الطريق الي جامعة الجزائر 2

[hichamejsk3]

السلام عليك ورحة الله وبركاته
لدي استفسار عن الطريق المختصرة للوصول الي جامعة الجزائر 2 بوزريعة انطلاقا من محطة الخروبة وذلك باستعمال الحافلة
وشكرااا

[همسات ايمانية]

السلام عليكم
من خروبة تاخذ حافلة الى محطة تافورة ومن تافورة تركب حافلة الشراقة او اي حافلة تمر من شوفاليي تنزل في شوفاليي وهناك عدة حافلات ياخذنوك لجامعة بوزريعة اسال فقط عن ذلك او ممكن تصعد الطريق مشيا هي طويلة نوعا ما لكن الافضل الحافلة
هناك طرق اخرى منها حافلات لا راستيا لكن هذه اسهل خصوصا للذي لا يعرف العاصمة
ممكن الاخوة يفيدوك بطرق اخرى

[ouissamak]

السلام عليكم
بامكانك اخي التنقل حتى محطة تافورة ثم تحكم الشراقة تحبس في شوفالي وتطلع للجامعة
ايضت هناك حافلات النقل الحضري من خروبة الى بن عكنون ادا ماحبسوهاش احكمها ومن بن عكنون احكم بوزريعة تجيك اسهل لان تاع الشراقة تتعمر وتجوز على باب الواد وااسيركولاصيون

[عبد الرحمان 1111]

كيما قالوا الإخوة تروح من خروبة لتافورة ... و تركب في تاع الشراقة . بصح الحافلة تع تافورة الشراقة يطولوا بزاف . و يمشوا بلعقل تكره حياتك
.
تقدر من تافورة تطلع للبريد المركزي تمشي على رجليك حوالي 5 دقائق و تركب في تاع الدولة راستيا etusa اللي تدي لبن عكنون و انزل في الابيار . اومبعد اطلع في تع لبيار بوزريعة و التي تمر امام الطريق المؤدي للجامعة
.
مي اذا لقيت في خروبة تاع بن عكنون هي أحسن . اطلع فيها اومبعد بدل .... واذا مالقيتش خذ أحد الطرق السابقة

[hichamejsk3]

شكرا جزيلا لجميع الاخوة علي المساعدة
بارك الله فيكم

[x.watik]

كاين حافلات نقل الطلبة من تافورة الى بوزريعة اظنها افضل من حافلات الشراقة اللي تريح ساعة باش ديماري من تافورة

[همسات ايمانية]

المشاركة الأصلية كتبت بواسطة x.watik

كاين حافلات نقل الطلبة من تافورة الى بوزريعة اظنها افضل من حافلات الشراقة اللي تريح ساعة باش ديماري من تافورة

فعلا اخي لكن حافلات نقل الطلبة متوقفة حاليا فنحن في عطلة ولا تبدا العمل الا في اواخر سبتمبر وربما الاخ السائل سيذهب الى بوزريعة لامور عدة قبل الدخول المدرسي