هل بلغنا؟

[بلسم الجراح]

السلام عليكم
اليوم وانا قاعدة نطيب جاتني فكرة قبل كنت نخمم هكذا كي نتخرج من الجامعة نتعلم الفرنسية ونتعلم نطيب ونولي نصلي في الوقت الخ لقيتها كامل أعذار المهم من بعد خممت انو نحن كمسلمين وظيفتها أعظم من هكا كاين حاجة هي انو لازم نبلغوا الدين تعنا للناس اللي ملحقهاش رايحين نتحاسبو عليهم غدوة عند ربي الآلاف راهم يموتوا كافرين ومن بعد خممت انوا حنا كمسلمين مرناش نمثلو الدين إطلاقا منتطبعوش بأخلاق الرسول عليه الصلاة والسلام ومنعرفوا والو على الدين اتعنا المهم اخواني من يستطيع ويكون كفء فاليبلغ انا قررت انو رايحة نبدى نتعلم ونقرى ونتعمق في الدين وارجو ان أستطيع في يوم ما التبليغ هدفي ليس كثرة الردود المهم نكون وصلت الفكرة تاعي وكاين موضوع آخر مهم من بعد مطروحا أن شاء الله
ملاحظة أكثر شي حرقلي في قلبي الي يدخلوا في الدين يقلك المسلمون لايمثلون دينهم علاه زعما حنا خير أمة خصوصا الي عايشين في الخارج
تقبل الله صيامكم وعباداتكم