..×× الرّيَـاضَة المُخْتَلَــطَـة فِي الثّـانَوِيّة ××..

[شِـتآءْ ∞]

السّـلام عليكم و رحمة الله و بركاته ..


أريدُ رأيكم حول ممارسة الرياضة في الثانوية .. أقصد الرياضة المختلطة !!

أستاذ العلوم الإسلامية يقول أنها حرام !! و بلا شك فهي كذلك ... فما رأيكم أنتم ؟!

فالاختلاط بحد ذاته معصية فما بالكم بالركض أمام الذكوووور !!!!!!!!!!

أفكر بالحصول على إعفاء العام القادم، و لكنها سنة نهائية فهل يُقبل الإعفاااء ؟؟

أرججوكم .. شاركوا و أبدووا آراءكم ..


و السلام عليكم..

[ميمي سمية]

ايه ختي

عندك الحق

انا في السيام كنت ندير ديسبونس ويقبلوهالي

مي كي طلعت الثانوية درت ديسبونس وجبتها من عند الطبيب وكي سلمتها للطبيبة تاع المدرسة ماحبتش تقبلها
ولهذاااااااااااااااااااااااااااااااااااااااااااااا ا

العام م اللي فات كي جا الاستاذ يديرلنا القفز الطويل ومع اللولاد نقصد ذكور تقابضت انا وياه هو يقولي" ديري "وانا قتلو "مانديرش قتلك مانديرش سي مانديرش" عيا فيا حاولني حاولني ومن لخر خلاني

المهم تقابضنا وجبت حقي انا في اللخر وخلاني مادرتش ومن هذاك اليوم فهم روحو وحدو وحدو وعاد مايخلطناش كي نجيو نلعبو حنا لبنات يبعث لولاد للصطاد وبحكم انو الثانوية كبيرة يعني الستاذ بعيد على البلاصة اللي نديرو فيها حنا البنات

ومن حسن حظظظظظي ان الاستاذ تاع العام اللي فات هو نفسو اللي حكمني السنة

من لخر نقولك حاجة ختي : ولاد الجيل هذا ماهمش متربيين {الا من رحم ربي} وكي يجيو لبنات يلعبو يقعدو يخزرو ويزيدو يحلو عينيهم {اسمحيلي على الهدرة هذي} ولهذا لازم على الطفلة تتصرف وتضع حد لهذي حاجة وبالعكس عادو كامل يحتارموني ويحطوني فوق ريوسهم ومايغلطوش معايا والاستاذ واحد منهم

خلي نفسك عزيزة عليك واذا ماحبيتيش توصلي روحك وتعودي télévision في عينين لولاد ديري وش درت انا ولا تصرفي وماتنسايش خلي نفسك عزيزة عليك ذك كامل يحطوك فوق ريسانهم....

[الجنة حلمي]

normal louken nchoufo lharam rana mane9rawech m3a les garçon tol mais aldin yoser walaysa 3ser ana tbanli normal elbsi tabliya fou9 sur vetement w al3bi 3adi *

[كلمة و ابتسامة]

نكرهاااااااااااااااااااااااااااااااااااا الرياضة المختلطة رهج كم اكرهها

[ميمي سمية]

المشاركة الأصلية كتبت بواسطة الجنة حلمي

normal louken nchoufo lharam rana mane9rawech m3a les garçon tol mais aldin yoser walaysa 3ser ana tbanli normal elbsi tabliya fou9 sur vetement w al3bi 3adi *

مي لالا ختي

كي تقراي معاهم راهو كل واحد في طريقو

تدخل تقراي وتروحي وماتتخالطي حتى مع واحد

مي ناشي كيما الرياضة رانا حنا نجريو وهوما يخزرو

ماشي جاست !!!!!!!!!!!!!!!!

[الجنة حلمي]

hhhhhh ana tgini normal psk wahda ki tkoun mohtarma yehtarmouha les garçon (lam a9sid lihana) w mat3akdich rohek al3bi 3adi liano sport mofid leldgisem weli yetfarag raho yethaseb howa 3nd rabi

[شِـتآءْ ∞]

المشاركة الأصلية كتبت بواسطة ميمي سمية

ايه ختي

عندك الحق

انا في السيام كنت ندير ديسبونس ويقبلوهالي

مي كي طلعت الثانوية درت ديسبونس وجبتها من عند الطبيب وكي سلمتها للطبيبة تاع المدرسة ماحبتش تقبلها
ولهذاااااااااااااااااااااااااااااااااااااااااااااا ا

العام م اللي فات كي جا الاستاذ يديرلنا القفز الطويل ومع اللولاد نقصد ذكور تقابضت انا وياه هو يقولي" ديري "وانا قتلو "مانديرش قتلك مانديرش سي مانديرش" عيا فيا حاولني حاولني ومن لخر خلاني

المهم تقابضنا وجبت حقي انا في اللخر وخلاني مادرتش ومن هذاك اليوم فهم روحو وحدو وحدو وعاد مايخلطناش كي نجيو نلعبو حنا لبنات يبعث لولاد للصطاد وبحكم انو الثانوية كبيرة يعني الستاذ بعيد على البلاصة اللي نديرو فيها حنا البنات

ومن حسن حظظظظظي ان الاستاذ تاع العام اللي فات هو نفسو اللي حكمني السنة

من لخر نقولك حاجة ختي : ولاد الجيل هذا ماهمش متربيين {الا من رحم ربي} وكي يجيو لبنات يلعبو يقعدو يخزرو ويزيدو يحلو عينيهم {اسمحيلي على الهدرة هذي} ولهذا لازم على الطفلة تتصرف وتضع حد لهذي حاجة وبالعكس عادو كامل يحتارموني ويحطوني فوق ريوسهم ومايغلطوش معايا والاستاذ واحد منهم

خلي نفسك عزيزة عليك واذا ماحبيتيش توصلي روحك وتعودي télévision في عينين لولاد ديري وش درت انا ولا تصرفي وماتنسايش خلي نفسك عزيزة عليك ذك كامل يحطوك فوق ريسانهم....

جميلٌ جداً.. بصحْ الله غالب ماشي قاع الأساتذة كيما أستاذك !!
الله يهدينا، أنا ندير الرياضة مضطرةةةةةةةةةةة ..
و لكن العام القادم إن شاء الله نجيب ديسبونس..
شكرا على المرور الراقي ميمي

[اريج السلام]

الحمد لله تلاميذ قسمي محترمين جداً جداً يوجد البعض أي عدد قليل لكن نحن بعيدات عنهم
أخي رتاب الزمان ألفاظك جارحة جا أرجو التعديل فيها

[ღ حَـــــــوَآءْ ღ]

T7abi diri sport Ouii diri mais m3a lbnét psq 3andou l7a9 prOf ta3ék ta3 Chari3a 7ram saa7 Psq maChi affaire Ga3 hadi drari w bnét -_-

[~’سَمـرٌ*,]

هههههه أخ رتتاب زمان مش لهاد الدرجة

[شِـتآءْ ∞]

المشاركة الأصلية كتبت بواسطة الجنة حلمي

normal louken nchoufo lharam rana mane9rawech m3a les garçon tol mais aldin yoser walaysa 3ser ana tbanli normal elbsi tabliya fou9 sur vetement w al3bi 3adi *

إيييه.. علابالي .. بصح الطابليا واش تدير ؟!
المشكل ماشي في القرايا .. المشكل الكبير في السبور .. لأن أغب البنات يحبوو ( يوروو رواحهم ) في حصة الرياضة !!
ما الحل ؟؟؟؟؟؟؟؟؟

المشاركة الأصلية كتبت بواسطة rym mc

نكرهاااااااااااااااااااااااااااااااااااا الرياضة المختلطة رهج كم اكرهها

اهئ .. توفيقك يا رب ..

[شِـتآءْ ∞]

المشاركة الأصلية كتبت بواسطة رتاب زمان

ديري سبور عادي حنا ال\كور علابالنا بلي راكم #موسطاشات# برك
وين تلحقو لاطاي نتاع الأوروبية
و عذرا على هذه الألفاظ التي تصف حقيقة البنت الجزائرية

المشاركة الأصلية كتبت بواسطة رتاب زمان

ديري سبور عادي ماناش دايرينكم في لحساب شبعنا من الأوروبيات هههههههههه

ما هذا ؟!!!!!!!!!!!!!!!!!!!!!!

ارتَقِ بألفاظك ثمّ ناقش ..

[Rinizemi]

المشاركة الأصلية كتبت بواسطة rym mc

نكرهاااااااااااااااااااااااااااااااااااا الرياضة المختلطة رهج كم اكرهها

الحمد لله حصلت على الاعفاء و لست مضطرة لممارسة تلك الحركات التي تشبه الرقص

[الجنة حلمي]

مالا عندك الحق اذا عادو لولاد لي يقراو معاك مهمش متربيين ( لم اقصد) مي انا حكمتني استاذة ربي يحفضها واش نقلولها نديرو لا ترفض و لولاد لي يقراو معايا كي خاوتي يحترموني بزاف رغم هذا فانا دائما انصحهم و ثاني كي نشوفهم يشوفو في كاش واحدة نقللهم راكم تزيدو في الذنوب لرواحكم ( مانقلكش لولاد ما يشوفوش ر اهم يشوفو وثاني لبنات راهم يلبسوا في لباس غير محترم ) ( لم اقصد)

[شِـتآءْ ∞]

المشاركة الأصلية كتبت بواسطة الجنة حلمي

hhhhhh ana tgini normal psk wahda ki tkoun mohtarma yehtarmouha les garçon (lam a9sid lihana) w mat3akdich rohek al3bi 3adi liano sport mofid leldgisem weli yetfarag raho yethaseb howa 3nd rabi

نعم.. مفيد و لكن في حدود المعقول .. أمارس الرياضة تحت أنظار الذكور لأحافظ على صحتي فتضيع آخرتي ..
لماذا ؟؟

المشاركة الأصلية كتبت بواسطة النابغة-دادي

الحمد لله تلاميذ قسمي محترمين جداً جداً يوجد البعض أي عدد قليل لكن نحن بعيدات عنهم
أخي رتاب الزمان ألفاظك جارحة جا أرجو التعديل فيها

أهلا نابغة المنتدى .. الحمد لله .. و لكن حتى لو كانوا محترمين فالاختلاط أساس كل بلاء !!!!

المشاركة الأصلية كتبت بواسطة ღ حَـــــــوَآءْ ღ

t7abi diri sport ouii diri mais m3a lbnét psq 3andou l7a9 prof ta3ék ta3 chari3a 7ram saa7 psq machi affaire ga3 hadi drari w bnét -_-

هذا هو الكلام .. أينَ نحن من الإسلام ؟؟ عُودنا على أفكار بالية زُرعت فينا بطريقة شنيعة..
تبااا