يا رب نموت

[مشكلتي]

السلام عليكم
حياتي سوداء اريد الموت لن اقول انني لست مخطئة في حكايتي لكني احس انني مظلومة
عندي عام زواج و تحصلت على طلقتين من اجل سببين تافهين
زوجي متعلق كثيرا باهله لدرجة انه ياكل عندهم اكثر ما ياكل عندي بسبب اننب لا اعرف اطهو مثل امه
في البداية صدمت من هته البداية الغريبة لزواجي لكني تعودت في الاخير
اول مرة تركت بيتي لزيارة اهلي رجعت وجدت التلفاز و الديمو قد اخذهم لبيت اهله ,لان ليس لديهم تلفاز ثاني و ان الذكرو لا يجعلون الاناث يتفرجون
انزعجت لكن لم اظهر
المرة الثانية كي رحت لبيت اهلي وجدت الطابعة قد اخذها ايضا و لكن رجعها للبيت
المرة الثالثة كي خرجت من الدار وجدت بعض ذهبي ناقص لكني لم اتهم احج لانو جيت مع اهلي فممكن الي اخذو يكون من اهلي كيما يكون من اهلو ,بكيت و وكلت ربي و هو اتهمني بانني ندير في المشكاكل و ابو زوجي رجع لزوجي نسخة المفتاح الي كانت ندو و قالو راها تسرق فينا
لا عليما وليت ي نخرج دايما ندي ذهبي معايا
المرة الي بعدها الثلاجة ملقيتهاش لانو ثلاجتهم رقت و رجعها كي جيت
المرة الي بعدا كان اشترا تلفاز و ديمو ,لقيتو دا ديمو لدارهم و كان راح يرجع فيه
انا ها الغلطة الي درتها و انفجرت و قوتلو انا عمري ما شفت راجل كيما انت
طلقني الطلقة الاولى
اللان نحكيلكم علا شكل الحيا الي كنا عايشينها قبل طلاقي
زوجي يصرف عليا من ناحية الاكل و الحمد الله لكن اهتمام ل يوجد
يشوفني مريضة مايدينيش للطبيبة حتان دارنا يدوني و يخلصو عليا
ماكاش رحمة في قلبو و كون نقول برك عييت يقولي مش هادي الحياة الي كنت نحلم بيها
واش يصرا بيناتنا عد دارهم
لدرجة انو اختو تتصب بيه كل دقيقة واش كليتو وش شربتو واش راكم ديرو
و كل ما تتصل بيا و مانردش تروح تقةلها لزوج تقولو راها ماردتش عليا راه تلفونها اوكيبي راها ماهيش تجينا
المهم دايرتني بن عينيها ويجي راجلي يقولي علاش ماهزيتيش عليها و انتي متكبرة
انا مرات نكون نايمة في القايلة و ندير تليفوني صامت
المهم هاذي كانت طلقتي الاولى
بعد طلقتي هاذي اهلي قالولي اعفسي علا روحك و رضيهم باش ترضي زوجك
درت بالنصيحة و ليت نروح جايما و نرد علا ختو نوض من نوم و رد و نتحمل كل تقرعيجهم و انو زوجي يحكيلهم كلش
حتان في رمضان جات العايلة الكبيرة كاملة و انا رحت فرحانة و نعاون و نحط و نضحك حتا ن نتفاجء بعجوزي بدات تهاجم فيا قدام الضياف و انتي ما تضنيش (مع العلم انو العيب في زوجي و هما عارفين لكن حبت تهاجمني باش مي يقولوش بلي هو)
انا خرجت نبكي و حلفت ما نزيد نروح صارحت زوجي و طبعا قالي انتي تاع مشاكل
انا اعصابي تعبت في هداك الوقت رحت لبيت اهلي و رجعت بدون علم زوجي و هو دخل للدار يتكلم في التلفون مع اختو و كان يقولها
انا عارف مرتي هي تاع المشاكل و مرتي مسخة و لاهية غير بالانترنت لا تنقية لا طياب
انا تصدمت و كي شافني تلعثم انا ما قلت والو خليتو حتان خرج و قعدت نبكي نبكي
امبعد عيطت لاخت زوجي و قتلها وشنو الي كنتو تحكو فيا عليا
هي طول كوبات و عيطت لراجلي بيعتني و عاودتلي و قاتلي دوكا يجي يتفاهم معاك
كي جا بهدلني قوتلو اديني نتقابل معاها الا كنت انا قلتلها كلمة شينة
المهم داروني بلي انا تاع مشاكل و صرا فيا العجب مرضت و انهرت
لا علينا بقيت زعفانة و مشنفة ايامات و في هادوك الايامات وليت نظف بيتي اكثر من لازم و ليت لا نتفرج و لا نشعل تلفاز لا في حضورو و لا في غيابو
لا انترنت و لا اي حاجة حتان نهار تكابشنا و قعد يقولي بسيف تهبطي في الارض و تنظفي الارضية انا قونلو انا نظف بالمنشفة و الجفاف و نفس المفعول قالي بسيف تركعي في الارض ماكيش خير من امي و امي دير هاك
حاب يقهر فيا كلمة مني و كلمة مني قالي راكي طالق للمرة الثانية
ندم في نفس اللحظة و رجعني و انا زدت انهرت اكثر و اكثر
لا علينا انا لاحظت اني دايما كي نكون غايبة يجو للدار اخر مرة زعما جاو دوشو و كانت داري شوية مغبرة و علا اثر تعليقهم علا نقايا قلت لاخت زوجي تمنيت نكون حاضرة باش نقون بكم و تصيبو الدار نقية
و هي طبعا بيعتني لزوجي كالعادة
زوجي جا حكمني و كبرت الحكاية و شيخي حرمني من دارو و قالو هادي تاع مشاكل
و زوجي قالي ماعندكش خاطر عندي و انا نكرهك و انتي سبتي اني نانجيبش ولاد لاني مانيش سعيد معاك
انا الان في بيت اهلي ماحبش يجي يديني
و كي عيطتلو باش نعتذر ماحبش يتقبل اعتذاراتي لا هو و لا اهلو
واش ندير؟

[حياتي نبع امل]

انا نقول ياربي وتقوم الساعة خاطر صح الدنيا راهي تمشي بالمقلوب والله المستعان
راني مشتاقة للاخرة باه يخلاص الكبد والنكد
المهم اختي الله يفرج عليك .ولازم كبار العايلة يدخلو ف الموضوع ويديرو حل لهاذ المهزلة .الله يفرج عليك ماتنسايش الدعاء والاستغفار

[zina flower]

ياختي وعلاش تعتاذري منو علاه وش درتيلو هاذ الظلم كامل ومازالك تحاولي فيه اسمحلي بصح كي كنت نقرا في قصتك والله غير قستيني زوجك واهلو ماعندهمش الرحمة وزيدي ديري في بالك راهي مازالتلك طلقة وحدة وتحرم عليه يعني اذا حابة تولي ليه فهميه في هاذ النقطة ملييييح ربي معاك

[زهرة الحديقة]

ااااااه يا اختي واللله انا نقرا في مشكلتك وجعتيلي قلبي و لا تهيني نفسك اكثر لا تعتدري واحمدي ربي ماعندكش لولاد ولكان كتب ربي وليتي فهميه مليح بلي اكي محرمة عليه بعد الطلقة الثالثة وكثري من الصلاة وترجاي ربي يفرج عليك ويزيل عنك الهم في عوض ما قاعدا تترجاي في واحد انسان زيك زيو وزيد حقير وضالم ربي يفرج عليك

[nafla]

ربي يفرج عليك أختي والله لحياة لي راكي فيها صعيبة بزاف وزوجك و اهلو ميخافوش ربي وًمعندهومش الرحمة ربي يهدي من خلق وأنتي لي عليك صلي وادعي لي فيها لخير ان شاء الله ووكلي عليهم ربي وأكيد ربي سبحانه يستجيب لدعائك ان شاء الله

[~رآقية بأخلآقي~]

لا حول ولا قوة الا بالله..

لماذا أنتِ صابرة معه كل هذا الحد؟؟

ربي يفرج عليك يارب

[قدوتي رسولي]

ربي يهدي زوجك
وربي يخفف عليك

[رَكان]

السلام عليكم ...
فضيع ما تحكينه يا سيده ..كان لي الكثير من التدخلات فيم يشبه حالتك ..
استنادا ووقفا على ما جاء في تدخلك سوف أختصر قولي ...
حياتك في بيت أهلك بكرامتك ..خير من حياة القهر والذل ..مع رجل لايقيم وزنا لعظمة الرابطة الزوجيه ..وإن كان لديك القدرة على تحمل الوضع فاعتذري عن ذنوب لم تقترفيها ...

[قدوتي رسولي]

صدقيني انت تستمتعين بدور الضحية
لماذا كل هذا الذل يااختي
واش عاجبك في المعيشة هاذي
صح ابغض الحلال عند الله الطلاق
ولكن هو مش مقدر قيمتك وعند اول مشكلة يطلقك
تطلقي ضرك بلا اولاد احسن من تطلقي بواحد وتيتمي ولدك
وربي يفرج عليك

[زينة نور]

المشاركة الأصلية كتبت بواسطة رَكان

السلام عليكم ...
فضيع ما تحكينه يا سيده ..كان لي الكثير من التدخلات فيم يشبه حالتك ..
استنادا ووقفا على ما جاء في تدخلك سوف أختصر قولي ...
حياتك في بيت أهلك بكرامتك ..خير من حياة القهر والذل ..مع رجل لايقيم وزنا لعظمة الرابطة الزوجيه ..وإن كان لديك القدرة على تحمل الوضع فاعتذري عن ذنوب لم تقترفيها ...

تعرفو نقرا في القصة ونخمم واش راح يكون رد الرحال على القصة وفي نفس الةقت نقول في نفسي دار باباها خير واش بيها راضية الذل هذا كامل وفرحت كي مكانش اولاد لأنهم مستحيل رايحين يقدرو يربيوهم في هاذ الوسط
سبحان الله ................بورك فيك اخي على هذا الرد
اختي نصيحة مني الدعاء ثم الدعاءتاكدي انه لن يصيبنا الا ماكتب الله لنا خلي ثقتك في ربي كبيرة وستفرج ان شاء الله
سلام

[ddalal]

الله يصبرك

[Napia]

rabbi y3inek okhti
hada mach 3Abde!

[بنت لبحر]

صراحة ربي يكون في عونك و زوجك باين فيه ميحملكش


وكلمة انت طالق ساهلة في فم راجلك اكيد على اتفه حاجة رايح يزيد يقولهالك للمرى الثاثلة والي مفيهاش رجعة


مناش نقولوك اطلقي

انا نقولك ربي يكون في عونك سنة زواج وصاري فيك هكا

[محمد جديدي التبسي]

من كلامك وطريقة سردك اتضح لي انك تهتمين كثيرا بأشياء لا معنى لها طابعة وديمو وتلفاز ؟؟!!!!
يعني هاذي أشياء ديري منها مشكل؟
ربما كان عليك أن تكوني أكثر نضجا وتعاملي زوجك بذكاء وحنكة وتحسسيه انك واعية وناضجة
المشاكل مع أخته واستفزازها المتكرر لك أمر موجود في أغلب الزيجات يعني كان عليك أن تعرفي كيف تتعاملي معها وتخلي عندك هيبة وقيمة أمام أهل زوجك دون أن يقال عنك متكبرة
كان عليك أن تضعي حدودا من البداية والله أعلم
خلاصة الموضوع الحياة صعبة في اساسها ونزيدها صعوبة باختياراتنا السيئة وتعاملنا السلبي مع ظروفها
ربي يفتح عليك

[الجواهر]

اسمحيلي انت قلت بانك سمعت زوجك في التلفون مع اخته خليتيه و رحت تعيطي على اختو ؟؟ علاااااااااااااه
واجهيه هو علاه هي
قالك سيقي بالنشافة معليش نسيق هذيك المرة و امباعد نرجع نسيق كيما كي يكون برا
لا اريد ان اتحدث كثيرا و لكن
ان اردت استمرار زواجك عليك ان تكوني اكثر ذكاء و تسايري زوجك حتى يلين و يتغير
ربي يسترك