خطبة اختي فُسِخت بسبب ....

[اخت امين]

السلام عليكم ورحمة الله وبركاته
كيف حالكم ؟ان شاء الله تكونو بخير
ملاحظة كنت قد وضعت الموضوع في منتدى الاسرة والمجتمع وبما اني جديدة في المنتدى لم ادرك اقسامه كلها ولم اعلم اين اضع موضوعي هذا فأدركت ربما انها مسألة فقهية افيدوني جزاكم الله خيرا

ولم استطع نقل الموضوع الى هنا ولا حتى الغاء المشاركة في القسم الاخر اعذروني لكي لا يكون الموضوع مكرر

اردت ان اطلعكم عن قصة اختي

مؤخرا أختي فسخت خطوبتها بسبب ان خطيبها طلب منها الخروج معه لوحدهم مرارا وهي تقابله بالرفض وتقول له انه هذا الشئ لا يجوز لانها ماشي مفتحة ولا عاقدة كرّهلها حياتها بهذا الموضوع وكذلك كان يطلب منها ان تلبس اللباس اللي راهم البنات كامل يلبسوه برا الكاسيات العاريات ( حاشا البعض) كذلك رفضت بشدة ،قعد يهبل فيها مدة 4او5 اشهر مؤخرا هددها بفسخ الخطوبة لوكان ماتلبيش اوامره قاللها تخرجي معايا ولّى نحبّس....قالتلو حبس الله يسهل عليك ماشي نرضيك انت ونغضّب ربي سبحانو .
بقاو مخطوبين مدة 9اشهر وكان ابي في اول لقاء معه حذَّره ُمن عدم الخروج معها وقال في وسط الرجال نعم ما نخرجش معاها ، لكن ماشدش في كلمتو كرجل وطلب العكس .
وفي هذه الفترة خَطبوها شحال من واحد ،حسّت أختي بلي تمسخر بيها وانه لا علاقة له بالدين عكس ما قالونا الناس كي سقسينا .تأسفت اختي كثيرا وحنا كذلك لوجود رجال كيما هادو يلحق يقوللها نتوما حابسين ماراناش في بكري الراجل مايشوفش لمرا وما يتلاقاش معاها ، و والديك عايشين في القرون الوسطى.. هل اللي يتمسك في دينو يولي حابس وماشي متحضّر وتاع بكري ؟
لا حول ولا قوة الا بالله
اختي حبست معاه وكي كانو يجو يجيبولها هدايا بسيطة ودارولها الخاتم وعطاوها 3ملاين ونصف شرطها
السؤال
هل من حقها باش تحتفظ بيهم حق ما عطلها 9 اشهر؟ و...و...
لانه كي سألنا شحال من امام كل واحد واش يقول حرنا واش نديرو من فضلكم اخوتي اعطوني رايكم
وجزاكم الله خيرا.


والسلام عليكم ورحمة الله وبركاته