ما رأيكم في مواضيع الإنجليزية؟

[ath111]

السلام عليكم

كيف وجدتم مواضيع الإنجليزية؟

إن شاء الله كانت في متناولكم

[toulay]

وعليكم السلام ورحمة الله تعالى وبركاته

تاع اللغات مزالو يفوتو فالامتحان يفضو حتى ستة ونص ربي يسهل ان شاء الله

والعلميين وتاع الفلسفة من المفروض كملو

[عآشقة غزه]

il est facile wlid khti khdam bien bon courage à tous

[نارينا]

يقال أن موضوع الادب كان بالمتناول وسهل الى حد ما خاصة التعبير الكتابي

أما اللغات فلازالوا في قاعة الامتحان

[roza montero]

في الانتظار على ناااااار حاسة انا لي فوتت ربي يسهل علييييهم

[ميلاد الكلمات]

السلام عليكم
المواضيع تحتاج الى تركيز و تحضير
ربي يستر و يسهل و يوفقنا ان شاء الله
بالتوفيق للجميع

[رئاب]

السلام عليكم ورحمة الله
المواضيع كانت جد سهلة لمن حضر جيدا طبعا ،النصوص في المتناول وسهلة ،أنا شعبة آداب حسيت أن الوقت غير كافي ،وحتى الأستاذة الحارسة قبل أن يدق الجرس بدأت خلاص خلاص انتهى الوقت الله المستعان ،المهم بذلت كل ما في الوسع وأسأل الله التيسيرو بارك الله فيكم

[toulay]

المشاركة الأصلية كتبت بواسطة رئاب

السلام عليكم ورحمة الله
المواضيع كانت جد سهلة لمن حضر جيدا طبعا ،النصوص في المتناول وسهلة ،أنا شعبة آداب حسيت أن الوقت غير كافي ،وحتى الأستاذة الحارسة قبل أن يدق الجرس بدأت خلاص خلاص انتهى الوقت الله المستعان ،المهم بذلت كل ما في الوسع وأسأل الله التيسيرو بارك الله فيكم

معندهاش الحق فالاستدعاء مكتوب 2 سوايع ونص معناها 2 سوايع ونص
حتى يوصل الوقت وتصوني تجمع الاوراق يخي حالة يخي
ربي ينجحك ان شاء الله

[رئاب]

والله يا أستاذة غير قلقتني وما انحبش نهدر هكذا على الأساتذة هكذا بالعكس أقدرهم كثيرا ومن تقديري لها ما قدرتش انقوللها مازال ما صونات
معلش كنت في كتابة الفقرة ،على كل ربي يسهل وخلاص

[toulay]

المشاركة الأصلية كتبت بواسطة رئاب

والله يا أستاذة غير قلقتني وما انحبش نهدر هكذا على الأساتذة هكذا بالعكس أقدرهم كثيرا ومن تقديري لها ما قدرتش انقوللها مازال ما صونات
معلش كنت في كتابة الفقرة ،على كل ربي يسهل وخلاص

من حقك تريكلامي لخاطرش هذا امتحان تقرير مصير مادام مدولك 2 سوايع ونص علابالهم بلي الموضوع يطلب الوقت هذا
وتاني مين تبقى هكذا تهدر وتبقى غير خلاص خلاص automatiquement تفقد التركيز تاعك وتروحلك الفكرة
ربي ينجحك ان شاء الله

[رئاب]

المشاركة الأصلية كتبت بواسطة toulay

من حقك تريكلامي لخاطرش هذا امتحان تقرير مصير مادام مدولك 2 سوايع ونص علابالهم بلي الموضوع يطلب الوقت هذا
وتاني مين تبقى هكذا تهدر وتبقى غير خلاص خلاص automatiquement تفقد التركيز تاعك وتروحلك الفكرة
ربي ينجحك ان شاء الله

طبعا أستاذة لم أتكلم لأن الوقت الذي بقي كان قليلا ولو كان العكس كنت تكلمت ،آمين وكل الطلبة والطالبات

[toulay]

المشاركة الأصلية كتبت بواسطة رئاب

طبعا أستاذة لم أتكلم لأن الوقت الذي بقي كان قليلا ولو كان العكس كنت تكلمت ،آمين وكل الطلبة والطالبات

ان شاء الله
الان ركز مع الفلسفة لانو المعامل 6 وان شاء الله تدي فيها مليح
بالتوفيق

[ath111]

Tolay

في الموضوع الثاني لشعبة العلوم في التمرين الثالث من text exploration

في الجملتين b و c ما هي أدوات الربط التي تعتقدينها صحيحة؟

[يسرى وهران]

السلام عليكم انا شعبة لغات
اخترت الموضوع الثاني .. كي حليت نصفه تلاقيت صعوبة شوية فيه عاودت درت الموضوع الأول مليح شوية بصح طويل يتطلب تركيز في الفقرة نسيت قاع الكلمات تاع الانجليزية سبحان الله تخلطتلي الفرنسية مع الاسبانية مع كلش دارونا education ; the way of development الله يجيب الخير ان شاء الله ...

[karim31mco]

انا لغات النصوص صعبة الفهم, انا حليت موضوع 2 لأنو صغير بعد اكثر من ساعة في المقارنة

يسرى ايضا انا مثلك في الفقرة, تلفولي كل كلمات الانكليزية