مشكلتي

[مشكلتي]

السلام عليكم
في العام الماضي مثل هذا الوقت عرفتي صديقتي على قريبها الذي يريد الزواج على أساس أنه يريد بنت لم تخالط الرجال ولا تكون معهم صداقة الشروط التي وجدتها فيا قريبته بحكم دراستها معي طويلااا المهم بعد تعرف وعدم وجود أي خلاف وكونه يخدم خارج الولاية تعرفنا عن طريق الفايس وحالنهار قالي أنا جايي وحاب نشوفك قبل مانجي لدار قولتوا انا مراياحش تحرجني لو ترفض إيجي لدار برؤية شرعية وعادي إذا متفقناش نورمال ربي يسهل على كل واحد هو قالي نحشم ووو المهم قلت لقريبتوا تحدد الموعد وتجي معاه ولا معايي قالتلي مشغولة !! بطبيعة الحال رايحا نرفض أنا ماشي عمري كامل جامي خرجت مع رجال ومبعد فالأخير فالجامعة رايحا نخرج مع واحد منعرفوش شكون رايح يضمنلي بلي الإنسان لي هدرت معاه هو نفسه على حقيقته ووو مبعد جبت أنا روحي وزعفوا لزوج مني
هل أطلب منوا السماح أو لا خايفة تتعاود لحكاية ولا يقولو راجعا ولا اي حاجة
الحكاية مختصرةلأني كتبتها بتفاصيلها ولما ديرت إعتمد الموضوع راح كل شي كعاودتها إختصرت

[عبدالقادر100]

السلام عليكم
اختي كما قلتي يجي لدلر ودير رئية شرعية
لا يخلون رجل بامرأة إلا ومعها ذو محرم
وارضي الله هذا الصح
أخرج الترمذي في الزهد عن رجل من أهل المدينة قال: كتب معاوية رضي الله عنه إلى عائشة رضي الله عنها أن اكتبي لي كتابا توصيني فيه ولا تكثري علي، فبعثت عائشة رضي الله عنها إلى معاوية: سلام الله عليك أما بعد فإني سمعت رسول الله صلى الله عليه وسلم يقول: ((من التمس رضا الله بسخط الناس كفاه الله مؤونة الناس، ومن التمس رضا الناس بسخط الله وكله الله إلى الناس)) والسلام عليك [والحديث إسناده صحيح]. وفي رواية لإبن حبان: ((من أرضى الله بسخط الناس كفاه الله، ومن أسخط الله برضى الناس وكله الله إلى الناس)) [وسنده صحيح أيضا، والحديث ذكره الشيخ الألباني في حديث الجامع الصغير السيوطي وقال عنه الشيخان شعيب وعبد القادر الأرناؤوط في تحقيقهما لزاد المعاد: إسناده صحيح]. وقوله عليه الصلاة والسلام: ((من التمس رضا الناس)) التمس يعني: طلب، وقوله عليه الصلاة والسلام (كفاه الله مؤونة الناس) المؤونة التبعية والمقصود كفاه الله تعالى شر الناس وأذاهم.

[ghosousou]

لو كان يريد الحلال سوف ياتي للبيت و يتناقش مع اهلك و ارجوا لك حياتا طيبة ومستقبلا مزهرا و زوجا راءعا و شكرا على قراءتك تعليقي

[صمت الرجوله]

المشاركة الأصلية كتبت بواسطة مشكلتي

السلام عليكم
في العام الماضي مثل هذا الوقت عرفتي صديقتي على قريبها الذي يريد الزواج على أساس أنه يريد بنت لم تخالط الرجال ولا تكون معهم صداقة الشروط التي وجدتها فيا قريبته بحكم دراستها معي طويلااا المهم بعد تعرف وعدم وجود أي خلاف وكونه يخدم خارج الولاية تعرفنا عن طريق الفايس وحالنهار قالي أنا جايي وحاب نشوفك قبل مانجي لدار قولتوا انا مراياحش تحرجني لو ترفض إيجي لدار برؤية شرعية وعادي إذا متفقناش نورمال ربي يسهل على كل واحد هو قالي نحشم ووو المهم قلت لقريبتوا تحدد الموعد وتجي معاه ولا معايي قالتلي مشغولة !! بطبيعة الحال رايحا نرفض أنا ماشي عمري كامل جامي خرجت مع رجال ومبعد فالأخير فالجامعة رايحا نخرج مع واحد منعرفوش شكون رايح يضمنلي بلي الإنسان لي هدرت معاه هو نفسه على حقيقته ووو مبعد جبت أنا روحي وزعفوا لزوج مني
هل أطلب منوا السماح أو لا خايفة تتعاود لحكاية ولا يقولو راجعا ولا اي حاجة
الحكاية مختصرةلأني كتبتها بتفاصيلها ولما ديرت إعتمد الموضوع راح كل شي كعاودتها إختصرت

علاه تطلبي منو السماح و الحق راه معاك ...تمسكي بالمبادئ نتاعك اختي و ربي يبارك فيك على هاذ التفكير الطيب...بنات جيجل مازال فيهم الخير

[سلسبيل88]

لو كان يريد الحلال سوف ياتي للبيت و يتناقش مع اهلك و ارجوا لك حياتا طيبة ومستقبلا مزهرا و زوجا راءعا و شكرا على قراءتك تعليقي

[mino 19]

والله اختي احسن ما عملتي
وهكا تزيدي تكبرى فى عيونو

[محمد جديدي التبسي]

حتى حديثك معه في الفايس لا ينبغي أختاه
انت على حق ومن حقك تجبدي روحك لذلك لا تشغلي بالك وواصلي على أخلاقك ربي يثبتك ويعوضك بزوج صالح

[amine009]

لاا الأخت هذا شرفك كيما قلتي حياتك كامل جامي مشيتي معا واحد يجي هوا يفسدهالك ... تخرجي معاه مره عاود يقولك أيا نعاودوها و هــكا حتى تولي فالحراام ... و ماذا لـو تخرجي معاه قالشارع و يشوفك احد المعارف ولا جيران تولي ذات سمعه سيئة .... الحمد لله انت فتاة عاقل و رفضتي و حتى كون تجي معاك صديقتك و ارفضي ... قوليله باب الدار راه معرووف و تمسكي برئيك و الله يثبتك و الحمد لله كـاين فتيات كيفك و شكراا

[حياتي نبع امل]

نورمالمون متهدريش معاه اصلا ،تتفاهمى مع اللي عرفاتك عليه وتحددو موعد الرؤية وتكون هى واسطة بيناتكم بحكم هى قريبتو
المهم لوكان جا صح ناوى الحلال يجيك للدار ما يطلبش منك تخرجى معاه،وممكن راه يجرب فيك ،وممكن يقولك انا نحوس على وحدة ماتهدرش مع الرجال ف الفايس

[first first]

انت لم تخطئ وقرارك يستوجب من يقبل راسك..... وتتاسفي لا..... ممكن تبرري اذا طلب منك التبرير واذا زعفو والله زعفهم يقلل من شانهم لا من شانك. ويستوجب ان يقدمو لك مبرارت لزعفهم انت لم تطلبي منكرا.
الله يجازيك ويغنيك بفضله

[imiouss]

متقلقيش روحك اختي درت الصواب

[houssem zizou]

إعلمي يا اختي أنك درتي الصواب عندما وضعتيه عند حدوا و لم تريدي أن تقابليه
و هدرتك صحيحة عندما قلت له تعال غلى الرؤيا الشرعية
قالك نحشم لا اظن ذلك إنما أظن أنه يتهرب و لا ينوي الزواج بعد و الله أعلم
و هذا هو ما أباحه له الشرع = الرؤية الشرعية
انا في رايي ما تزيديش ترجعيلو غلا إذا جا لرؤيا الشرعية طول
و الله اعلم

[houssem zizou]

المشاركة الأصلية كتبت بواسطة aymen01

يحشم يجي للدار و مايحشمش يخرج برا

زيد وعلاه انت تهدري معاه تشكري في روحك و انت تهدري و تتعرفي بالرجال

جزاك الله خيرا
رأيك منطقي و سديد

[fati_zohraa]

السلام عليكم

[الصديق قروف]

كي لقاك مليحة راح يفسدك حتى انتي