مساعدة

[Narimène 09]

مرحبا انا كنت العام اللي فات طالبة بكالوريا ورسبت سجلت في جامعة التكوين المتواصل وعندي فرصة للعودة الى الليسي بصح انا مانيش حابة نضيع وقتي في الليسي حابة ندير حاجة اخرى خير من الليسي اللي نقعد فيه من 7 حتى 12 ومن 13 حتى 18 بلا فايدة المهم اذا ممكن تعطوني نصيحة لوجه الله
وبالنسبة لجامعة التكوين المتواصل ممكن تخبروني مامعنى القسم التحضيري واش نقرا فيه لاني ماني فاهمة والو في هاذ الجامعة واذا ممكن تخبروني هل هو معترف بيه ام لا واذا ممكن تقولولي اذا نقدر ندخل بيه للجامعة كيفي كيما النظامي او لالالالالالا
او اسجل بالمراسلة افضل من جامعة التكوين المتواصل ساعدوني بليز واسفة على كثرة اسئلتي ولكني حايرة واش ندير
اذا كاين حاجة يديروها بلا ما نكون رابحة الباك خبروني

[شكيب عمار]

جامعة التكوين المتواصل شهادتها معترف بها في الوظيف العمومي، مثلا قانون أعمال وتسيير عمومي،
من لديه البكالوريا يسجل مباشرة سنة أولى جامعة تكوين متواصل في إحدى الشعب المتوفرة في الجامعة، وعن طريق التسجيل الأولى في موقع النت https://gesco.ufc.dz/ ، وحذاري لا يفوت عليك الوقت في التسجيل
أما من ليس لديه بكالوريا فيسجل تحضيري، يعني يعيد السنة الثالثة ثانوي لكن في الجامعة، ويوجد علمي، أدبي، ومحاسبة..
في آخر السنة يوجد امتحان الدخول إلى جامعة التكوين المتواصل وهو يعادل بكالوريا، يعني تقدر تتوظف به رتبة عون رئيسي للإدارة، فإذا نجحتي تسجلين سنة أولى حسب الشعب المتوفرة لدى الجامعة وتختلف منها من هو عن بعد ومنها ما هو حضوري.
والآن فتحت التسجيلات في مراكز التكوين المهني، يعني إذا كنت قادرت على الدراسة في أكثر من جهة في نفس الوقت، فهناك تخصصات كثيرة. www.mfep.gov.dz/
اختاري ولايتك وحملي تخصصات2015 وأنظري
وهناك أيضا تخصصات المدارس الخاصة المعترف بها مثلا تسيير موارد بشرية، تقني سامي،، تعادل رتبة ملحق رئيسي للإدارة في الوظيف العمومي.
وتعيدين الدراسة ثالث ثانوي نظامي مرة أخرى
هذا والخيار لك وحظ موفق

[Narimène 09]

شكرا لك استاذ على الافادة والله غي فرحت كي جاوبتني لاني ماكنتش فاهمة والو ربي يفرحك كيما فرحتني

[رابح بوسعادي]

بارك الله فيه وفيت وكفيت

[شكيب عمار]

وفيكم بارك الله، سرنا مساعدتكم. وعجلوا بالتسجيل قبل فوات الوقت.