ادخلو تتعرفو على زوليخه ....سطايفيه

[stayfiya]

السلام عليكم و رحمة الله

اليوم حبيت نعرفكم على مانكاني الجديده المتتبعات
لقدم لورشاتي يعرف المكان تاعي باسم زوليخه
و هاي ليكم

شريتها ب 1600دج ميا و ستين نلف
مليح كل وحده فيناتحب لخياطه و تحب تجمع كامل لوازم لخياطه و خاصة اذا كانت تخيط للناس
تكون عندها مانكان تساعدها في الخياطه لانو راح تبرز كامل عيوب التفصيل و الخياطه و نتي
تلحقي تصلحيها على المانكان
كان عندي اشكال انو لاطاي تاع المانكان هاذي لا يتوافق مع كامل القياسات
ايا شفت في النت وحد المانكان بالمقاسات يعني بامكاني تغيير المقاسات
على حسب الشخص المراد نغير كامل القياسات غير الذراع طبعا
و كانت معايا ختي و كي روحت كومونداتهالي ربي يحفظها و بعثتهالي من المانيا
كانت هديه غير متوقعه و عجبتني
هاذا الباط تاعها لي تحب تشوف


انا والله ماعلابالي واشمن موقع شراتها منو
اسمها /mannequin reglable و بالوان متعدده
هذا شكلها

لقفالي لي راكم تشوفو فيهم منهم نقدرو نغيرو المقاسات ب تدوير الزر مثل عقارب الساعه




كيما تلاحظو مكتوب فيهم قيس الدوران و نتي تفتحي قدما تحبي

كاين في كل دوران زر من كل الجوانب
و حتى الرقبه تتغير

و كذلك ارتفاع الخصر

و بامكاننا تعديلها حسب طول الشخص و كالارقام من اسفل لاعلى توضح ارتفاع الفتحه او الفستان على الارض

اما الارقام لي فوق تحدد طول الفستان
و هذا القطعة الزائده تحكم ذيل الفستان و منها نقدر نحدد عرض الكفه بالسنتمتر و الانش

و هنا راني صورتلكم الضراير في زوج زوليخه واحد و اثنين ههههه

نتمنى يكون الموضوع عجبكم و استفدتو منو. ان شاء الله
سلام و دعواتكم