تحلية سهلة+اقتصادية= بنيييييييييييييينة

[شمس بريكة]

مساء/صباح الخير

اليوم جبتلكم تحلية جديدة

وكما باين في العنوان

سهلة + اقتصادية

=

بنيييييييييييييييينة

المقادير

نص باط قاطو أي نوع

نص باط قوفريط أي نوع

باط فلون ذوق فراز

زوج صفار بيض

لتر حليب

سكر

ثلاث مغارف نشا

فقققققققققققققققط

ستفي القاطو في المول تاعك



وجدي الفلون معى نص لتي حليب



وصبيه فوق القاطو



حطي الفلون يبرد

بعدها وجدي معجون+شيكولة تويسكو *المكون السحري ديالي ههههههههههه*





امسحي بيه فوق الفلون تاعك اذا حبيتي تجيك حلوة زيدي انا مسحت برك العائلة ما

يحبوش حاجة حلوة بزاف ديري على حساب عائلتك

وستفي فوقو حبات القوفريط

واذا حبيتي ثاني ديري قاطو مرة وحدة مش قاطو وقوفريط

قلنا اقتصادية يعني بالشي الي عندنا متوفر



بعدها اخدمي كرام باتيسيار

نص لتر حليب معى ثلاث مغارف نشا و سكر على حساب الحلاوة لي تحبيها

خلطيهم بارد في بارد ملييييييح

حطيهم يغليو حتا يثقل الخليط

زيدي زوج صفار بيض وخلطي مليح وحطيهم يطيبو مدة دقيقتين او ثلاثة

حطيه في حاجة ثانية كاسرونة ولا غميقة وغطيه باش ما يتشكلكش طبقة صفراء قاسية

وحطيه بجيهة في الثلاجة وكي يوصل وقت الاستعمال زيديلو ملعقة زبدة وصبيه فوق الفلون





حطيها تبرد

وفي الاخير زينيها وبالصحة والهنا

انا هاذا واش قدرت نزين خخخخخ







راني نستنا في التقييم

و جربوها واذا عجبتكم نسالكم بدعوت خير