كرواسو رائع مورق وخفيف وهشوش

[ام ساجد]

السلام عليكم ورحمة الله وبركاته



هاذ الوصفة اهداء لاخت ام محمد 78 واولادها

هاذي وصفة كرواسو رائع مورق وهشوش وخفيف روووعة
استعملت طريقة العجين المورق السحري لانها ساهلة وناجحة
المقادير:500غ فرينة+3ملاعق سكر ملعقة مش مملوؤة خميرة خبز+ نصف كيس خميرة حلويات+
ملعقه صغيرة ملح+ ملعقة حليب بودر ملعقة زبدة +ماء دافئ +230غ زبدة تورق

التحضير :نخلط كل المقادير ونجمعهم بالماء الدافئ انا استعملت كاس واقل من ربع كاس نعجنها
ثم نحطها في طبق مدهون ونغلفها ونخليها ترتاح 20دقيقة
نحل العجينة بشكل مستطيل ونرابي فوقها230غ زبدة توريق باردة ونلفها بشكل اسطواتي نتحصل
على حربوش نعاود نحلو بالحلال ونطويه على ثلاثة وهي جاهزة لتشكيل
نقسمها على اثنان ونحط قسم في الثلاجة لحين العمل به ونبدا العمل نحل القسم الاول بالطول ونقسم
مثلث وناخذ المثلث ونكيل بيه باش يكونو كامل نفس الحجم
نبدا التشكيل نبدأ نلوي المثلث وممكن نحشيه باي شيئ شوكولا اوكريمه ونحط في صينية مدهونة بشوي
زيت اوممكن نستعمل ورق الطهي ونخليها تخمر ساعة ثم ندهنها بيضة +قطرات خل وندخلها للفرن
ساخن في الرف الاعلى درحه 190




















وهاذي زبده التوريق لي استعملتها



ملاحظة:كي تكونو تلو فيه في التشكيل اجبدي من الاسفل يعني طوتي جهة المثلث من تحت باش
تجي فيه دورات ياسر ويجي شكلو جميل



وهاذي صورة من داخل للاخوات لي حبو يشفوه من الداخل

[/SIZE]

وهاذي بيتي بان بالشوكولا وبان سويس بنفس العجينة

[أم أماني وعبدو]

انا اول وحدة ترد راني ديت حقي

يعطيك الف صحة هاااااااااااااااايل ان شاء الله نجربو في اقرب وقت ما شاء الله عليك

[ibtihal18]

ماشاء الله يسلمو ايديك فحلة

[om wassim]

الله يبارك خرجلك هايل يعطيك الصحة على الوصفة و اكيييد نجربها

[Amani Madridista]

اممممممم شكلو فور و اكيد الذوق ثاني الله يبارك

مشكورة

[ام نظال]

جزاك الله كل خير رائع

[merry_mora]

الله ابارك مبدعة كالعادة

[reine rofaida]

هايليعطيك صحة عندي شحال و انا نحوس عليها انشاء الله نجربها شكرا

[/زهرة عصفور الجنة/]

رائع بارك الله فيك

[omjoujou]

يعطيك الصحة حبيبتي ام ساجد وصفة رائعة والكرواصون خرجلك اروع

[أم باسم]

يعطيك الصحة ربي يبارك فيك ويحفضك بربي إن شاءالله نجربو عندي مدة ماكليتوش

[زهرة الريف*]

بارك الله فيك اختي أم ساجد وصفاتك كلها ثقة والكرواصو خرجلك هايل
وبإذن الله نجربو يعطيك الصحة

[حبيبة امها]

ما شاء الله يسخف جربت العجينة المورقة وخرجتلي رايحة نجرب هذه ايضا باذن الله

[البحر الصافي]

الله يبارك مبدعة ان شاء الله نجربو

[عائشة حسان]

يعطيك الصحة خرحلك هايل
خسارة خﻻصتلي الزبدة في اقرب وقت نشريها ونجربه