ارجو مساعدتي برأيكم اخوتي

[مشكلتي]

السلام عليكم انا كل ما أرى حلم يتحقق في الواقع ولو متأخر... فمثلا العام الماضي حلمت قبل نتائج البكالوريا بأن امي قالت لي لم تنجحي و جبتي معدل 3 و بالفعل مانجحتش و جبت معدل 9.13... و البارح حلمت جاني خبر اني نجحت في امتحان البكالوريا من شخص وعندما سألت خطيبي قال لا لم تنجحي و عندما ذهبت لأری النتيجة وجدت معدل 8.89 أي راسب لكن كشف النقاط كانت النقاط ممتازة لا علاقة لها بالمعدل و كأن هناك خطأ حساب معدلي و انا الان خائفة من هذا الحلم لأني أتمنى النجاح هل هي مجرد افكار أم رؤيا كما اني رأيت المنام بعد صلات الفجر

[lover4ever]

بالتأكيد رايحة تجيك هاد الاحلام في اخر اسبوع من اعلان النتائج نتيجة الضغوطات استناي مبقاش بزاف ويعلنو النتائج وماتقلقي روحك ماوالو ام يقولو النسبة هاد العام عالية وربي ينجحك ان شاء الله

[اميرة الابتسامة]

ماتقلقي روحك ماوالوا .. ما تقعديش تخمي في النتيجة ولو أنو ميشي بيدك لكن انساي الحلم هذا وادعي ربي يوفقك ... ربي ينجحك اللهم امين

[imenemalak]

اختي لانك تخمي بزاااف في النتائج وتحكي عليها بزاااف اصبحتي تشوفيها في منامك ,,,,,,,ان شاء االله تديه وتفرحي

[عيدة نور الهداية]

الله يوفقك وينجحك اختي لا تقلقي

[~~ أغيلاس ~~]

السلام عليكم؛

لماذا تعطون للأحلام كل هذه الأهمية؟

و حذار من تفسير الاحلام مرة اخرى،

المنام إذا فسره الشخص فإنه يقع،

لا تفسري الأحلام التي ترينها سيئة أبدا أبدا، استعيذي بالله من الشيطان الرجيم، أما الأحلام التي ترينها حسنة فأنت لا تعلميين صحة تفسيرها، و إن كنت متأكدة من صحة تفسيرها فلا تقصيها إلا لأحب الناس إليك،

كمسلم أؤمن بالرؤى، فهناك رؤى صادقة و لكني لا اقص المنامات على أحد سواء كانت حسنة أم سيئة و لا أقبل أن يقص على أحد أفراد العائلة مناما مهما كان.

[الصديق قروف]

المشاركة الأصلية كتبت بواسطة ~~ أغيلاس ~~

السلام عليكم؛

لماذا تعطون للأحلام كل هذه الأهمية؟

و حذار من تفسير الاحلام مرة اخرى،

المنام إذا فسره الشخص فإنه يقع،

لا تفسري الأحلام التي ترينها سيئة أبدا أبدا، استعيذي بالله من الشيطان الرجيم، أما الأحلام التي ترينها حسنة فأنت لا تعلميين صحة تفسيرها، و إن كنت متأكدة من صحة تفسيرها فلا تقصيها إلا لأحب الناس إليك،

كمسلم أؤمن بالرؤى، فهناك رؤى صادقة و لكني لا اقص المنامات على أحد سواء كانت حسنة أم سيئة و لا أقبل أن يقص على أحد أفراد العائلة مناما مهما كان.

الاخ على حق ‏
ممكن يفسرولك حلمك بطريقة سلبية ‏
انصحك ان تطلبي حذف الموضوع و تفائلي بلخير
ماعندك ماديري الى ادعاء ‏‎
‎

[همس المشاعر*]

كل ما نفكر في حاجه بزاف نشوفوها في المنام

[اخت الرجل]

ربي ينجحك ختي وماتفكريشيىبزاف طول النهار

[*فاتن*]

اول حاجة استعيدي بالله و نحي هاد الوسواس من راسك هده مجرد مخاوف و حاجة طبيعية
ايام قليلة و يبان كل شيء و نشاء الله تكوني من الناجحين

[sarra95]

ربي ان شاء الله ننجحو ونفرحو والدينا
انت كيما انا العام لي فات حلمت مديتش و كان صح و هدي اي احلام قادرة تتحقق و قادر لا
وهدي اي احلام تتعلق بالوضع و التخمام لي راني عايشينو
انت مديري والو في بالك و ربي يقدر الخير و نفرحوا كامل
ونحي هدا التخمام من بالك