باغية /باغي تخير التخصص المناسب ليك تعالى ليا وانا نقولك شكون تسقسي و الاجابة مضمونة........دون تردد ادخل ورايح يعجبك ال

[سوسو95]

[COLOR="Red[SIZE="5"]"]السلام عليكم ورحمة الله تعالى وبركاته
الف مبرووووووووووووك على كل الناجحين في باك 2015[/COLOR]

انا متحصلة على باك2014 علوم تجربية بمعدل 13 ومانقلكمش واش درت نهار النتيجة الانو معدل لايعكس مستوايا التعليمي لكن الحمد لله افضل من شحال واحدين

المهم كنت كيفكم حارة واش نديرب13 المدارس العليا اغلبيتها تحب 14 فما فوق اول حاجة توكلت على ربي وبديت نحط التخصصات بديت بالمدارس العليا ثانوي الي كان علابالي بلي مرايحينش يعطوها ليا كي وصلت للرغبة السابعة حطيت فيها مدرسة عليا عرية ابتدائي وهادي مكنش متاكدة بلي يعطوها لي المهم كي جات النتيجة التوجيه لقيتهم مدوهالي فرحت فرحة عمري مافرحتها والحمد لله ربي عوضني على نهار الباك الي بكييت فيه

وحسيت بواحد النوع من الرضى والطمأنينة تعرفو علاه باسكو وبتوفيق من الله ري هداني وصليت الاستخارة عدة مرات كي كنت نظم الرغبات

ووكلت ربي وقلت صايي الي يختارها ربي ليا هاديك وين راه الخير

وسبحان الله الاستخارة تعطيك واحد الطمأنينة مكانش كيفها ويبقى بالك مرتاح بالرغم من اني سمعت كلام من اساتذتي وصحاباتي علاش نخيرها قلت ليهم انا ماخيرت والو خيرها لي ربي وربي هو عارف الخير وين راه

والحمد لله كان هاد التخصص رائع وممتع نقراو كلش قريا متنوعة وزيد تكون اقرب للاطفال والحمد لله ربي وفقني باش نكون من الاوائل وفي 3 سنين نكون خدامة وانا عمري 21 سنة يعن ي شكون كيفي ههههههههههههههه

الخلاصة مكلاش تقلقو توكلو على ربي وصلو الاستخارة والله كنز وسحر حلال

وربي يوفقكم في كل خير

واي استفسار راني هنا

ملاحظة صلاة الاستخارة مهوش شرط انك تشوف حلم المهم تلقا الامور ماشية بسلاسة دون تعقيد [/SIZE]

[Nour_eldjazair]

بارك الله فيك و في نصيحتك

[عفّة]

السلام عليكم

أهلا سوسن الغالية ^^
أصبحت معلمة ^^ يا سلااااااام
ماشاء الله ربي يبارك

شفتي الابتدائي شحال يهبببل

[سوسو95]

المشاركة الأصلية كتبت بواسطة عفة مريم

السلام عليكم

أهلا سوسن الغالية ^^
أصبحت معلمة ^^ يا سلااااااام
ماشاء الله ربي يبارك

شفتي الابتدائي شحال يهبببل

واو عفة مريم هاد يانتي والله غير دايما ندعيلك ونتفكرك حكيت عنك لكل صحباتي
ربي يجازيك خير ان شاء الله
فعلا تخصص عربية رائع وممتع ا
العام الجاي تتخرجي ياك ربي يوفقك وينور طريقك ويفتحها في وجهك

[sahi redouane]

لم افهم جيدا

[youness.khellaf]

بارك الله فيك

[عفّة]

المشاركة الأصلية كتبت بواسطة سوسو95

واو عفة مريم هاد يانتي والله غير دايما ندعيلك ونتفكرك حكيت عنك لكل صحباتي
ربي يجازيك خير ان شاء الله
فعلا تخصص عربية رائع وممتع ا
العام الجاي تتخرجي ياك ربي يوفقك وينور طريقك ويفتحها في وجهك

السلام عليكم
ربي يبارك فيك عزيزتي

بصح راني تخرجت ياالغالية ^^
العاقبة لكم يا حبيبة ^^

[سوسو95]

المشاركة الأصلية كتبت بواسطة عفة مريم

السلام عليكم
ربي يبارك فيك عزيزتي

بصح راني تخرجت ياالغالية ^^
العاقبة لكم يا حبيبة ^^

بالبراكة عليك معناتها راكي معلمة بصفة رسمية
بغيت نسقسيك معلابالكش شحال الخلصة الاولى هههههههههه دوك حلاو ليا الدراهم

[مريم عادل]

نعم الحمد لله صليت الاستخاره عدة مرات

[سوسو95]

المشاركة الأصلية كتبت بواسطة sahi redouane

لم افهم جيدا

يا خلاصة الموضوع هو ان تتوكل على ربي وتصلي صلاة الاستخارة وخلي ربي هو الي يختار لك يعني انت دير جهدك ورتب الاختيارات على حساب ر
غيتك بصح خلي مولانا يختار ليك التخصص الانسب وذلك عن طريق صلاة الاستخارة و استشارة الناس الي يعرفو

المشاركة الأصلية كتبت بواسطة youness.khellaf

بارك الله فيك

وفيك بارك

[Chaima h]

Mabrok 3lik khti


Wach ml 3am rbahti fih

[مريم المسيلية]

ختي ربي يحفضك جاوبيني انا اليوم جبت الكشف و راني حايرة الغدوة واش ندير نروح للجامعة بصح واش ندي معايا واش لازم باه نجيب بطاقة الرغبات ولا كل شي بالنترنت جاوبيني ختي تعيشي واش درتي كي جبتي الكشف احكيلي بالتفصيل راني حاااايرة وااللله

[Mimi LbaSa]

ممكن تساعديني تحصلت على 11.50

[zahra96]

انا ديت 11.45 ربي شاهد واش درت كي قالولو ودوكا معلباليش واش راح ندير في التخصصات بلييز عاونوني واش ندير مني قادرا لنخمم لانقرر

[اسيل منة الله]

انا ديت 12.98 علوم تجربية من ولاية الجلفة
اسكوا نقدر ندير معلمة ابتدائي مدرسة عليا