الغر ماتتاثريش بالهدرة تاع الناس بلي راكي في 30 .راه يقولولك بلاك يهديه ربي على يدك صح ممكن يحدث وممكن لا لخاطر القوامة للراجل يعني ممكن يبدل فيك اكثر متبدلي انت فيه وعلى كل حال انت لا تملكينا الا الله فالجئئي اليه واستخيريه واكثري الدعاء فانه يعلم ولا نعلم اسال الله العظيم ان يوفقكي لما يحبه ويرضاه.
/size]

[سر سعادتي..]

ربي يهديه ختي مادام عاقد عليك يعني زوجك ادعي وادعي وادعي الليل مع النهار ويمكن ربي سبحانو كاتب هدايتو على يدك...رح نحكيلك قصة تشبه لقصتك وهو انو واحد من عايلتنا كان لا صلاة لا والو وكان على الطالع والنازل يضرب مرتو ويدير المشاكل كبار مع زوجتي اللي رضات بهذي الحالة والله يرحمها لانهما ماتت ولا مرة حاولت تنصحو ولا توريلو الطريق الح المهم بعد وفاتها عادو الزواج وهذي المرأة لي جابها تبارك الله غيرتلو حياتو 180 درجة صدقيني عاد المسجد مايخرجش منو والله كيفاه منعرف مي لي نعرفو انو هذي المرأة ملتزمة والحمد لله والله هدايتو كانت على يدها والحمد لله العام لي فات دارو عمرة كيف كيف وناويين ان شاء الله على حجة.... يعني يا ختي ابداي من الآن دايما فكريه في صلاتو ونبهيه وتناقشي معها فالمسائل الدينية قوليلي متمنية تكون دزوجي فالدارين متمنية نجتهدو كيف كيف...وان شاء الله يهديه ربي ويرجع للطريق الصواب

[نورالهدى بيولوجيست]

امرك صعب نوعا ما لكن الامر بيدك انت

و واحد ماهو هاني يا اختي ربي يسهل عليك و ييسرلنا امورنا كلنا ان شاءالله

[أم عبد الرحيم يوسف]

أختي الزواج يعني راكي حياتك أكل تكمليها مع الشخص لي خترتيه لازم تكوني على علم اذا كنتي قادرة على المجهود الكبير لي يسناك معاه هو علاه قبل بيك ربما لأخلاقك يعني عندو قابلية باش يتغير وكل هاذ المخاوف لازم تحكي فيها معاه وتعرفي كيفاه راهو يخمم ربي يتمم على خير

[kameljijeli]

السلام عليكم ورحمة الله وبركاته
منذ متى أصبح الرجل الغير متدين إنسان غير صالح للزواج, وحسب بعض المتدخلين فإنه إذا كان لا يصلي فقد لايؤدي حقوق زوجته ويجب الحذر منه و عدم الزواج به , و لكن في الواقع أمر آخر, و الكثير من زوجات المتدينين يعانين المرارة, فلا أظن أن عدم التدين سبب للخوف ورفض الزواج. فالرجل صاحب الخُلقْ الحسن و التربية الجيدة و الفكر المتفتح يمكن أن يكون زوجاً ناجحًا.

[(( هبة الرحمن ))]

السلام عليكم

الموضوع ليس هيّن ، أنت تقولين لا يصلي وسأعالج الأمر ، هل برأيك رجل تعدى الثلاثين ستتحكمين فيه ، لو كان يصلي لانتهى عن الفحشاء والمنكر ، الرشوة ليست حرام فحسب بل هي مبدأ أخلاقي ، الكافر وما أدراك ما الكافر يمقتها ، يعني المشكل ليس في الصلاة بحد ذاتها بل في المبادئ ، أعرف ناس لا يصلون لكن لا يكذبون ولا يرتشون ولا يسرقون - أظن أنك فهمت القصد - هناك من يصلي وفيه كل عيوب الدنيا .
يا أختي عليك بصلاة الاستخارة وحاولي معه قبل الزواج وإذا بقي على حاله لا أنصحك بالمواصلة معه ها ليس زوجا فحسب بل سيكون أب الأولاد .
إذا جاءكم من ترضون دينه وخلقه فزوجوه ) ، عزيزتي النبي صلى الله عليه وسلم لم يحث على الصلاة فقط بل الأخلاق كذلك ، هذا الرجل هناك من تناسبه أما أنت فلا أرى فيك ذلك .

أكثري من الدعاء ، صدقيني ، والله والله أكثر ما يسعد الزوجة الإلتزام والأخلاق لأن ذلك سيظهر في تعامله معك ( لا يكرمهن إلا كريم ولا يهينهن إلا لئيم ) ، الزواج من أجل الزواج فقط تدفعين ثمنه مستقبلا أنت والأولاد ، لو عنده مال قارون لن تسعدي معه.

[امّ اياد]

استخيرى وتاني في اتخاذ القرار

[وفاء2015]

غليكي بصلاة الاستخارة واتركيها لله

[عماد الدين95]

ربي يفرج ان شاء الله

[امونة الامورة]

ان شاء الله ربي يهديه
انت في كل صلاة ادعيلو بالهداية
والله ربي لي خلق مايضيع ادعيلو قد ماقدرتي ووقت ماقعدتي
واهم شيء استخيري ربي