اروع خبز تركي خفيف قطن

[ام محمد اسلام الله]

السلام عليكم ورحمة الله وبركاته
في الحقيقة عائلتي من محبين المعجنات وعلى رأس القائمة الخبز بتنوع
هدي الوصفة تجي خفيفة قطن تاكلي خبزة بلا متحسي حبيت نشراككم بيها
لمقادير
4كيسان فرينة
ملعقة ونصف خميرة الخبز
2ملاعق كبار سكر
1ملعقة صغيرة ملح
نصف كوب حليب
كوب ماء
ربع كوب زبدة
الطريقة نضع الفرينة الملح السكر والخميرة ونخلط
في كسرونة ضعي الحليب والماء والزبدة فوق النار حتى يغلو كي يدفو
لمي بيهم العجينة واعجني مليح من بعد ادهني بول بزيت وخاليهاا تخمر ساعة من بعد خسريلها لخميرة وخاليهاا 5 دقائق شكليها في السنيوة رقيقة شوية وخليها تزيد تخمر مليح من بعد ادهنيها ببيضة مخلطة مع شوية ماء وشوية قهوة ورشيها بتلجلجلان ودخليها اطيب واستمتعي بأحلى خبز
ادا شفتي لعجينة جارية بزاف تقدري تزيدي نصف كوب فرينة

كي تخرجيه غطيه بفوطة لمدة 5 دقائق