استاذي الفاضل

[abir mimi]

سلام عليكم ورحمة الله وبركاته انا نعرف انو واحد مارح يعجبو كلامي لكن هده هي الحقيقة المرة.عار على استاذ باحث مايكتبش مقالات علمية ويعلقها في الجامعات وفي مقابل ذالك نجده يلهث مثل .... من اجل كتابة مقالة في مجلة اجنبية لماذا ؟ المفروض انو الاستاذ الباحث بعد مايبدا في تحضير الدكتورة حتى يكملها يبقى يبحث وكل مرة مقالة جديدة في الاخصاص ديالو ماننكرش كاين 5 اساتذة او 6 يارك الله فيهم قمة وكل مرة مؤلفات جديدة ومنهم محمد الصغير بعلي في جامعة عنابة لكن حبيت نسأل فقط الاساتذة المحاضرين لي يلومو الطلبة كي مايحضروش للمحاضرات ديالهم نقولو شئ فقط انت سبب الانحطاك لي راهي عايشاتو الجامعة الجزائرية تعرف علاش لانو الطالب مايديرش الثقة في واحد يقرا من كتاب اجنبي ومايقدرش يحضر لاستاذ مايقدرش حتى يقدم درس بلا مايشوف في الورقة هل هذا هو الباحث .؟حنا مانحترموش استاذ يتكبر لانو الحمدلله الوالدة ديالي بروفيسور برتبة عقيد في المستشفى العسكري معناتو لخر احد والديه باحث ادا رانا عايشين في محيط علمي كبير حنا مانحترموش استاذ عندما يسألو طالب ومايلقاش الاجابة يولي يبهدلو ولا يقولو مزالت صغير على هدا الشئ عادي دكتور مايعنيش انك تعرف كل شئ لكن لازم تبحث باش تجاوب الطالب ماشي تبهدلو حنا مانحترموش الاساتذة لي يكلونا حقنا وعندما تهدر معاه يبدا يشتم حنا مانحترموش اساتذة يحكو غير مع بن فلان وفلان والطالب البسيط يحقروه هده النقاط طرحتها في مجلس اقسام مع ممثلي الافواج في اجتماع حضرته عمبدة الكلية و6 اساتذة تعرف واش كان رد فعل ديالهم حرقوني في التنقيط لكن حبيت نبين بلي اغلب الاساتذة ماعندهمش مبادئ والدليل واحد عطالي 2 في مادة ديالو طلبت تتصحح ورقتي عند استاذ اخر مدلي 3 قالي ماتتحدايش استاذ وانا قوتلو ماتتحداش طالبة تطلب في حقها استغليت النفوذ ديالي وتعاودت الورقة تصحت وهو لي مدلي 17 وماشي طماعة فيه هدا حقي علاش يخضع للنفوذ لي كتر منو ياك صاحب مبدا ولا تخاف عل بلاصتك خلاصة القول الحقرة ماشي مليحة وانا مع تعزيز الثقة بين الطالب والاستاذ انا مستعدة ناقش اي باحث ومهما كانت مرتبته العلمية بصفتي طالبة باحثة فقط لاني مزال مالحقتش لهديك المرتبة.لماذا عندما تكونو تحكو كل واحد يبان ويحكي على اساس مبادئ ديالو لكن في كي تكون في الصح والمطلحة كل واحد يولي يقول نفسي نفسي