بقلاوتي توجور عندي فيها ديفو ساعدووووووني

[pharmaciènne92]

السلام عليكم
ارجو منكن اخواتي العزيزات مساعدتي في انجاح البقلاوة التقليدية ( ماشي تاع لابات فيلو) عيييييييت ديما نديرها وكل مرة وكيفاش تخرجلي
المرة الاولى كيدرتها جات ماهيش معجنة ولكن كي نخرجها من البلا يطيرو الطبقات ما عرافتش علاه
المرة الثانية تنقسم البقلاوة على زوج الطبقات السفلى وحدهم والحشو والطبقات العلوية لاصقين وحدهم ملاحظة هنا الحشو ما كثرتش فيه ماء زهر فتلتو برك اذن وين راه الخلل !
المرة الثالثة كي كانت طيب نتفخت بزاااااااف حتى ولات دايرة كي القبة ( ديفورمات كامل) ربما لاني اضفت كمية قليلة ( ملعقة قهوة )من الخمارة الكيميائية في السمن اللي ندهن بيه الطبقات (هادي astuce شديتها من قناة سميرة )

والآن استفساراتي هي

1)- واش ندير باه تجيني حبة البقلاوة مجمولة وما يطيروليش الطبقات ؟

2)- وهل نقدر نثقب العجينة بالشوكة باش ما تطلعش اثناء الطهي ام ان هذا يخليها تعجن ؟

ملاحظة عندي ماكينة ميركاتو فيها حتى الرقم 9
بصح نحس الطبقات مازالو خشان كي نفوتها في الرقم الاخير وبالتالي نعاود نحلها بالحلال

3)- هل كي يكونو الطبقات رقاق بزاااف ياثر على تماسك البقلاوة ؟

4)- وفي الأخير كي نكمل عمل البقلاوة هل نسقيها بالسمن (مقدار فنجان) ام امسح الطبقة الاخيرة بالسمن فقط ؟

مقادير العجينة اللي استعملها
انا ندير 4 كيلات فرينة بكيلة سمن ملح ونبسسهم من بعد نعجن بالماء والماء الزهر ونخليها تريح
5)- هل صحيح انك ادا درتي 1كغ كوكاو ديري 1كغ فرينة

ارجوكن اخواتي ساعدنني
والله لا حشمت على روحي