موضوع للنقاش ... جدول رمضان

[آلاء النايلية]

السلام عليكم
صحا رمضانكم لبنات
لحق رمضان راكم موجدين رواحكم ؟ ان شالله نفوتوه بالصحه و الهنا و ربي يتقبل صالح الاعمال


كيفاش رايحين تقسمو وقتكم في هاد الشهر ان شالله فيدونا معاكم

[أم شاهين]

صباح النور اخت آلاء
صح باش نقدرو نديرو معظم واش رانا حابين في رمضان لازمنا برنامج نحاولو نمشو بيه ونتمسكو بيه وهادا واش راني نحوس نخطط درك لكن ما نقدرش حتان يجي رمضان ان شاء الله ونبدا نهار الاول ونشوف اموري من بعد نقدر نقسم وقتي
الشي لي راني معولة عليه ونخمم فيه انو لفطور نوجد نصفو ليلة من قبل لاني نخدم ونكمل على الثالثة وكي نوصل للدار تولي الربعة ولا الربعة ونص لازمني ننقص على روحي من قبل
بالنسبة لختم المصحف نويت انو يلازمني وين ما نكون وهكا نربح الوقت وين نكون نقرا فيه حتى نقدر نختم ان شاء الله
ان شاء الله يفيدونا الاخوات ببرامجهم وانا ان شاء الله لي عودة بعد تاني او ثالث يوم في رمضان نكون حددت برنامجي ان شاء الله
اللهم بلغنا رمضان لا فاقدين ولا مفوقدين

[آلاء النايلية]

أهلين ام شاهين
في انتضار عودتك
بالنسبة للقران احسن شي باش نختموه مرة واحدة في الشهر قراءة أربع صفحات بعد كل صلاة
وانا ثاني مزال مدتش برنامج راني حايرة و في انتضار المساعدة
ان شالله ربي يوفقنا