مشكلتي طعنة

[مشكلتي]

السلام عليكم

تحصلت على شهادة البكالوريا بتقدير قريب من الجيد . و كنت اطمح لاكثر لكن قدر الله و ما شاء فعل المهم ليس هدا ما يحزنني لانه قضاء الله .لكن ما يحزنني هو ردة فعل بعض اساتذتي الذين كنت اعتبرهم قدوة حسنة بعد رسول الله صلى الله عليه وسلم .سامحهم الله .فاستاذتي سألتني عن المعدل قلما اخبرتها بكل براءة و فرحة فقالت لي كلمة واحدة صدمتني بها هدا ما كان تصورو هده الكلمة "هدا ماكان " اهي ردة فعل مناسبة لتلميدة تعبت و داقت المرارة .اضاقة الى استاد اخر اخبرته بمعدلي فاخد يصبرني و كانني في جنازة . لم اكن اعلم بان شروط التحصل على شهادة البكالوريا هي التحصل على تقدير جيد او ممتاز. فقدت ثقتي في نفسي كرهت الدراسة و الاجتهاد . ارجوكم كلمة منكم و ما تعليقكم على هكدا رد ترونه عاديا ام انا حساسة كثرا . شبعوني ذل و مهانة ﻻ ادري لماذا
اسال الله تعالى ان يغفر لنا

[abdoustar]

مبروط عليك الباك ما تعمريش راسك بالحكابات هادي ركزي في واش راح تخيري

فالجامعة و اللي داروه معاك هاد الاساتذة يعكس مستواهم ملي راوحو مالجامعة ما عاودوش قراو حرف


المهم نحي عليك فالجامعة كاين الاحسن المهم نتي راضية الحمد لله

[thmaster100]

المهم انك فرحتي والديك علاه تحتاجي تفرحي الاساتذة تاعك ولا تهتمي بتثبيطهم

اعطوني هذا الفيديو بالامس لاحد الاوليا بولايتي فرح بولده نجح بالباكلوريا

https://www.********.com/amor.ziani/...49100301769805

بالتوفيق

[~أمة الله~]

عليكِ السلام ورحمة الله وبركاته
مبارك عليك أختي ، وربي يوفقك ويعينك
المعدل يا أختي ليس النهاية ، كم من إنسان أخذ الباكلوريا بامتياز ولم ينجز شيئا ، ولكن في المقابل نعرف الكثييير جدّا ممن تحصل على معدلات مقبولة فقط ، 10 وأخواتها ولكن في النهاية وُفِق وهو لي نَفَع وانتفع...
وديري في بالك بلي الشهادة في بلادنا ، عبارة عن مفتاح جعله الله لفتح بعض الأبواب، الصّح كامل طموحك وبماذا تريدين نفع نفسك أولا ومجتمعك ثانيا .... حتى ولو كنتِ ماكثة في البيت -وهو المكان الطبيعي الذي جعله الله للمرأة - تستطعين تحقيق هذا الطموح
لذلك ، نصيحتي إليك ، ارمي عليك هذا الكلام ، الأساتذة جزاهم الله خيرا على تدريسهم، انسايهم الآن أمامك حياة جديدة ،نصيحتي إليك، احمدي الله على نعمة التوفيق ، غيرك محروم منها ،اختاري تخصّصا يتناسب مع كونكِ امرأة مسلمة ...
طوري نفسك وحدك ، لا تتكلي أبدا ،ألبتة، على ما يعطونك في الجامعة ، طوري نفسك في مجالات أخرى خاصة بالنّساء ، مثل الكروشي ، تعلم الحلوى وغيره
وفقكِ الله وأعانكِ

[ام رضوان]

مبروك عليك وعلى والديك وربي يتمم فرحتك
ماسمعناش باي لازم يجيبوه بامتياز والا ما يستعرفوش بيهم
لازم تقتانعي انت بنتيجتك وتفرحي وتحمدي ربي راه كاين اللى تعب وسهر وقرا ومانجحش
وكاين اللي نجح وما شافش نتيجتو يعني توفي
على هذا لازم نحمدو ربي في كل صغيرة وكبيرة
سلام

[soumia bougaa]

يا اختي ماخممتيش بلي ممكن كانو شايفين فيك تلميذة تاع معدل احسن من هذاك
كانو متوقعين انك متاثرة بزاف عليها الي حبو يصبروك
مش بالضرورة انهم يكون قاصدين واش راكي تخممي

[رهف هبة الرحمان]

مبروووك عليك اختي الباك ولقوبة لنجاحات اخرى متعمريش راسك بهدي الهدرة معليش اختي حاجة نورمال بلاك كانو متوقعين اكتر ربي يفرج عليك

[hanna25]

اختي مديريش علة الأساتذة ودرك تزيدي تطلعي للجامعة وتشبعي منهم وتولي مديريش عليهم
حنا أستاذ كان يقرينا علوم وهو قرا بيولوجي المهم نهار طلعت صحبتي للجامعة بح تسجل ودرت بيولوجي لقاها ناد يدحك قالها هذا وش درتي راكي تطايشي في لبيولوجيا هههههه شغلي هو كان منعرف وش يقرا علابالك علاه بويسك مكن ليكان معاه دارو بيولوجي وقراو وكمل دراسات عليا وهو بقا بلمكينة ولايعاير في لولاد شيوخ راهم يحدرو برك وهوما تبانلهم يصبروا فيك بصح مديريش عليهم راني عديت هذا الموقف وحاسا بيك ودرك وليت منديرش عليهم في الجامعة مدايرة حالا في شيوخا كارهين مني مساكن ههه ننتقم
ربي يفرحك وديري وش متمنيا واعرفي بلي الباك مش هو كلش وتقدري تقراي وتطلعي وتولي خير من 1000 نعبد
بالتوفيق

[الواثق]

هذا مكان ؟؟؟ ههههه..............الله يهديك هم لايقصدون شيء بكلامهم سوى انهم يرونك تلميذة مجتهدة وكانو يتوقعو منك معدل افضل بالعكس هم قدرو مجهودك .........فالممتاز خطأ بسيط منه نبقاو نركزو على نقطة الضعف فقط ..........اما المتهاون والكسول لو تبان فيه نقطة ايجابية نركز على ايجابيته فقط ..............هذيه العقلية تاعنا هههه
والله المستعان

[ابراهيم داود]

لم تعد هذه مشكلة تحتاج لحل بل صارت سبا و شتما و تنكرا و جحودا مقرفا لمن درسكم و علمكم كتابة مات تكتبون...

[~رآقية بأخلآقي~]

لا عليكِ منهم..المهم انتِ راضية ومقتنعة بمعدلكِ وبنفسكِ وأهلك راضيين عليك...

[لحن الحياة.]

كي قريت العنوان نحسب كاش واحد طعنوه و بقاتلو عاهة مستديمة ................ماا فهمتش وشنهو البربلام

[nesrinwarda]

السلام عليكم ورحمة الله وبركاته
مبروك عليك حبيبتي، راك الحمد لله من الناجحين بذلت مجهودك و فرحت والديك

[KARIMA.HOPE]

راني حاسة بيك اختي و جزت كيما هادي العلوي قصة بصح حمد لله على كل حال جبت 10 في باك و ضحكو عليا و قالولي جبتي هدا مكان بصح قلت ربي هو لي يجازيكم كيما جزيتوني انا
ساعات كلمة وحدة تحطملك واش بنيتي من20 سنة
مهم انا لي ضحكو عليا كامل راهم يخلصو و الله ماراني نستشفى فيهم، بصح حبيت نقلكم بلاكو تستهترو بلعباد حتى بكلمة
و لي ضحكو هدا عام داو كيما انا
مهم ربي يجزيهم لخير ليا و ليكم و ان شا الله اختي تكوني من احسن طلاب في جامعة

[صفاء الروح]

ليسونسيال نجحتي ولازم تمشي بمبدا في حياتك اللي هو ارضاء الناس غاية لاتدرك