أولادي التوأم

[مشكلتي]

السلام عليكم عندي أولاد توأم عمرهم 11 سنة مشكلتهم مايندمجوش مع الناس و يتجنبو الناس حتى العائلة و مايو يخرجو و كي يشوفو واحد يتخباو منو و يهربو حتى خوهم لي أكبر منهم يتحتشاوه مادام واحد ما يقرب ليهم انا وليت خايف عليهم و نفكر نديهم لمستشار نفسي خايفة يكبرون و يبقاو بهذه الحالة و كي سألتهم علاش ما تخرجوش قالو ناس تبقى تشوف فينا علاه يخزرو فينا قتلهم لأنكم عجبتوهم قالو لا بأس يضحك علينا ولله معالي وش ندير معاهم

[اخت الرجل]

غريب هههه
حنا في المجتمع نتعنا التوأم قلال لهذا عندما نرى توأم نبقاو نخزرو فيهم ممكن ويعجبونا
لاكن اولادك يحسو بلي راهم يضحكو عليهم
والله اعلم حاولي تكلميهم ودخليهم في المجتمع خليهم يشاركو في مخيمات صيفية وجمعيات باه ينشطو خاصة اذا كانو اولاد
وربي يخليهملك

[الاخت الكريمة]

صح ممكن مش لانهم توام
هدي حاجة يتعرضلها اي طفل
لازم تعلميهم وتجيبيلهم اولاد يلعبو معاهم

[مجرّد إنسان]

خليهم يخرجو يلعبو في الشارع مع صحابهم ويخالطو الناس
ولوكان تقدري تديهم لمستشار نفسي فذلك افضل

[صفاء الروح]

ربي يحفظهملك حاولي تخليهم يندمجووو مع المجتمع يلعبو يخرجو يهدرو

[malek firdaouss]

خليهم يخرجو البرا لازم تولفيهم يقعدو مع الناس مع الاولاد وفهميهم بلي غير يعجبو الناس علبيها يخزرو فيهم الله يبارك ماشاءالله

واذا مقدرتيش شوفي مع باباهم يخرجهم معاه يديهم للجامع يقعدو فيه يتعلمو مهم مع الناس

ولا دخليهم لفرق او للسباحة او صالة رياضة او ،،،،،،،مهم يكونو مع المجتمع

واذا شفتي محبوش اديهم للطبيب نفسي

ربي يحفظهملك امين



،
،
،
،
،و اخيرا امنيتي نجيب توأم حقيقي امين يا رب

ربي يرزق كل محروم

[كلنا راحلون]

وجهة نطر عادي ادا ديتيهم طبيب نفسي لكن لكن لكن الا دواء بمعن مشي كل طبيب نفسي متمكن من مهنة كاين لي يعرف غير ادوية ...اديهم وبدون ادوية

[nesrinwarda]

السلام عليكم ورحمة الله وبركاته
الإخوة أعطاولك حلول جيدة بارك الله فيهم ما لقيت واش أنزيد، ماتتقلقيش زيد أولادك راهم داخلين على المراهقة راه عادي إولو حساسين

[محمد جديدي التبسي]

العين حق اقري عليهم قرآن وأكثري من الدعاء لهم
نظن الافضل ما يبقوش مع بعضهم أغلب الوقت
يعني يجتنبوا الخروج مع بعض حتى يزول هدا الاشكال ويندمجوا بعض الشيء والله أعلم

[jissi]

مازالوا صغار وممكن عندهم نقص ثقة برك

جربي معاهم يلبسوا ملابس مختلفة ونصيحة ارقيلهم

[احبك ربي"تقاء"]

السلام عليك أختي
أواا حفظ الله لك ولديك وجعلهما من البارين بوالديهم
أنا أيضا لي أخت توأم وأذكر أن أمي تقول مررنا بنفس المشكلة قبل 18 سنة
وعندما ذهبت بنا أمنا ربي يحفظها للطبيب نصحها بالآتي:
-تتوقف عن تلبيسنا اللباس المتماثل
-أن تدرس كل في قسمها،فصلونا يعني
ربما هكذا أفضل ،والحمد لله نحن اليوم شابتين عاديتين
أسأل الله أن يكونا كذلك عاجلا غير آجل
في أمان الله

[first first]

جربي اختى تخليهم يخرجو لكن بزيين مختلفين تماما وكل واحد وحدو دون الاخر
ربما اولادك تحسسو من خاصية انهم اثنين بشكل واحد وهم بطبعهم خجولون ............يعني كرهو من كونهم دائما مراقبون.

برايي المتواضع لاتضغطي عليهم بصورة مباشرة لكن الموضوع يتطلب منك محاولة دمجهم تدريجيا.............ربي يحفضهملك ويسعدك بيهم
التوائم محببون دوما ربي يباركلك فيهم.

[..بسمة أمل ..]

السلام عليكم انا نظن هاذ الحالة لاوملها

طبيب نفسي ممكن يكون عندهم مرض التوحد لازم طبيب نفسي

في هاذ الحالة من كي يتخباو من الناس شوية نورمال بصح

من خوهم لالا ربي سهلهم ان شاء الله

[amira1989]

احيانا الانسان ميخالطش خير و هما زوج يونسو بعضاهم تخافي لكان جا طفل و حدو منعزل مي زوج لالا كي يحبو بعضهم الدنيا و ما فيها
يرحم باباك و ش ربحنا من الناس

[محفوظ البسكري]

السلام و عليكم

اولا وقبل كل شيء ان شاء الله يترباو في عزك

اظن ان التوام في هذا السن الصغير قد يجدون مشكلة وان جميع الانظار تتجه نحوهم وهم لا يعرفون لمادا ( بالنسبة لنا نحن الكبار امر عادي )

ام هم فلا لدا ان بقو على هاته الحالة مدة طويلة قد يصبابون بامراض نفسية التي يصعب علاجها

وان شاء الله لدي اقتراح قد ينجح ان شاء الله

لا تلبسي ابناءك التوأم لباس متشابها حتى لا يدرك الناس من الوهلة الاولى انهم توأم

حاولي ان تدخليهم في الروضة وتجعليهم بذلك يندمجون مع الاولاد