شكون تجاوب على سؤالي

[Fifilondon]

:السلام عليكم ان شاء الله راكم لاباس شكون تقولي وعلاه المسكوتشو جات معجنة من داخل مع العلم اني جربتها من قبل وجات ناجحة 100٪1000
انا درت الطريقة تع صليحة بسكري
درت زوج بيض بحرارةالغرفة ضربتهم مع كاس سكر وكاس زيت و زاست تع ليمون مع عصير حبة ليمون مصفي طبعا ثم زدت كاس حليب وخفقت مليح ثم زدت 2 كاس فرينة و2خميرة كمياءية وخلطت مليح
هنا رحت شعلت الفرن على 180 ورجعت درت الخليط في المول مدهون بالزبدة ومرشوش بالفرينة
وسنيت 5د لقيت الفرن سخون بزاف نقصت درت 160 ودخلت المول في الوسط والفرن كان نشعول من تحت وبعد مرور نصف ساعة الكيكة طلعت وبدات ريحتها تفوح طليت عليها بلا ما تفتح عليها زدت 5د فتحت ودخلت السكين طلع ناشف شعلت من فوق وخليتها ختى حمارت طفيت ثم بعد 5د خرجتها وخليتها تبرد كي قطعتها تفاجات انو من داخل مزالت معجنة وخاصها طياب
وين راه المشكل يعني من برا طابت وتحمرت اللله الله ومن داخل عجين !!!؟؟؟
ياريت صاحبات الخبرة يردو عليا ويقولولي وين الخلل وربي يجازيكم كل خير

[melissa lola]

بالاك على درتيلها الحليب انا الموسكوتشو مانديرلهاش الحليب وزيد 2 خميرة بزاف و الله اعلم

[حياتي نبع امل]

انا نقلبها بسيخ الشواء ونفي عدة مناطق من الوسط ومن الجناب كي يخرج كااامل ناشف باه نطفي عليها
ونصف ساعة تبانلي قليلة خاصة اذا كان المول كبير كون خليتيها حت 40د ماتتقيديش بالزمن المذكور فالوصفة كل فرن وكيفاش
وكي تشوفيها حمارت وتلقايها من الداخل مزال ماطابتش نقصيلها وخليها تكمل طيابها

[فردوس الرحمان]

السر تاع المسكوتشو في مزج البيض مع السكر لازم حتى يتضاعف حجم الخليط وزيد ما تفتحيش الفرن حتى تضرب رائحتها، جربي تاع ام رامي روعة خفيفة كالقطن،

[**وحدها غريبة **]

ممكن الخليط بزاااف علي المول
والوقت ثاني كما قالو الاخوات كل فرن وكيفاش
اذا تحمرت من برا نقصيلها وخليها تطيب مليح من داخل
باذن الله المرات الجاية تجيك مليحة

[ام معاذ وسلمى]

اختي نقولك ما تكثريش الفرينة بزاف مسكوتشو يجي خفيف شوية يعني عينك ميزانك نا اختي نستعمل ياغورت بدل الحليب ثم 160 درجة مليحة وعليه الفوق يجي ماشاء الله واحدة خميرة تكفي 2 بيض يكفي لان 2 خميرة يجي ذوق الخميرة لاذخ في الفم

[abd_ser05]

بالاك نار قاويا يعني ما طابتش في غرضها ولا المول صغير ولا بدلتيلها درجة حرارى الفرن !!!!

[2009loulia]

شوفي أختي رأيي أنو الموسكوتشو تطيب 180 درجة و ثاني الموسكوتشو تطيب حتى تحمار وحدها يعني بالنار اللى من تحت من دون ما تشعلي من فوق
لوكان بيسكوي ممكن تديريها على 160 لكن موسكوتشو لازم 180 ولله أعلم

[*أم سجى*]

ممكن زدتي للفرن خلاها تزرب تطلع وتحمار وهي مزال مطابتش.....المرة الجاية نقصيلها ديري نار هادئة وخليها تطيب فغرضها وشوفي النتيجة يلا نجحتلك معناها المشكل ثماك

[rawda72]

f blassat lahlib diri lyaourt tabi3i w choufi kifach tjik

[Fifilondon]

المشاركة الأصلية كتبت بواسطة fifilondon

:السلام عليكم ان شاء الله راكم لاباس شكون تقولي وعلاه المسكوتشو جات معجنة من داخل مع العلم اني جربتها من قبل وجات ناجحة 100٪1000
انا درت الطريقة تع صليحة بسكري
درت زوج بيض بحرارةالغرفة ضربتهم مع كاس سكر وكاس زيت و زاست تع ليمون مع عصير حبة ليمون مصفي طبعا ثم زدت كاس حليب وخفقت مليح ثم زدت 2 كاس فرينة و2خميرة كمياءية وخلطت مليح
هنا رحت شعلت الفرن على 180 ورجعت درت الخليط في المول مدهون بالزبدة ومرشوش بالفرينة
وسنيت 5د لقيت الفرن سخون بزاف نقصت درت 160 ودخلت المول في الوسط والفرن كان نشعول من تحت وبعد مرور نصف ساعة الكيكة طلعت وبدات ريحتها تفوح طليت عليها بلا ما تفتح عليها زدت 5د فتحت ودخلت السكين طلع ناشف شعلت من فوق وخليتها ختى حمارت طفيت ثم بعد 5د خرجتها وخليتها تبرد كي قطعتها تفاجات انو من داخل مزالت معجنة وخاصها طياب
وين راه المشكل يعني من برا طابت وتحمرت اللله الله ومن داخل عجين !!!؟؟؟
ياريت صاحبات الخبرة يردو عليا ويقولولي وين الخلل وربي يجازيكم كل خير

شكرا لكل الاخوات لي قيموني و جاوبو على سؤالي رح ناخذ كل نصايكم بعين الاعتبار وان شاء الله المرة الجاية تنجح معايا شكرا ليكم كامل

[mimi hano]

سلام. أختي زوج بيضات يكونو بوحدة خميرة وكثرتي سوائل. كنتي تعملي بنصف الكمية أي بنص كاس وأحسن طياب فلكوشة وشعلي من فوق ومن تحت ونقصي لنار ولبلاطو يكون فلوسط. رايحة طيبلك سوا سوا.ان شاء الله نكون افدتك أختي الكريمة

[دنيا الامل 18]

شكرا لكم جميعا