بسكوي انجليزي

mimimouni · 2014-10-18, 17:19

اليوم درتو لعيون كل وحدة طلبت الوصفة ، اسمحولي على التاخير لاني حبيت نصور المراحل.
هو اصلو انجليزي اسمه biscuit anglais ملي نشفا و ماما ربي يحفضها ديرهولنا علمتها وحدة كانت جارتها ايطالية ربي يجازيها في بداية السبعينات.
هو مافيهش خميرة يعني ما يطلعش بزاف يجي يشبه ل brownies , يعني البيض يطلعو شوية فقط.

نحتاجو 300 غ فرينة ، 250 غ سكر احرش ، 200غ زبدة ذائبة و باردة، 100غ لوز او كاوكاو مرحي خشين ، 100 غ شكلاطة بودرة، 6 بيضات و رشة ملح

الطريقة اسهل ما يكون خلطي بالسباتيل المكونات الجافة مع بعض والسائلة مع بعض.

لميهم مع بعض.

فرغي في بلاطو مغلف بورق زبدة اذا ما توفرش ادهني بقلييييل من الزبدة ذائبة مسحي فقط ورشي فرينة
لانو اذا كثرتي ممكن يبوط فالطياب بصح عادي حلي الفرن وانقبيه بكيردون.

وهاذا واجد بصحتكم.

أم ياسين الزهراء · 2014-10-18, 17:26

هايل شحال من مرة جربتو يعطيك الصحة

ام سهام 02 · 2014-10-18, 17:33

امممممممم يعطيك الصحة

mimimouni · 2014-10-18, 17:36

الله يسلمك ام سهام٠٢ و ام ياسين

أم محمد تاج · 2014-10-18, 17:47

رووووووعة الله يعطيك الصحة

scorpionoir · 2014-10-18, 17:55

اممممممممممممم هايل تموت عليه رنو ههههههه
ذرك تشوفو ديرو .

oum islem · 2014-10-18, 18:08

شكرا كثيرا مند عرضك لحلويات العيد وانا نستنا فيه يعطيك الصحة في ميزان حسناتك لكن ما زال الغريبية ادا ممكن غير الوصفة بدون صور ادا ما فيهاش ازعاج9

mimimouni · 2014-10-18, 19:14

اقتباس:

المشاركة الأصلية كتبت بواسطة أم محمد تاج

رووووووعة الله يعطيك الصحة

الله يسلمك اختي.

mimimouni · 2014-10-18, 20:25

اقتباس:

المشاركة الأصلية كتبت بواسطة scorpionoir

اممممممممممممم هايل تموت عليه رنو ههههههه
ذرك تشوفو ديرو .

تشفاي كي قسمتلها المقادير و غلطلها فالسكر جا مقرمش هههههههه

tong2 · 2014-10-18, 20:31

مــــاشاء الله روعـــــــــــــــــــة

شـــكـــرا عــلى الوصــــفة حـــبيــبــــــــــة

جازيا ام البنات · 2014-10-18, 20:31

يبان شباب اكيد نجربو ونرجعلك الخبر شكرااااااااااااااااااااااااااااااااا

mimimouni · 2014-10-18, 20:36

اقتباس:

المشاركة الأصلية كتبت بواسطة oum islem

شكرا كثيرا مند عرضك لحلويات العيد وانا نستنا فيه يعطيك الصحة في ميزان حسناتك لكن ما زال الغريبية ادا ممكن غير الوصفة بدون صور ادا ما فيهاش ازعاج

9

الله يسلمك اختي. بالنسب للغريبية عندي 2 انواع اللي فالصورة:
كيلة سمن مدينة مذوبة وجامدة حطيها فالمجمد تشد روحها و نحيها.
كيلة ناقصة سكر قلاص. و الفرينة
امحري السمن مليح بيدك ثم اضيفي السكر واصلي حتان تعود كيما الكريمة اضيفي الفرينة بالتدريج حتان تشوفيها تلمت لازم تجربي حبة طيبيها اذا قعدت محافضة على شكلها معناها مليحة والا لازم تزيدي الفرينة .
الوصفة الثانية بالكاوكاو و نفس الطريقة: كيلة كاوكاو مقلي مليح و مرحي + 1كيلة سمن مدينة + 1كيلة سكر رطب +3 كيلات فرينة. اي سؤال اتفضلي .

متمنية · 2014-10-19, 15:53

444444444444444444444444444444444444

Kaito · 2014-10-19, 16:22

يعطيك الصحة

foufamara · 2014-10-19, 16:25

يعطيك الصحة صح كل صبع بصنعة