ضاقت بي اعينوني

[مشكلتي]

السلام عليكم ورحمة الله تعالى وبركاته
اخواني انا فتاة غير متزوجة ملتزمة ومحافظة اعمل بادارة لكني اعاني من مشاكل في المكتب الذى عينتو فيه فنحن اربعة مهندسين في مكتب واسع واحد امراتان ورجلان
على الرغم من جديتى في العمل الا انهم اتفقو الثلاث عليا وبقاو يحرجو فيا بكل الطرق درتهم عدو ومازالو يبروفكيو فيا
وقاتلي الزميلة ليى معانا في المكتب نكتبو بيك ونسنييو عليك وتخرجي من المكتب علما ان عدد المكاتب محدود وهدا هو مكتب المهندسين يعني حبيت نبدل مالقيتش وين غير اذا بقيت مهمشة ....وانا مانحبش هد الحالة
المدير جديد وخفت نهدر معاه نظهر انا لي ندير في المشاكل
تحملت بزاف وقلتلهم القافلة تسير وال.........
زادو قواو اكثر راني نحقر فيهم مي صدقوني راني في ضغط كبير مالقتلوش حل
هدرت مع دارنا قالولي احنا اكان ندخلو راح يدي الموضوع ابعاد اخري......
لي عندها ولا عندو فكرة يدبر عليا والله قلبي قريب يحبس من القلقة
الزميلة لي معايا منسكتلهاش مي لخرين رجال نحشم مانقدرش نتقابض معاهم نحقرهم ونقول في قلبي حسبي الله ونعم الوكيل لكن صدقوني راهم حبين يخرجوني ظالمة باي طريقة
انا في انتظار ردكم وان شاء الله من الأحد ناخذ بنصائحكم اخواني وجزاكم الله خيرا

[abdel02]

في الموضوع أجزاء مبهمة...ماهو سبب هذه الحرب الشرسة

[mouslemkhirouni]

باين المشكل فيك كيفاش في 3 يتفاهموا عليك و انتي الملاك يا أختي احكي القصة الكاملة محال يتبلاوك في 3 ولاكان ظالمينك وكلي ربي وخلي يديرو واش يديرو

[ام رضوان]

قولي حسبي الله ونعم الوكيل
وادعي ربي يجعل كيدهم في نحرهم ويكفيك شرهم
بصح اذا كانو ظالمينك.

[fifich]

ان كانت هذه الحرب الشرسة بسبب تدينك وعدم الكلام معهم فتجاهليهم وعندما تدخلي للمكتب ضعي سماعات اذن فيها القران واستمعي لها واكثري من الدعاء الى الله ليرد كيدهم في نحرهم فلن يرد دعاءك مادمت مدافعة عن التزامك

[نسيم الريح ش]

ادعي ربي يبعدهم عليك ويعطيهم حاجى لي تلهيهم في رواحهم

[أنور]

لا حول ولا قوة إلا بالله ، ربي يفرج عليك اختاه

[(( هبة الرحمن ))]

هناك حلقة مفقودة فيما كتبتِ
لماذا الجميع يتآمر عليك ؟
ما سبب التآمر؟
اشرحي أكثر ربما نفيدك.

[** أبو أسيد **]

حبسي هذه الخدمة و الزمي بيتك و الله عز و جل سيعوضك خيرا و يرزقك من حيث لا تحتسبين ...................

[dina16]

فرج الله همك وغمك .

[يسمينة البجائية]

شوفي أنا جزت في نفس الحالة و نقول لك نصيحة مني صلي الاستخارة ركعتين و قبل ما تروحي للخدمة رددي اللهم اني أجعلك في نحورهم و أعوذ بك من شرورهم .. اللهم اني أعوذ بك من الهم و الحزن و العجز و الكسل و البخل و الجبن و ضلع الدين و غلبة الرجال
اللهم اكفنيهم بما شئت . حسبي الله و نعم و الوكيل و لا اله لا انت سبحانك اني كنت من الظالمين . و شوفي و الله العلي العظيم ما يصرا لك واااالووو و ما تحقريش و تصغري الدعاء يقدر يدير معجزات . و انا خرجت من هذه الأزمة كيما انتي بالدعاء و صلاة الاستخارة .
أيا ربي يعاونك و يوفقك و يعينك و يحميك من الظلم

[يونس معبدي]

وعليكم السلام ورحمة الله

فنحن اربعة مهندسين في مكتب واسع واحد امراتان ورجلان

اعتقد ان زميلتك هي من تحرض البقية عنك
الكل يعلم كيد النساء ..
المشكل ليس فيها او فيك بل في الرجال اللي معاك في المكتب
خسارة فيهم كلمة رجال
ربي يفتح عليك

[مشاعر صامتة]

أنا نقولك الزمي الصمت وقومي بعملك وحتى هاد المهندسة اللي معاك ماترديش عليها
عندنا حالمثل يقول الكلب يعيا ينبح وكي مايلقاش اللي يرد عليه يسكت
اخدمي شغلك وماتردي حتى على واحد
وربي يكون في عونك