الرضيع و شرب الماء

[كريمة عمر]

[SIZE="7"]

السلام عليكم ،انا ام لاول مرة وبنتي عندها ثمانية اشهر و هي ترفض باه تشرب الماء نتحايل عليها ،احيانا نديرلو شوي سكر و لكن ماتشربش قاع مليح الماء ،فهل من نصائح او حلول و شكر

[/SIZE]ا.

[ميمي2012]

أنا كذلك عندي نفس المشكل مع رضيعي
يا ريت الأخوات الي عندهم الحل يسعدونا

[رحيق البنفسج]

وانا ايضا اعاني من هذه المشكلة اين الحل

[ounissinauha]

أعاني من هذا المشكل مع إبنتي منذ الولادة إلى حد الآن لكن أختي لا تخافي أعمليلها حيل ضعي لها الماء في الكؤوس ألي فيه مثلا رسوم لحيوانات وقوليلها هذا القط يقول لكي أشربي ولمى تشرب قومي بالتصفيق لها وفي الليل أعملي لها تيزانة فيها شوية سكر ترقد عليه أعطيها العصائر الطبيعية ألي أضفتيلها الماء باش ما يحكمهاش الإمساك وربي يشفيها
ويشفي بنتي من الإمساك

[ام نهوله]

انا بنتي كي كنت نرضعها من صدري فقط لمده 5اشهر و نصف ما كنتش نمدلها الماء و هدا راي الطبيب و كي بديتلها الماكله نديرلها الماء في البيبرون

[النجمة القطبية]

شوفي يا اختى اذا كانت ابتك ترضع رضاعة طبيعية يعني صدرك فلا تقلقي الماء غيرضروري لان حليب الام فيه كل الضروريات للنمو الاشهر الاولى
اما اذا كانت ترضع رضاعة اصطناعية فالماء ضروري ولازم تشربو في هذه الحالة خيريلها الوقت مثلا لما تكون جيعانة اعطيها ويكفي كميات صغيرة متسيفيش عليها خاصة اذا كانت صغيرة

[kikimnarim2]

كيما قالت الاخت النجمة القطبية جوعيها واعطيها الماء ضروري في هذا السن حتى ولو كانت ترضع في صدرك راهي كبيرة وتحتاج اكثر

[ايهان]

اختي كما قالت الاخت كي تولي جيعانة شربيها او بعد الاكل مباشرة واياك ووضع السكر في الماء لن تشربه مرة اخرى وبدونه
انا اطفالي كي يكونوا صغار يرفضوا الماء نعوضه بتيزانة وكي يوليوا ياكلوا نوكلهم ونعطيهم الماء مباشرة
ربي معاك

[walid46]

الماء مليح لازم خاصة في الصيف

[walid46]

انا بنتي في شتاء كنت نعطيها القليل من الماء و التيزانة لكن من بعد كي اصبحت تاكل اصبحت تشر ب الماء عادي خاصة ضرك سخانة نتاع الصيف لازم الماء