مثلجات الفلان و الشانتيي من مطبخي

[ام مؤمن]

السلام عليكم

هذا اول موضوع لي في هذا القسم و ان شاء الله ينال اعجابكم

مثلجاث بالفلان و الشانتيي



مثلجاث خفيفة ظريفة و منعشة تناسب الضيوف



















المقادير

مقادير الوصفة اقتصادية جدا و متوفرة في كل بيت

كاس حليب بارد

كيس 100 غ فلان ذوق شوكولا او اي ذوق مفضل

كيس كريمة شونتيي 50 غ انا تاعي فيه 52 غ

2 ملاعق اكل كبار لحظة

هذا ماكان

هذه المقادير عملتلي 3 اكواب و انا ضاعفت الكمية باش تحصلت على 6 اكواب

ملاحظة

ممكن نضيف مع المقادير ملعقة اكل شيكولة بودر اي غبرة او طابلة شيكولا ذائبة على البخار و ماتكونش سخونة خليها تبرد راهي تزيد تعقد الخليط و تعطيه نكهة رائعة

في اناع غميق حطي كامل المكونات و اخلطي بالباتور حتى تتحصلي على قوام كثيف كيما تضربي الميرانق

و حطيها في اكواب و زينيها و الى المجمد لازم كونجيلاتور باش تجمد مليح و تجي كيما نتاع برى

عملتها في رمضان و ضفت للمقادير 2 ملاعق حليب نيسلي مكرمل جات هايلة و بنينة بزاف




ملاحظة


تحفظ في بورت مونجي في المجمد لوقت الحاجة او الاستعمال

ممكن تستعملي اي ذوق تاني للفلان و اذا استعملتي فلان الفراولة تقدري تميكسي حبات مع الخليط و تزينيها بحبات من الفراولة التزين يكون عند التقديم بعد ماتجمد

لازم تبقى في المجمد ساعتين على الاقل

تقدروا تقسموا الكمية في بورتمونجيات صغار و تلونوها بالوان اصطناعية و تقدروا تضيفوا كمية من المكسرات للخليط

التزيين كل وجدة وشطارتها انا زينتها بمبشور الشكلاطة و حبيبات بيسطاش و جور قطعتهم بالسكين ممكن تعمليها بملعقة الايسكريم و تقدميها في صحن 3 ملاعق دائرية و تزينيها بكراميل و مكسرات

تقدري تحتافظي بيها في المجمد لفترة طويلة و تستعمليها في اي وقت مثلا للضيوف اللي يجيو فجاة

تقدم فور خروجها من الثلاجة باردة

نتمنى نكون فدتكم و لو بقليل و نتمنى تجربوها راهي اقتصادية و خفيفة و بنينة بزاف و خاصة رانا في الصيف و ماتنسونيش من دعوة خير في ظهر الغيب