طاجين حلو دون لحم

نور اليقين 66 · 2015-06-19, 22:44

السلام عليكم ونتمنى تعجبكم وصفتي لطاجين الحلو اللي معتمدتها وعرفتها كي كنت نقرا في الجامعة وكان رمضان يجينا ثمة كنا نتجمعو في 8 بنات نفطرو مع بعض ونتعاونو في كلش وفي مرة جات واحدة لعندنا تفطر معانا وجابت معاها حوايج باه تدير هذا الطاجين من دارهم انا شفتها وحكمت عليها الوصفة لكن لا اتذكر من اي جهة لانو جهتنا منديروهش كامل انا دخلتو للدار هههههه وكي لقيت كامل الوصفات يحكو على اللحم قلت لازم نحط الوصفة هاذي
اسمحولي طولت عليكم

انحكي الوصفة والمقادير معاها

نجيب كلغ تفاح نقشرو ونحيلو الوسط ونقطعو دوائر وكل منكمل حبة نلوح عليها السكر باه متكحالش السكر اكثر من 1 كلغ تقريبا كيلو ونص

كي نكمل نجيب طنجرة كبيرة اللي رايحة نطيب فيها نحط التفاح والسكر ونزيد عليه حوالي لترين ماء او اقل قيس متحسي التفاح تغطي وتضيفي 2 ورقات رند ومغرفة صغيرة فلفل اكحل ومغرفة صغيرة كركم وتشرحي ليمونة صغيرة وعود قرفة و3 هكذاك اعواد قرنفل وملعقة كبيرة زبدة ستار وتخليهم يغلو على نار هادية

من جهة اخرى تحكمي العين المجفف والزبيب والبرقوق تكوني قطعتيه وتديرهم يفورو

كي تشوفي التفاح لونو تبدل واذبال معناها راه طاب
المغرفة اللي تكوني تحركي بيها شوفيها ثان باه اذا حبيتي العسل يكون خاثر اكثر يتسمى تزيدي تغليها اكثر

تجيبي الزبيب والعين والبرقوق تلوحيهم في الطنجرة وتزيدهم 5 دقايق لا اكثر وخلاص هاي طابت بالصحة والراحة

هاذ الوصفة بنينة و الحاجة الاخرى متترماش انا درت كمية مهولة هههههههههههههههههههه عارفة بصح ضرك نحط في الكونجيلاتور ونجبد طوال الشهر تكفيني

وهاذي صورتها

مانيش مصورة بزاف خطوات وان شا الله تعجبكم وتجربوها وتدعولي وتدعو لصاحبة الوصفة

بنت لبحر · 2015-06-19, 22:51

يعطيك الصحة نور العين فحلة الله يبارك يالشاطرى نجربها و نردلك لخبر

تربحي يالزينة

نور اليقين 66 · 2015-06-19, 22:57

اقتباس:

المشاركة الأصلية كتبت بواسطة بنت لبحر

يعطيك الصحة نور العين فحلة الله يبارك يالشاطرى نجربها و نردلك لخبر

تربحي يالزينة

ميرسي حنونة ربي يجازيك خير ويفرحك حنونة

حنين فتـاة · 2015-06-19, 22:58

يعطيك الصحة نور على الوصفة

نور اليقين 66 · 2015-06-19, 23:05

اقتباس:

المشاركة الأصلية كتبت بواسطة حنين فتـاة

يعطيك الصحة نور على الوصفة

الله يسلمك حنين شكرا على المرور الجميل

زهرة الريف* · 2015-06-20, 00:01

بارك الله فيك وصفة ساهلة تبان بنينة يعطيك الصحة

نور اليقين 66 · 2015-06-20, 10:58

اقتباس:

المشاركة الأصلية كتبت بواسطة الريفية

بارك الله فيك وصفة ساهلة تبان بنينة يعطيك الصحة

يبارك فيك اختي نتمنى انك تجربيها وشكرا على المرور العطر

أم عبد الكريم · 2015-06-20, 11:12

الله الله عليك يا الحفلة يعطيك الصحة

نور اليقين 66 · 2015-06-20, 11:15

اقتباس:

المشاركة الأصلية كتبت بواسطة أم عبد الكريم

الله الله عليك يا الحفلة يعطيك الصحة

الله يسلمك شكرا حبيبتي ربي يحفظك حنونة ويخليلك اولادك وصحتك يا الزينة نتاعنا

روح مراد · 2015-06-20, 14:14

نور يبان هايل وين كنتي مخبية هذه المواهب أحنا ثاني نديروه بدون لحم الفرق فقط التفاح نطيبوه وحده و البرقوق وحده و الزبيب وحده

طالبة النجاحْ~ · 2015-06-20, 14:21

شكرا اختي علي الوصفة انا منحبش تاع اللحم
هكذا فواكه خير بصح اول مرة نعرف يديرو الرند ؟!

بارك الله فيك وفي صاحبة الوصفة

نور اليقين 66 · 2015-06-20, 15:18

اقتباس:

المشاركة الأصلية كتبت بواسطة روح مراد

نور يبان هايل وين كنتي مخبية هذه المواهب أحنا ثاني نديروه بدون لحم الفرق فقط التفاح نطيبوه وحده و البرقوق وحده و الزبيب وحده

حشمتيني يا الغالية
وين نبان قدامك يا ملكة

شكرا حنونة

tong2 · 2015-06-20, 15:21

روعة الله يعطيك ااصحة

نور اليقين 66 · 2015-06-20, 15:27

اقتباس:

المشاركة الأصلية كتبت بواسطة الأمل إحساس

شكرا اختي علي الوصفة انا منحبش تاع اللحم
هكذا فواكه خير بصح اول مرة نعرف يديرو الرند ؟!

بارك الله فيك وفي صاحبة الوصفة

وفيك بركة اختي الكريمة
بالنسبة للرند راني غير نقلت الوصفة اللي شفتها تتحضر قدام عيني وكي رجعت للدار بديت بالتطبيق ههههههههههههه

شكرا على مرورك الجميل

نور اليقين 66 · 2015-06-20, 15:29

اقتباس:

المشاركة الأصلية كتبت بواسطة tong2

روعة الله يعطيك ااصحة

الله يسلمك اختي العزيزة

انت الاروع ومرورك ايضا سلمت يا اختي