اختي المعقدة

[مشكلتي]

السلام عليكم اخوتي انا في حيرة شديدة
اختي الكبرى متزوجة و في صغرها كان ابي يضربها بسبب الدراسة ضربا ربما اقول عنه عنيفا اما انا فقد كنت مجتهدة و لم اضرب ابدا
المهم لما زادت عندها بنت ورجعت في عمرها عامين رجعت تبكيها ببعض التصرفات مثلا تقوللها روحي مراكيش بنتي بدون سبب و البنت تبكي بشدة قلتلها الف مرة ادا كان عندك عقد نفسية متديريش قدامي للطفلة هكا
المهم انا بنتها تحبني كثيرا لانني نديرلها ايها و نحبها مثل ابنتي في احد المرات شفت يدها مكوي قلتلها واش هدا قالتلي ماما حرقتني خاطر درت القباحة
و لكن المرة الاخيرة قلبي انشق جات بنتها وحد المرة الدموع في عينيها و مرعوبة و انا كينضت نبدلها الحوايج لقيت فخدها كامل ازرق و مجروح شكيت في الامر قلتلها واشبيك قالتي طحت مامنتش رحت لعند اختي قلتلها واشبيها بنتك قالتلي زعفتني لقيت وحي شديتها و خبشتها
مي و الله يا جماعة هديك مش ضربة عادية تقول عدبتها
و المشكل ماشي غير في الضرب الطفلة تعلمت الكدب تضربها و تقوللها قولي للناس اني طحت اني كدا اني كدا
يا ناس الخير انا مقدرتش نتحمل كرهت اختي و فاقتلي بلي وليت نعاملها معاملة اخرى و قلت بالاك نخبر بابا ينصحها بطريقة غير مباشرة

قولولي يا ناس هادي وحشية و لا تربية و شكون فيكم اللي اه يد هكا؟؟؟؟؟
اللرسول عليه الصلاة و السلام ووصاني بضب الاولاد على الصلاة عشرا و ما ادراك ما الصلاة فما بالك التصرفات الطائشة؟