رجاء لصاحبات الخبرة

[فرحة العمر]

ممكن تعطيولي طريقة خياطة هذو البساطات ولااللي تعرف تخدمهم تديرلنا ورشة والله ندعيليها في صلاتي وأكيد ربي رايح يجازيها لأنها رايحة تعاون محتاجين



نتمنى تجاوبوني ومتتجاهلونيش

[هاجر سوسو]

ان شاء الله ايعاونوك الاعضاء

[farawla01]

https://www.djelfa.info/vb/showthread...86&page=20شوفي هنا اختي

[حورية38]

اختي هادو بساطات بلونين
نخدمهم وكنت درتا الورشة 3مرات وكل مرة تضيع مني ومانقدرش نوفي مع لبنات لكن ممكن نشرحلك برك
هدا في الصورة بطريقة الكوفرولي في الخياطة اما البساط تاخدي قيسات التالية
في القماش نحتاج لونين
اللون الاول نحتاج.40 .8مترمقطعة الىكل 2.10متربوحدهايعني 4قطع //4.20متر من الفو ق و4.20 متر من الاسفل //
اللون التاني تحتاجي 4.20تر مقطعة /2.10متر2.10ر يعني قطعتين
ونحتاجو بونج ادا تحبيه غليظديري بونج غليظ وادا رقيق ديري الرقيق /////البونج حسب طول القماش 2.10متر على تقريبا 180سم لان قماش الملاس حوالي 90سم وكاين تاع 80سم يعني تحتاجي حوالي 3قطع وتجمليهم
ادا بونج فقط
وادا تزيدي للوات او القطن الاصطناعي او الصوف لازمك بالميزان حوالي 8حتى 9كغ ومن الاحسن تخدميه بللوات تاع المتر تحتاجي 4متر

تاخدي قطعتين قماش من اللون الاول وتخيطيهم مع بعض من الوسط لتحصلي على قطعة من 2.10متر على 1.80ونفش الشيء بالنسبة لباقي القطع

[حورية38]

بعد دلك نحط اللون الاول الوجه للاعلىادا تركبي الروفلي مباشرة خيطيه اولا او احكميه بدبابيساولا على القطعة الاولى//الجهة الملساء//وفوقها القطعة التانية من نفس اللون بحيت الجهة الملساء للجهة الملساءوفوقها القطعة التالتة اي اللونالاخر وتكونالوجه مع الجهة الخلفية للقطعة التانية ونحكم بالخيط او دبابيس تمنخيط القطع مع بعض لنحصل على شكل كيسونخلي جهة ندخل منها البونج

[حورية38]

تم نرسم الرشمة على الوجه الاعلى للقطعانا نرسم بورف الكربون من الجهتين
هنا نكون قست البونج وجملتو بالخيط مع بعض باش يولي قطعة واحدة //ادا تخدمي بيالبونج فقط حطيه في الكيس ورتبيه مليح باش مي يتجعلكش القماش
تم تغلقي الفتحة وتبداي التطراح
وادا تزيدي للوات حطيها فوق البونج وبقطي باش ما تتحركش ودخليها بنفس الطريقة تم طرحي
كي تكملي كامل التطراح تقطعي القماش
بالتوفيق

[فرحة العمر]

ربي يعطيك ماتتمناي
فهمت من شرحك نديرهم بلا كادر هكذا